Daniel 2:45 - Bible in Tzeltal Bachajón

⁴⁵ hich te bin ut'il la awil te t'ohch talel ton ta wits, te mayuc mach'a t'ohchot yu'un, te la swuyticlan te hierro, bronce, chic'bil lum, plata soc te oro. Te muc'ul Dios la ya'be yil te ajwalil te bin ya xc'oht ta pasel ta patil. Smelelil te wayichil soc smelelil te sc'oblale, xchi.

Bible in Tzeltal de Oxchuc y Tenejapa

⁴⁵ Ja' me ya yac' ta na'el te ton la awil jajch' tel ta witse, te stuquel nax tale, te ma'yuc mach'a tselot bael yu'une. Ja' te ton te la sts'ubiltay te hierro, bronce, ajch'al, plata, soc te oro. Ja' me stuquel te mero muc' Dios te la yac'bat awil te bi ya xc'ot ta pasel bael ta patile. Te bi la awaichine mero melel, soc te sc'oplal la calbate mero melel me —xi'.

Daniel 2:45 ပူးပေါင်းရင်းမြစ်များ

Isaías 28:16

Ha yu'un hich ya yal te Cajwaltic Jehová: Ilawil, ho'on cac'oj yich'o-ip ton ta Sión, ha tsahbil ton, ha t'ujbil ton yu'un xuhc scuenta yich'o-ip te tulan aye. Te mach'a ya yac' smuc'ul yo'tan ta stojol ma ba ya xpehc'aj yo'tan.

Génesis 41:32

Te bin ut'il cheb buelta la ya'iy wayich te faraón, ha ya yal te Dios me ya yac' c'ohtuc ta pasel, soc nopol ya xc'ohtix ta pasel yu'un.

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

Salmos 48:1

Muc' te Jehová, soc ha snuhp' te ya yich' halbeyel yutsil sc'oblal ta muc'ul pueblo yu'un te Dios cu'untic, ta ch'ul wits yu'un.

2 Samuel 7:22

¡Ha yu'un c'ax muc' Diosat, Jehová! Mayuc yan mach'a hich ay te bin ut'il te ha'ate, mayuc yan Dios ay, hich te bin ut'il la jca'iycotic ta jchiquincotic.

Deuteronomio 10:17

Como te Jehová, te Dios awu'unic, ha Dios yu'un diosetic, soc ha Ajwalil yu'un ajwaliletic, ha muc'ul Dios, ay yu'el soc ay ta xi'el, ma tsahbiluc nax te mach'a ay sc'oblal ta yo'tan, soc ma stsac smahtan scuenta chahpanwanej;

Génesis 41:28

Hich te bin ut'il la jcalbe te faraón: Dios la ya'be sna' te faraón te bin ya xbaht spas.

Apocalipsis 19:17

La jquil jtuhl ch'ul a'bat teq'uel ta c'ahc'al, tulan hich la yawtay spisil te mutetic yacalic ta wihlel ta sjamalil ch'ulchan: La'ic, tsoba tal abahic ta muc'ul we'elil yu'un Dios,

Apocalipsis 4:1

Patil la jquil, ay jamal ti'nahil ta ch'ulchan. Te c'op la jca'iy ta nahil te sjel ta yoq'uel corneta, hich la yal: Mohan tal li'i, ya ca'bat awil bintic ya xc'oht ta pasel ta patil, xchi.

Apocalipsis 1:19

Ha yu'un ts'ihbaya te bintic awiloj, ha te bintic ay ta ora ini soc te ya xc'oht ta pasel ta patil.

San Lucas 17:20

Te fariseohetic la sjoc'obeyic te Jesús te bin ora ya xtal te cuentahinel yu'un Dios, hich halbotic yu'un: Ma chicanuc ta ilel te ya xtal te cuentahinel yu'un Dios,

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

San Mateo 21:24

Halbotic yu'un te Jesús: Ha nix hich ay bin ya joc'obeyex, teme yac asutbonic, ha nix hichon ya calbeyex awa'iyic te bin ca'tel ta spasel ini.

