Daniel 2:44 - Bible in Tzeltal Bachajón

⁴⁴ Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

Bible in Tzeltal de Oxchuc y Tenejapa

⁴⁴ Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Daniel 2:44 ပူးပေါင်းရင်းမြစ်များ

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

2 Samuel 7:13

Ha ya spasbon na yu'un te jbihile, soc ho'on ya ca'be yich' yip sbahtel q'uinal te shuctajib te ban c'alal scuentahinej.

2 Samuel 7:16

Te ats'umbal soc te awa'tel ta ajwalil sbahtel q'uinal ya xhil ta atojol; stalel ya xhil te ahuctajib, xchi.

Salmos 145:13

Te cuentahinel awu'un ha cuentahinel scuenta sbahtel q'uinal, soc te awa'tel ta ajwalil ay ta spisil ta cajalcaj ts'umbaliletic.

Isaías 60:12

Como te nación o te ban c'alal cuentahimbil te ma ba ya yac' sba ta a'batinel awu'un ya me xch'ay bahel; spisil ya yich' jinel ta jc'axel.

Ezequiel 37:25

Ya xnahinic ta q'uinal te la jca'be te ca'bat Jacob, te banti nahinic te ame'atatique. Stalel me ya xnahiniquix tey a soc te yal-snich'nabic soc te smamataque; soc ha príncipal yu'unic ya xc'oht sbahtel q'uinal te ca'bat David.

Daniel 2:28

Pero ay jtuhl Dios ta ch'ulchan te ya yac' ta na'el te bintic wocol ta na'el, ha la ya'be sna' te ajwalil Nabucodonosor te bin ya xc'oht ta pasel ta patil. Te awayich soc te anahalsit te la awil te c'alal ayat ta awayib, hich ay:

Daniel 2:34

Te c'alal yac awilbel a, t'ohch talel jun ton, mayuc mach'a t'ohchot tal yu'un, ha hul smajbe yoc te loc'omba te pasbil ta hierro soc chic'bil lum, la swuyticlan.

Daniel 2:35

La yich'ic wuyticlanel te hierro, chic'bil lum, bronce, plata soc te oro, hich c'oht te bin ut'il suhlil trigo ta swuyojibal ta yorahil snahtil c'ahc'al, jc'axel lichot bahel ta ic', mayuc bin chican hilel. Pero te ton te la smaj te loc'omba c'atp'uj ta muc'ul wits te la snojes spisil te bahlumilale.

Daniel 2:37

Ha'at, ajwalil, ha'at ajwalilat yu'un ajwaliletic; como te Dios ta ch'ulchan la yotsesat ta ajwalil, la ya'bat awu'el, awip soc awutsilal.

Daniel 2:43

Hich te bin ut'il la awil te hierro capal ta chic'bil lum, hich ya scap sbahic ta scuenta nuhpunel, pero ma ba junax ya xc'ohtic, como te hierro ma xhu' ya scap sba soc te chic'bil lume.

Daniel 4:3

¡C'ax muc' te señahiletic yu'un soc c'ax bayel yip te jchahp a'teliletic yu'une! Sbahtel q'uinal ay ta ajwalil; te cuentahinel yu'un stalel ay ta cajalcaj ts'umbalil.

Daniel 4:34

C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

Daniel 6:26

Ho'on ya cal tulan mandar te ta spisil te ban c'alal jcuentahinej spisilic ya me xiwic soc ya me yich'ic ta muc' te Dios yu'un Daniel. Como ha te cuxul Dios soc sbahtel q'uinal ay. Te ban c'alal cuentahimbil yu'un mayuc bin ora ya xlaj, soc te cuentahinel yu'un stalel ya xhalaj.

Daniel 6:27

Ha ya xcoltaywan soc ya x'ac'awan ta libre, ya spas señahetic soc jchahp a'teliletic; ha la scoltay te Daniel ta yip te chojetic, xchi.

Daniel 7:27

Soc te cuentahinel, te yip soc te yutsilal spisil ta chahp ban c'alal ayic ta cuentahinel ta ye'tal ch'ulchan ya x'a'bot te mach'atic ch'uhltesbilic te ha yu'unic te Mach'a mero toyol ay. Sbahtel q'uinal ay te cuentahinel yu'unic, soc spisil te ajwaliletic ya me yac' sbahic ta a'batinel yu'unic soc ya me sch'uhumbeyic smandar.

Daniel 8:25

Ta scuenta sp'ijil yo'tan ta lo'loywanej ya yac' te ya ya'iy tsalaw te lo'loyele; ya scuy sba ta muc', ya me smilticlan tsobolic te jun yo'tanic ayique. Ya xhahch scontrahin te Príncipal yu'un te príncipaletic, pero ya me yich' jinel, ma ha'uc ta sc'ab winic.

Miqueas 4:7

Te coxo'etic ya cac' te ha'ic te mach'atic hilemic, te mach'atic puhquemic ya cac' te ha tulan nación ya xc'ohtic. Ya xcuentahinotic yu'un Jehová ta wits Sión, ta ora ini soc ta sbahtel q'uinal.

Hageo 2:22

Ya jbuchbe te shuctajib ajwaliletic soc ya jlajimbe yipic te nacionetique; ya jbuchbe te carretahetic yu'un guerra soc te mach'atic mohemic tey a; te cawuhetic soc te mach'atic cajajtic a ya xlajic ta espada yu'un te yermanotaque.

Hageo 2:7

ya cac' nihcuc spisil te nacionetic; ya xtal te mach'a c'ambil yu'un spisil te nacionetic soc ya jnojes ta yutsilal te Na ini, xchi te Jehová te scuentahinej spisil.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Juan 12:34

Hich la sjaq'uic te ants-winiquetique: Ca'iyejcotic ta Shun Dios te stalel cuxul te Cristo. Ha yu'un ¿bin yu'un yac awal te ya sc'an ya yich' toyel hahchel te Nich'anil ay ta scuenta winic? ¿Mach'a a te Nich'anil ay ta scuenta winic yac awale? xchihic.

Hebreos 12:28

Te cuentahinel yu'un Dios te yac quich'beltic ma xhu' ta niquel, ha yu'un ac'a me caltic wocol yu'un, soc ac'a cac' jbahtic ta a'batinel ta stojol Dios soc xiwel soc yich'el ta muc', hich te bin ut'il lec yo'tan yu'une.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 2:27

ta scuenta te bastón-taq'uin ya me scuentahinlan, soc ya swuyticlan hich te bin ut'il pac'bil oxom, hich te bin ut'il te ca'tel quich'oj yu'un te Jtate.