Daniel 2:49 - Bible in Tzeltal Bachajón

⁴⁹ Te Daniel la sc'ambe te ajwalil te yacuc ya'be scuentahinic te a'teliletic ay ta pasel ta jsehp q'uinal Babilonia te Sadrac, Mesac, soc te Abed-nego. Te Daniel hil ta a'tel ta banti ay ta a'tel te ajwalile.

Bible in Tzeltal de Oxchuc y Tenejapa

⁴⁹ Ta scaj te c'opoj te Daniel ta stojol muc' ajwalil, yu'un te Sadrac, Mesac, soc te Abed-nego, ac'bot tulan yat'elic ta sejpel ta sq'uinal Babilonia. Te Daniel ja' la sjoin jilel ta banti ay ta at'el te muc' ajwalile.

Daniel 2:49 ပူးပေါင်းရင်းမြစ်များ

Ester 2:19

Te c'alal la yich'ic tsobel scuenta schebal buelta te ach'ixetic, te Mardoqueo hucul ta yochibal sna a te ajwalil.

Ester 2:21

Ta hich ora, te c'alal hucul ta yochibal sna a te ajwalil te Mardoqueo, te Bigtán soc Teres, cheb eunuco-winiquetic yu'un te ajwalil te yac scanantaybelic te puerta, ilinic soc la schapic te ya smilic te ajwalil Asuero.

Ester 3:2

Spisil te a'batetic yu'un te ajwalil te ayic ta ti'nahil yu'un te sna ajwalil ya squejan sbahic soc ya snijan sbahic ta stojol Amán, como hich yaloj ta mandar te ajwalil. Pero te Mardoqueo ma ba la squejan sba soc ma ba la spehc'an sba ta stojol.

Proverbios 28:12

C'alal ya ya'iyic tsalaw te mach'atic toj yo'tanic, ay bayel yutsil; yan te c'alal ya yich' yipic te mach'atic chopolic, ya snac' sbahic te winiquetique.

Jeremías 39:3

Spisil te príncipaletic yu'un te ajwalil yu'un Babilonia ochic bahel, la slahman sbahic ta Ochibal ay ta ohlil, ha'ic te Nergal-Sarezer, Samgar-nebo, Sarsequim te jtsobaw yu'un te eunucohetic, Nergal-Sarezer te ay tulan ya'tel, soc spisil te yantic yu'un te ajwalil yu'un Babilonia te tulan ya'telique.

Daniel 1:17

Ta schanebalic te queremetic Dios la ya'be snopojibal soc te ya xhu' yu'unic sna'el spisil te hunetic soc bintic ay ta na'el. Te Daniel la sna' yalbeyel sc'oblal spisil ta chahp nahalsitil soc wayichiletic.

Daniel 1:7

Jeltaybot sbihilic yu'un te jtsobaw yu'un te eunucohetic: te Daniel, ha Beltsasar sbihil c'oht; te Ananías, ha Sadrac sbihil c'oht; te Misael, ha Mesac sbihil c'oht; te Azarías, ha Abed-nego sbihil c'oht.

Daniel 2:17

Patil te Daniel baht ta sna, la ya'be sna'ic te smohloltac Ananías, Misael soc te Azarías, bin ut'il ay te c'ope,

Daniel 3:1

Te ajwalil Nabucodonosor la pas jun muc'ul loc'omba ta oro, oxwinic (60) xuhc'ubil stoyolil soc waqueb xuhc'ubil sjamalil. La stehc'an ta spamlej yu'un Dura, ta jsehp q'uinal yu'un Babilonia.

Daniel 6:2

La yac' oxtuhl jtsobaw yu'unic, te jtuhle ha te Daniel; te schebal ajwaliletic ya x'ilbot ya'telic yu'un te oxtuhlic scuenta yu'un ma ba ya sta swocol a te ajwalil.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.