Daniel 2:47 - Bible in Tzeltal Bachajón

⁴⁷ Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.

Bible in Tzeltal de Oxchuc y Tenejapa

⁴⁷ Patil jich la yalbey te Daniel: —Ta mero melel, Daniel, te Dios awu'unic ja' mero toyol yu'un yantic diosetic. Ja' Ajwalil yu'un ajwaliletic, ja' ya xchicnantes te bitic wocol ta na'ele, melel ju' awu'un xchicnantesel te bila wocol ta na'ele —xi'.

Daniel 2:47 ပူးပေါင်းရင်းမြစ်များ

Génesis 41:39

Te faraón la yalbe te José: Te bin ut'il Dios la ya'bat ana' spisil ini, mayuc mach'a hich ya sna' soc te hich ay sp'ijil yo'tan te bin ut'il te ha'ate.

2 Reyes 5:15

Patil te Naamán soc spisil mach'atic sjoquinejic suhtic tal ta banti ay te winic yu'un Dios, la stehc'an sba ta stojol, hich la yal: Yo'tic la jna'ix te mayuc yan Dios ta spisil te q'uinal, ha nax stuquel ta Israel. Awocoluc, ich'a amahtan te ya ya'bat te a'bat awu'une, xchi.

Job 12:19

Ha ya swahtanlan sacerdotehetic, soc ya sjinticlan te mach'atic ay yipique.

Salmos 136:2

Halbeyahic wocol te Dios yu'un te diosetic, como sbahtel q'uinal ay sc'uxul yo'tan.

Salmos 136:3

Halbeyahic wocol te Ajwalil yu'un ajwaliletic, como sbahtel q'uinal ay sc'uxul yo'tan;

Salmos 72:11

Spisil te ajwaliletic ya me squejan sbahic ta stojol; spisil te nacionetic ya me yac' sbahic ta a'batinel yu'un.

Salmos 82:1

Te Dios ay ta yohlil te tsoblej yu'un te diosetic; ta yohlil te diosetic ya xchahpanwan.

Salmos 96:4

como muc' te Jehová soc ha nix yu'un te halbeyel yutsil sc'oblale; c'ax hich ay ta xi'el a te bin ut'il spisil yantic diosetic.

Ezequiel 26:7

Como hich yaloj Jehová, te Ajwalil: Ya cac' taluc ta norte te Nabucodonosor, ajwalil yu'un Babilonia, te ajwalil yu'un ajwaliletic, te ya scontrahin te Tiro soc cawuhetic, carretahetic, soc jmoheletic ta cawu soc bayel soldadohetic.

Daniel 11:36

Te ajwalil ya me spas te bin ya sc'an yo'tan. Ya me stoy sba soc toyol ya yac' sba yu'un spisil diosetic, soc ay bintic c'ax chopol ya yal ta stojol te Dios yu'un te diosetique. Lec ya xc'oht ha to c'alal ts'acal ya xc'oht te yorahil ilimba, como ya me xc'oht ta pasel te bin chapale.

Daniel 2:19

Hich ta ahc'abal a'bot sna' ta nahalsit te Daniel te bin wocol ta na'ele. Ha yu'un te Daniel la yalbe yutsil sc'oblal te Dios ta ch'ulchane,

Daniel 2:22

Ya yac' ta na'el te bin wocol ta na'el soc te bin muquen ay; ya sna' te bin ay ta yihc'al q'uinal, te sacal q'uinal nahinem ta stojol.

Daniel 2:28

Pero ay jtuhl Dios ta ch'ulchan te ya yac' ta na'el te bintic wocol ta na'el, ha la ya'be sna' te ajwalil Nabucodonosor te bin ya xc'oht ta pasel ta patil. Te awayich soc te anahalsit te la awil te c'alal ayat ta awayib, hich ay:

Daniel 2:29

Te c'alal ayat ta awayib, ajwalil, tal ta awo'tan sna'el te bintic ya xc'oht ta pasel ta patil. Te mach'a ya yac' ta na'el te bin wocol ta na'el, la ya'bat ana' te bin ya xc'oht ta pasele.

Daniel 2:30

Ho'on a'boton jna' te bin wocol ta na'el, ma yu'unuc te c'ax hich ay sp'ijil co'tan a te bin ut'il te yantic winiquetic, ha nax yu'un te hich ya x'a'bot te ajwalil te ya sna'be sc'oblal soc yu'un yac ana'be scuentahil te bintic anopoj ta awo'tane.

Daniel 2:37

Ha'at, ajwalil, ha'at ajwalilat yu'un ajwaliletic; como te Dios ta ch'ulchan la yotsesat ta ajwalil, la ya'bat awu'el, awip soc awutsilal.

Daniel 3:15

Yo'tic, teme yac awa'iybeyic sc'op te corneta, flauta, cítara, lira, salterio, gaita, soc spisil te a'tejibaletic yu'un música, ¿ya bal aquejan abahic soc ya bal ach'uhuntayic te loc'omba te jpasoje? Como teme ma ba yac ach'uhuntayique, ora nax yac awich'ic ch'ojel ochel ta horno banti yac ta tihlel c'ahc'. ¿Mach'a diosil ya xhu' ya scoltayex loq'uel ta jc'ab? xchi.

Daniel 3:28

Hich la yal te Nabucodonosor: Bayel me yutsil te Dios yu'un Sadrac, Mesac soc Abed-nego, te la sticon tal ch'ul a'bat yu'un ta scoltayel te a'batetic yu'un te jun yo'tanic ta stojole. Ma ba la spasic bin la yal ta mandar te ajwalil, manchuc ya xlajic, ma ba ya yac' sbahic ta a'batinel ta stojol yan diosetic soc ma ba ya sch'uhuntayic, ha nax stuquel te Dios yu'unique.

Daniel 3:29

Ha yu'un ya cal ta mandar te biluc pueblohil, nacionil o c'opil te ya sbohlc'optay te Dios yu'un Sadrac, Mesac soc Abed-nego ac'a yich'ic butsticlanel soc ac'a yich' busanel ta jinel te sna, como mayuc yan dios te hich ya xhu' ya xcoltaywan, xchi.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Daniel 5:11

Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

1 Corintios 14:25

ya xchicnajtesbot te bin muquen ay ta yo'tan. Hich ya squejan sba soc ya sch'uhuntay te Diose, ya me yal ta jamal te melel ay ta awohlilic te Diose.

Deuteronomio 10:17

Como te Jehová, te Dios awu'unic, ha Dios yu'un diosetic, soc ha Ajwalil yu'un ajwaliletic, ha muc'ul Dios, ay yu'el soc ay ta xi'el, ma tsahbiluc nax te mach'a ay sc'oblal ta yo'tan, soc ma stsac smahtan scuenta chahpanwanej;

1 Timoteo 6:15

te ha ya xc'oht ta pasel ta yorahil yu'un te Dios te ay yutsil soc te stuquel ay ta ajwalil, ha Ajwalil yu'un ajwaliletic soc Yajwal principaletic,

Josué 22:22

¡Te Jehová te Dios yu'un diosetic, Jehová te Dios yu'un diosetic, ha ya sna' soc ac'a ya'be sna' te Israel: Teme ha ta scuenta toybahil o teme ma junuc co'tancotic ta stojol Jehová, ma me xawac' ya xcuxajotcotic yo'tic!

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.