Daniel 2:21 - Bible in Tzeltal Bachajón

²¹ Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

Bible in Tzeltal de Oxchuc y Tenejapa

²¹ Ja' ya sjelbey sc'aalelal, soc yajtalul. Ya xju' yu'un ya sloq'ues ajwaliletic, soc ya yac' ochel ajwaliletic. Ya xju' ya yac'bey sp'ijil yo'tan te mach'a ay sp'ijile; ya xju' ya yac'bey snopjibal yu'un te mach'a ay bila sna'oje.

Daniel 2:21 ပူးပေါင်းရင်းမြစ်များ

1 Reyes 10:24

Spisil te ants-winiquetic ta bahlumilal yo'tanuc ya yilic te Salomón yu'un ya ya'iybeyic te sp'ijil te a'bot yu'un Dios.

1 Reyes 3:28

Spisil Israel la ya'iy bin ut'il la schahpan te c'op te ajwalil. La yich'ic ta muc' te ajwalil como la yilic te ay sp'ijil Dios ta yo'tan ta chahpanwanej.

1 Reyes 4:29

Dios la ya'be bayel sp'ijil te Salomón soc bayel snopojibal yu'un, soc te c'ax bayel bintic ya sna' hich yipal te bin ut'il hi' ay ta ti'mar.

1 Crónicas 22:12

Te Jehová ac'a ya'bat snopojibal soc sna'ojibal awu'un, scuenta yu'un te c'alal ya x'ochat ta ajwalil ta Israel yac ach'uhun te mandariletic yu'un Jehová te Dios awu'une.

1 Crónicas 29:30

Tey ay spisil sc'oblal a te ya'tel ta ajwalil, te yip ya'tel soc te bintic c'oht ta pasel ta stojol, ta stojol Israel soc ta stojol spisil te ajwaliletic ta yantic q'uinaletic tey a.

Ester 1:13

La sjoc'obe te mach'atic ya sna'ic ta lec te leyetic, como hich c'ahyem ta spasel te ajwalil te ya sjoc'obe spisil te mach'atic ya sna'ic te leyetic soc te bin stojil ta pasel.

Job 12:18

Ha ya stuch'be te cadenahetic yu'un te ajwaliletic, soc ya schuc ta pac' te sch'uyombahic.

Éxodo 31:3

soc la jnojesbe ta yo'tan te Espíritu yu'un Dios, soc sp'ijil yo'tan, snopojibal, sna'el bin ay ta na'el, soc sna'el spasel bintic t'ujbil,

Éxodo 31:6

Soc la jca'be sjoquin ta a'tel te Aholiab snich'an Ahisamac, te sts'umbal Dan. Soc spisil te mach'atic ya sna'ic spasel a'tel la jca'beyix sp'ijil yo'tanic scuenta yu'un ya xhu' ya spasic spisil te bin la jcalbat ta mandar:

Daniel 1:17

Ta schanebalic te queremetic Dios la ya'be snopojibal soc te ya xhu' yu'unic sna'el spisil te hunetic soc bintic ay ta na'el. Te Daniel la sna' yalbeyel sc'oblal spisil ta chahp nahalsitil soc wayichiletic.

Daniel 10:1

Ta yoxebal ha'bil yochel ta ajwalil yu'un Persia a te Ciro, ay bin a'bot sna' te Daniel, te Beltsasar yan sbihile. Melel te bin la yal soc ha sc'oblal muc'ul guerra, pero te Daniel la sna'be scuentahil te c'op soc la sna' bin la yal te nahalsitile.

Daniel 11:6

C'alal ya xc'ax ha'biletic ya schap sc'opic, te yantsil-nich'an te ajwalil ta stojol sur ya xtal ta stojol te ajwalil ta stojol norte yu'un ya yac' lamal q'uinal. Pero ma ba ya xhalaj te yip te ants, soc ma ba ya xhalaj te yip te ajwalil, como te ants ya x'ac'ot ta c'abal soc te mach'atic ic'bilic tal yu'un, soc te yal soc te mach'atic coltayot yu'un ta hich ora.

Daniel 2:20

hich la yal: Bayeluc me yutsil sc'oblal sbahtel q'uinal te sbihil te Diose, como ha yu'un stuquel te p'ijil-o'tanil soc te yip u'elile.

Daniel 2:23

Ha'at Diosat yu'un te jme'jtat, ya calbat wocol soc ya calbat yutsil ac'oblal, como la awa'bon sp'ijil co'tan soc quip, yo'tic la awa'bonix jna' te bin la jc'ambatcotic, la awa'botcotic jna'cotic te swayich te ajwalile, xchi.

Daniel 2:9

Teme ma ba yac awalbonic te bin la jwayichtay, junax te bin ya xc'oht ta atojolic. Achapojic te yac awa'bonic lotil suhtib soc bintic chopol, yu'un hich ya xc'ax yorahil a. Halbonic te wayichil, hich ya jna' a te ya xhu' awu'unic te yac awalbonic te bin ya sc'an ya yal, xchi.

Daniel 4:14

Hich tulan la yal: Ts'etahic te te' soc set'beyahic te sc'abc'ab, jixbeyahic te ya'binal soc pucbeyahic te site. Ac'a ahnuquic bahel te chambahlametic te ayic ta ye'tal, soc te mutetic ayic ta sc'abc'ab.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

San Lucas 21:15

como ho'on ya ca'beyex sp'ijil awo'tanic ta c'op, te ma xhu' yu'un ya scomex soc te ya scontrac'optayex spisil te acontrataque.

Romanos 13:1

Spisilic ac'a yac' sbahic ta cuentahinel yu'un te mach'atic muc' ya'telic, como mayuc mach'atic yich'oj ya'telic te ma ha'uc a'bibilic yu'un Dios.

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

Santiago 1:5

Teme ay mach'a mayuc sp'ijil yo'tan, ac'a sc'ambe Dios, ma p'isbiluc nax ya yac' stuquel soc mayuc mach'a ya sp'aj, ya me x'a'bot yu'un.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.