Daniel 2:22 - Bible in Tzeltal Bachajón

²² Ya yac' ta na'el te bin wocol ta na'el soc te bin muquen ay; ya sna' te bin ay ta yihc'al q'uinal, te sacal q'uinal nahinem ta stojol.

Bible in Tzeltal de Oxchuc y Tenejapa

²² Ya yac' ta na'el te bila wocol ta na'ele; soc ya yac' chicnajuc te bila muquen aye. Ya sna'bey sba te bila ay ta ijc' q'uinale; melel ja' yich'oj stuquel te saquil q'uinale.

Daniel 2:22 ပူးပေါင်းရင်းမြစ်များ

Génesis 41:16

Te José hich la sjac'be sc'op te faraón: Te ho'one mayuc bin ya jna'; pero Dios me ya ya'be sna' scuentahil te faraón, xchi.

Job 12:22

Ya yac' ta na'el te sc'ubulil te bintic muquen ay ta ihc' q'uinal, soc ya sloq'ues ta sacal q'uinal te yihc'al q'uinale.

Job 26:6

Ma ba macal ta sit Dios te stsobojibal mach'atic chamenic, mayuc smahquil te Yawil Lajinel.

Salmos 104:2

Te Dios potsbil ta sacal q'uinal hich te bin ut'il c'u'ul; ha ya slim te ch'ulchan hich te bin ut'il pac',

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Salmos 36:9

Como ha'at ay ta acuenta te sloq'uib-ha' yu'un cuxlejal; ta sacal q'uinal awu'un ya quilcotic sacal q'uinal.

Eclesiastés 8:1

¿Mach'a pajal soc te mach'a ay sp'ijil yo'tan? ¿Mach'a ya sna'be scuentahil te bintic aye? Te p'ijil-o'tanil ya sacubtesbe sit yelaw te winic soc ya syanijtesbe te tulan sit yelawe.

Isaías 41:22

Ac'a taluc te loc'ombahetic, ac'a yalic te bin ya xc'oht ta pasel, te bin c'ohemix ta pasel c'alal ta shahchibal, yu'un hich ya jnoptic soc hich ya jna'tic a bin ut'il ya xc'ohtic ta loq'uel. ¡Hala ca'iycotic bin ya xc'oht ta pasel!

Isaías 41:26

¿Mach'a la yalbe sc'oblal ini c'alal ta shahchibal to tal, scuenta yu'un hich ya jna'cotic a; o te la yal ta nahilal yu'un hich ya xhu' ya calcotic: Stojil bin la yal, te xchihotcotique? Mayuc mach'a la yalbe sc'oblal, mayuc mach'a la spuc ta halel, mayuc mach'a la ya'iybat ac'opic.

Isaías 42:9

Ilawil, c'ohtix ta pasel te bintic ay ta nahilal, soc ya calbe sc'oblal te bintic yach'ile; te c'alal ma to ba c'ohem ta pasel a ya calbeyex sc'oblal, xchi te Jehová.

Isaías 45:7

Ya jchahpan te sacal q'uinal soc ya jchicnajtes te yihc'al q'uinal, ya cac' lahmajuc q'uinal soc ya cac' taluc wocol. Ho'on Jehovahon ya jpas spisil ini.

Jeremías 23:24

¿Ay bal mach'a ya xhu' ya snac' sba te banti ma xhu' ya quil? xchi te Jehová. ¿Ma bal nojeluc cu'un te ch'ulchan soc te bahlumilal? xchi te Jehová.

Jeremías 33:3

Awtayawon, ya jac'bat, soc ya calbat bintic muc' sc'oblal soc te bintic muquen ay te ma ba ana'oje.

Daniel 2:11

Como mero wocol te bin ya sc'an te ajwalil, mayuc mach'a ya xhu' ya yalbe te ajwalil, ha nax stuquel te diosetic, pero ma ba nahinemic ta yohlil te winiquetique, xchihic.

Daniel 2:19

Hich ta ahc'abal a'bot sna' ta nahalsit te Daniel te bin wocol ta na'ele. Ha yu'un te Daniel la yalbe yutsil sc'oblal te Dios ta ch'ulchane,

Daniel 2:47

Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.

Daniel 5:11

Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

Daniel 5:14

La jca'iybat ac'oblal te ay ta awo'tan te espíritu yu'un te ch'ul diosetic, te yac ana' q'uinal, ay bin yac ana' soc te ay bayel sp'ijil awo'tan.

San Mateo 13:13

Ha scuentahil te ya jc'oponlan ta sloc'ombahil c'op: yu'un aunque sjel te ya yilic, ma ba ya yilic q'uinal, aunque sjel te ya ya'iyic, ma ba ya ya'iyic q'uinal soc ma ba ya sna'beyic scuentahil.

San Juan 1:9

Te smelelil sacal q'uinal te ya sacubtes q'uinal ta stojol spisil ants-winiquetic yac ta talel ta bahlumilal.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

San Juan 8:12

Cha'c'oponotic xan yu'un Jesús te ants-winiquetic, hich la yal: Ho'on te sacal q'uinalon yu'un te bahlumilal; te mach'a ya st'unon ma ba ya xbehen ta yihc'al q'uinal, ha ya yich' te sacal q'uinal scuenta cuxlejal, xchi.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Efesios 3:5

ha te bin ma hichuc a'bot sna'ic te cajalcaj ts'umbalil, hich te bin ut'il a'bot sna'ic yu'un te Espíritu te ch'ul jpuc-c'opetic soc te jalwanejetique.

Deuteronomio 29:28

Te Jehová, la sbul loq'uel ta sq'uinalic ta scuenta yilimba, sc'ahc'al yo'tan soc smuc'ul yilimba; la sch'ojticlan bahel ta yan q'uinal, hich te bin ut'il ay ta ora ini, xchihic sc'oblalic.

1 Timoteo 6:16

te ha nax stuquel ma xcham, te nahinem ta sacal q'uinal te ma xhu' ochel tey a, te mayuc mach'a yiloj soc ma xhu' ya yil. Ha ac'a ich'ec ta muc' soc ayuc yu'el sbahtel q'uinal stuquel. Hichuc.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

1 Juan 1:5

Ha ini te bin la yal ca'iycotic te Jesucristo soc te ya calbeyexcotic awa'iyique: Ha sacal q'uinal te Diose, jc'axel mayuc yihc'al q'uinal ta scuenta stuquel.