Daniel 2:23 - Bible in Tzeltal Bachajón

²³ Ha'at Diosat yu'un te jme'jtat, ya calbat wocol soc ya calbat yutsil ac'oblal, como la awa'bon sp'ijil co'tan soc quip, yo'tic la awa'bonix jna' te bin la jc'ambatcotic, la awa'botcotic jna'cotic te swayich te ajwalile, xchi.

Bible in Tzeltal de Oxchuc y Tenejapa

²³ Ja'at, Diosat yu'un te jme'-jtate, ya me calbat wocol soc ya me calbat yutsil ac'oplal. Melel la awac'bon sp'ijil co'tan soc awac'ojbon quip. Yo'tic la awac'bonix jna' te bila la jc'anbate; la awaq'uix jna'tic te bila bayal sc'oplal ta yo'tan te muc' ajwalile —xi' te Daniele.

Daniel 2:23 ပူးပေါင်းရင်းမြစ်များ

Génesis 18:17

La yal te Jehová: ¿Ya bal jmuc ta stojol Abraham te bin ya xbaht jpas,

Génesis 31:42

Te manchuc sjoquinejon te Dios yu'un te jtat, te Dios yu'un Abraham soc te yich'oj ta muc' te Isaac, jochol jc'ab a la aticonon suhtel te hichuque. Pero Dios la yilbon te jwocol soc te ya'tel jc'ab, ha yu'un te la yutat ahc'abe, la yut.

1 Reyes 18:36

C'alal la sta yorahil te ya yich' aq'uel te scohtol chic'bil mahtanil, te jalwanej Elías nohpoj bahel, hich la yal: ¡Jehová, Dios yu'un Abraham, Isaac soc Israel, ac'a ta na'el yo'tic te ha'at Diosat ta Israel soc te ho'on awa'baton, soc te ta scuenta amandar te hich yacon ta spasel!

1 Reyes 8:57

Ac'a sjoquinat te Jehová te Dios cu'untic, hich te bin ut'il la sjoquin te jme'jtatique. Ma me spihtesotic soc ma me xyihquitayotic.

1 Crónicas 29:10

Te David la yalbe yutsil sc'oblal te Jehová ta stojol spisil te pueblo, hich la yal: Bayel me awutsilal atuquel, Jehová, Diosat yu'un te jtatcotic Israel, ta shahchibal talel c'alal ta sbahtel q'uinal.

1 Crónicas 29:13

Yo'tic, Dios cu'untic, ya calcotic wocol ta atojol soc ya calbecotic yutsil sc'oblal te abihil te ay yutsilal.

2 Crónicas 20:6

hich la yal: Jehová te Diosat yu'un te jme'jtatcotic, ¿ma bal ha'ucat Diosat ta ch'ulchan, soc acuentahinej spisil te ban c'alal smacojic te nacionetique? ¿Ma bal ayuc ta ac'ab te awip soc te awu'el te mayuc mach'a ya scomat?

Salmos 21:2

La awa'be te bintic la sc'an yo'tan, ma ba la amuc ta awo'tan te bintic la sc'ambate. Selah

Salmos 21:4

La sc'ambat scuxlejal, hich la awa'be, ha naht scuxlejal te sbahtel q'uinal ay.

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Salmos 50:14

Ha'uc me smahtan awu'un ta stojol Dios te yalbeyel wocol, soc pasa te bin awalbeyej ta jamal te Dios te mero toyol ay.

Éxodo 3:15

Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal.

Proverbios 21:22

Te mach'a p'ij yo'tan ya scontrahin te pueblo yu'un te mach'atic ay yipic, ya sjimbe cohel te bin smuc'ulinej yo'tanic.

Proverbios 24:5

Te mach'a ay sp'ijil, ay bayel yip, te mach'a ay bin ya sna' ya yich' xan yip;

Proverbios 8:14

Sjoquinejon te j'ac'-o'tanil soc stojil chahpanel; ho'on cu'un te bin ay ta na'el soc te yip ta pasele.

Eclesiastés 7:19

Te p'ijil-o'tanil c'ax hich ya ya'be yip a te mach'a ay sp'ijil yo'tan te bin ut'il lajuntuhl mach'atic ay yipic ta jun pueblo.

Eclesiastés 9:16

Ha yu'un hich la jcal: Ha lec xan te p'ijil-o'tanil te bin ut'il te yipe, aunque p'ajbil te sp'ijil yo'tan te pobre winic soc ma x'ich'ot ta cuenta te sc'ope.

Eclesiastés 9:18

Ha lec xan te p'ijil-o'tanil te bin ut'il te a'tejibaletic yu'un guerra; pero jtuhl jmulawil ya sjin bayel bintic lec.

Isaías 12:1

Ta hich ora hich me yac awal: Ya jc'ayojtayat, Jehová; aunque ilinat ta jtojol, lahmaj te awilimba, soc la amuc'ubtesbon q'uinal ca'iy.

Jeremías 33:3

Awtayawon, ya jac'bat, soc ya calbat bintic muc' sc'oblal soc te bintic muquen ay te ma ba ana'oje.

Daniel 1:17

Ta schanebalic te queremetic Dios la ya'be snopojibal soc te ya xhu' yu'unic sna'el spisil te hunetic soc bintic ay ta na'el. Te Daniel la sna' yalbeyel sc'oblal spisil ta chahp nahalsitil soc wayichiletic.

Daniel 2:18

yu'un yacuc sc'ambeyic c'uxultayel yu'un Dios ta ch'ulchan sc'oblal te bin wocol ta na'el ini, scuenta yu'un te Daniel soc te smohloltac ma ba ya yich'ic milel soc te yantic p'ijil winiquetic yu'un Babilonia.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

San Mateo 11:25

Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

San Lucas 10:21

Ta hich ora bayel yutsil yo'tan Jesús ta scuenta te Espíritu, hich la yal: Ya calbat awutsilal, Jtat, te Yajwalat ch'ulchan bahlumilal, como te bintic ay ini anac'oj ta stojol te mach'atic ay sp'ijilic soc te mach'atic ay bin ya sna'ic, ha la awa'be sna'ic te alaletique. Hich, Jtat, como hich la sc'an awo'tan.

San Juan 11:41

Hich la sloq'uesic te ton ta banti yac'ojic hilel te chamen winique. Te Jesús la shach mohel sit ta toyol, hich la yal: Jtat, wocol awal te la awa'iybon te jc'ope.

San Juan 15:15

Ma ba ya calbeyex te ha a'batex cu'un, como te a'bat ma sna' bin ya spas te yajwale; pero la jcalbeyex te jun co'tan jbahtic, como spisil te bin la jca'iy ta stojol te Jtat la jca'beyex ana'ic.

Apocalipsis 1:1

Ha te bin la yac' ta na'el te Jesucristo, te a'bot sna' yu'un Dios scuenta yu'un ya ya'be sna' te a'batetic yu'un te bintic c'ohel yac ta pasele. Ha la yac' ta na'el ta scuenta te ch'ul a'bat yu'un te la sticon tal ta stojol Juan, te ya'bat,

Apocalipsis 5:5

Ay jtuhl te mamaletic la yalbon: Ma x'oc'at, como te Choj yu'un te jchahp yu'un Judá, ha te slohp' David, la ya'iy tsalaw, ya xhu' ya sjam te balbil hun soc te huqueb sellohetic yu'une, xchi.