Daniel 2:19 - Bible in Tzeltal Bachajón

¹⁹ Hich ta ahc'abal a'bot sna' ta nahalsit te Daniel te bin wocol ta na'ele. Ha yu'un te Daniel la yalbe yutsil sc'oblal te Dios ta ch'ulchane,

Bible in Tzeltal de Oxchuc y Tenejapa

¹⁹ Te c'alal och ajc'ubale, ac'bot yil la yaiy te Daniel. Ja' yu'un te Daniel la yalbey yutsil sc'oplal te Dios ta ch'ulchane,

Daniel 2:19 ပူးပေါင်းရင်းမြစ်များ

Job 4:13

Ta wayichil ta ahc'abal, ha te bin ora ya x'och swayel ants-winiquetic,

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Daniel 1:17

Ta schanebalic te queremetic Dios la ya'be snopojibal soc te ya xhu' yu'unic sna'el spisil te hunetic soc bintic ay ta na'el. Te Daniel la sna' yalbeyel sc'oblal spisil ta chahp nahalsitil soc wayichiletic.

Daniel 2:22

Ya yac' ta na'el te bin wocol ta na'el soc te bin muquen ay; ya sna' te bin ay ta yihc'al q'uinal, te sacal q'uinal nahinem ta stojol.

Daniel 4:26

Te mandar te ya yich' ihquitayel hilel ta lum te schumante'el soc slohp' te te', ha ya yac' ta na'el te ya to xcha'ochat xan ta ajwalil te c'alal yac ana' te ha ya xcuentahinwan te ch'ulchane.

Daniel 4:9

Beltsasar, jtsobawat yu'un te jpas-señahetic, jna'oj te ay ta awo'tan te espíritu yu'un te ch'ul diosetic soc te mayuc bintic wocol ta na'el te ma ba yac ana'e. Halbon ca'iy te nahalsitil la jquil ta jwayich soc te sc'oblale.

Daniel 7:2

Hich la yal te Daniel: La jquil ta jnahalsit ta ahc'abal, te chanchahp ic' la stijbeyic te muc'ul mar.

Daniel 7:7

Patil la jquil ta nahalsitiletic ta ahc'abal te schanebal chambahlam, mero ilobtic sba soc xiweltic sba, soc ay bayel yip, ha hierro te muc'ul sbaquel ye, yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique. Ma pajaluc soc te yantic chambahlametic te la jquil ta nahil to; soc ay lajunch'ix xulub.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Josué 22:33

Lec la ya'iyic te snich'nab Israel soc la yalbeyic wocol Dios yu'un. Ma ba la yaliquix te ya ya'beyic guerra soc te ya sjimbeyic te q'uinal banti nahinemic te snich'nab Rubén soc Gad.