Zacarías 12:3

Ta hich ora ya cac' te ha muc'ul ton ya xc'oht te Jerusalén ta stojol spisil te pueblohetic; ya xlajic spisil te mach'atic ya sc'an ya sliquic hahchel. Spisil te nacionetic ta bahlumilal ya stsob sbahic ta scontrahinel.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

Daniel 2:24

Hich te Daniel baht ta stojol te Arioc, te ha pasbil ta mandar yu'un te ajwalil te ya smilticlan te p'ijil winiquetic yu'un Babilonia, hich la yalbe: Ma xamilticlan te p'ijil winiquetic yu'un Babilonia. Ic'awon bahel ta stojol te ajwalil, ya calbe te bin scuentahil te swayiche, xchi.

Salmos 145:3

Muc' te Jehová, ya sc'an ya yich' halbeyel yutsil sc'oblal; mayuc mach'a ya xhu' yu'un sna'el te smuc'ule.

Salmos 135:5

Jna'oj te ha muc' te Jehová, te Cajwaltic c'ax hich smuc'ul a te bin ut'il spisil te diosetique.

Salmos 96:4

como muc' te Jehová soc ha nix yu'un te halbeyel yutsil sc'oblale; c'ax hich ay ta xi'el a te bin ut'il spisil yantic diosetic.

Job 36:26

C'ax muc' te Diose, ma xhu' cu'untic sna'el; ma xhu' ta ahtaybeyel te ya'bilale.

Nehemías 9:32

Ha yu'un yo'tic, Dios cu'untic, muc' Diosat te ay awu'el, te ayat ta xi'el, te yac acanantay te chapbil-c'op soc te sc'uxul awo'tan, manchuc te peq'uel sc'oblal ta atojol spisil te wocol te c'ohtix ta stojol te ajwaliletic cu'uncotic, te príncipaletic, sacerdotehetic, jalwanejetic, jme'jtatcotic soc spisil te pueblo awu'un, c'alal ta yorahil te ajwaliletic yu'un Asiria ha to c'alal ta ora ini.

Nehemías 4:14

C'alal laj co'tan ta yilel, hahchon, soc la jcalbe te mach'atic ich'bilic ta muc', te mach'atic ay ya'telic soc spisil te pueblo: Ma xiwex ta stojolic; na'ahic me te Cajwaltic ha muc' soc ay ta xi'el, ac'ahic guerra ta scuenta awermanotac, te querem ach'ixetic awu'unic, te antsetic awu'unic soc te anahique, xchihon.

1 Crónicas 16:25

Como muc' te Jehová, ya sc'an toybeyel yutsilal; c'ax hich ay ta xi'el a te bin ut'il spisil te diosetique.

Daniel 2:28

Pero ay jtuhl Dios ta ch'ulchan te ya yac' ta na'el te bintic wocol ta na'el, ha la ya'be sna' te ajwalil Nabucodonosor te bin ya xc'oht ta pasel ta patil. Te awayich soc te anahalsit te la awil te c'alal ayat ta awayib, hich ay:

Daniel 2:29

Te c'alal ayat ta awayib, ajwalil, tal ta awo'tan sna'el te bintic ya xc'oht ta pasel ta patil. Te mach'a ya yac' ta na'el te bin wocol ta na'el, la ya'bat ana' te bin ya xc'oht ta pasele.

Daniel 8:25

Ta scuenta sp'ijil yo'tan ta lo'loywanej ya yac' te ya ya'iy tsalaw te lo'loyele; ya scuy sba ta muc', ya me smilticlan tsobolic te jun yo'tanic ayique. Ya xhahch scontrahin te Príncipal yu'un te príncipaletic, pero ya me yich' jinel, ma ha'uc ta sc'ab winic.

Génesis 41:26

Te huqueb t'ujbil wacaxetic, huqueb ha'bil c'ohem; soc te lequil trigo, ha nix hich huqueb ha'bil c'ohem; junax sc'oblal te wayichile.

Salmos 2:9

Yac apehc'anlan ta scuenta abastón-taq'uin, yac awuyticlan hich te bin ut'il pac'bil oxom, xchi.

Hageo 2:22

Ya jbuchbe te shuctajib ajwaliletic soc ya jlajimbe yipic te nacionetique; ya jbuchbe te carretahetic yu'un guerra soc te mach'atic mohemic tey a; te cawuhetic soc te mach'atic cajajtic a ya xlajic ta espada yu'un te yermanotaque.