Daniel 2:25 - Bible in Tzeltal Bachajón

²⁵ Ha yu'un te Arioc ora la yic' bahel ta stojol ajwalil te Daniel, hich la yalbe: La jta ta yohlil te judiohetic te ic'bilic loq'uel tal ta slumalic te ya xhu' ya yalbe ya'iy te ajwalil te bin scuentahil te swayiche, xchi.

Bible in Tzeltal de Oxchuc y Tenejapa

²⁵ Te Arioc ora la yic' bael ta stojol muc' ajwalil Nabucodonosor te Daniel. Jich c'o yalbey: —Ta yolil te judioetic te ic'otic loq'uel tele, la jta jtul winic te ya xju' yu'un te ya yalbat awaiy te bila swentail te awaiche —xi' c'oel ta stojol te muc' ajwalile.

Daniel 2:25 ပူးပေါင်းရင်းမြစ်များ

Génesis 41:14

Ha yu'un te faraón la sticon ta iq'uel te José. Ahnimal la sloq'uesic tal ta cárcel, la sloq'ues yisim, la slap yan sc'u', tal ta stojol faraón.

Nehemías 7:6

Ha'ic ini te mach'atic ayic ta Judá te suhtemic tal ta chuquel, te chucotic bahel yu'un te Nabucodonosor ajwalil yu'un Babilonia, te suhtic tal ta Jerusalén soc ta Judá, jujutuhl ta jujun sq'uinalic.

Proverbios 24:11

Coltaya te mach'atic ic'biliquix bahel ta lajel; coma te mach'atic yaquic ta bahel ta lajel.

Eclesiastés 9:10

Spisil te bintic yac apas, pasa soc spisil awip, como ta stsobojibal mach'atic chamenic, te banti ya xbahat, mayuc a'tel, mayuc bin ay ta chahpanel, mayuc bin ay ta na'el soc mayuc p'ijil-o'tanil tey a.

Daniel 1:6

Ta yohlil te queremetic tey ayic a te Daniel, Ananías, Misael soc Azarías, te sts'umbalic Judá.

Daniel 5:13

Ha yu'un la yiq'uic tal ta stojol ajwalil te Daniel. Hich halbot yu'un te ajwalil: ¿Ha'at bal te Daniel te ic'otat loq'uel tal ta Judea yu'un te jtate?

Daniel 6:13

Hich la sjac'beyic te ajwalil: Te Daniel, te jtuhl te ic'ot loq'uel tal ta chuquel ta Judá, ma ba ya yich'at ta cuenta, ajwalil, o te mandaril te la awac' afirma a, oxeb buelta jujun c'ahc'al ya sc'opon te Dios yu'une, xchihic.