Daniel 2:5 - Bible in Tzeltal Bachajón

⁵ Te ajwalil hich la yalbe te mach'atic ay sp'ijilic: Hich jnopoj: Teme ma ba yac awalbonic te bin a te la jwayichtay soc teme ma ba yac awalbonic te bin ya sc'an ya yal, yac awich'ic sesenel soc busul ya xhil te anahique.

Bible in Tzeltal de Oxchuc y Tenejapa

⁵ Te muc' ajwalil jich la yal: —Te bila jnopoj ya jpase jich ay: Teme ma ba ya awalbonic te bila a te la jwaichine, soc teme ma ba la awalbonic te bila swentaile, ya me awich'ic milel, te anaic ya me yich' jinel soc ya yich' busanel sts'ubil.

Daniel 2:5 ပူးပေါင်းရင်းမြစ်များ

2 Reyes 10:27

La swuyic te sloc'omba Baal, la sjinic te templo yu'un, la sutp'inic ta tsa'najibal c'alal ora.

Esdras 6:11

Soc ha nix caloj mandar teme ay mach'a ya sjin te halbil mandaril ini, ac'a yich' tasbeyel loq'uel jch'ix sts'amte'el sna soc ac'a yich' johc'anel a, soc jc'axel jimbil ya xhil te sna yu'un.

Salmos 50:22

Ac'a c'ohtuc ta awo'tan ini, ha'ex te yac ach'ay ta awo'tanic te Diose, te manchuc ya jtuch'ticlanex, hich mayuc mach'a ya scoltayex.

Salmos 58:7

Ac'a ch'ayuquic hich te bin ut'il ha' te ya x'oquin bahel; c'alal ya st'imic bahel te ya'tejibalul st'ihmalte'ic ac'a wac'uquic.

Daniel 2:12

Ha yu'un te ajwalil soc sc'ahc'al yo'tan soc yilimba la yal mandar te ya yich'ic milel spisil te mach'atic ay sp'ijilic ta Babilonia.

Daniel 3:29

Ha yu'un ya cal ta mandar te biluc pueblohil, nacionil o c'opil te ya sbohlc'optay te Dios yu'un Sadrac, Mesac soc Abed-nego ac'a yich'ic butsticlanel soc ac'a yich' busanel ta jinel te sna, como mayuc yan dios te hich ya xhu' ya xcoltaywan, xchi.

Daniel 4:9

Beltsasar, jtsobawat yu'un te jpas-señahetic, jna'oj te ay ta awo'tan te espíritu yu'un te ch'ul diosetic soc te mayuc bintic wocol ta na'el te ma ba yac ana'e. Halbon ca'iy te nahalsitil la jquil ta jwayich soc te sc'oblale.

Deuteronomio 13:16

Yac atsobe spisil te sbiluc ta mero yohlil te pueblo, ya achic' te pueblo soc spisil sbiluc scuenta scohtol chic'bil mahtanil yu'un te Jehová te Dios awu'une. Stalel but'bil tsehl ya xhil ta jinel, ma me ayuc bin ora ya yich' xan pasel.

Josué 6:26

Ha yorahil a te Josué hich la yal ta jamal: Ma lecuc sc'oblal ya xc'oht ta stojol Jehová te winic te ya scha'pas xan ha'i pueblo Jericó ini. Ta scuenta stojol scuxlejal te sba-nich'an ya me ya'be hahchel te yich'o-ip; ta scuenta stojol scuxlejal te ihts'inal ya me yotsesbe te puertahetic yu'une, xchi.

1 Samuel 15:33

Pero la yal te Samuel: Hich te bin ut'il te espada awu'un la yac' te mayuc yalatac a hil te antsetic, ha nix hich mayuc yal ya xhil te anan ta yohlil te antsetique, xchi. Hich te Samuel la sesen te Agag ta stojol Jehová ta Gilgal.