Daniel 2:18 - Bible in Tzeltal Bachajón

¹⁸ yu'un yacuc sc'ambeyic c'uxultayel yu'un Dios ta ch'ulchan sc'oblal te bin wocol ta na'el ini, scuenta yu'un te Daniel soc te smohloltac ma ba ya yich'ic milel soc te yantic p'ijil winiquetic yu'un Babilonia.

Bible in Tzeltal de Oxchuc y Tenejapa

¹⁸ Jich yu'un jajch'ic ta sc'anel coltayel yu'un Dios ta ch'ulchan ta sna'beyel sc'oplal te bila wocol ta na'ele, soc swenta yu'un jich ma ba ya yich'ic milel soc a te mach'atic ay sp'ijilic te ayic ta Babilonia.

Daniel 2:18 ပူးပေါင်းရင်းမြစ်များ

Génesis 18:28

Teme ay ho'tuhl ma sta lajuneb yoxwinic (50) ta tuhl te toj yo'tanic, ¿ya bal awac' lajuc spisil te pueblo ta scuenta te ho'tuhlique? Halbot yu'un: Ma ba ya jlajin teme ya jta ho'eb yoxwinic (45) ta tuhl tey a, xchi.

Salmos 136:26

¡Halbeyahic wocol te Dios yu'un te ch'ulchan, como sbahtel q'uinal ay te sc'uxul yo'tane!

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Salmos 91:15

Ya sc'oponon, ya me jac'be sc'op; ya joquin c'alal ay ta wocol, ya cac' ta libre soc ya cac' ta ich'el ta muc'.

Isaías 37:4

Te Jehová te Dios awu'un la wan ya'iybe sc'op te capitan-soldado te ticombil yu'un te yajwal, ha te ajwalil yu'un Asiria, yu'un ya sbohlc'optay te cuxul Dios. Ya wan ya'be castigo yu'un te sc'op te la ya'iy te Jehová. Ha yu'un c'opombeya Dios ta scuenta te mach'atic ay to hilemic, xchihic.

Jeremías 33:3

Awtayawon, ya jac'bat, soc ya calbat bintic muc' sc'oblal soc te bintic muquen ay te ma ba ana'oje.

Ezequiel 36:37

Hich yaloj te Jehová, te Ajwalil: Ya to cac' te ya sc'ambon te sna Israel te hich ya jpasbe: ha te ya cac' p'ohluc te ants-winiquetic hich te bin ut'il ya xp'ohl te jtsohb tuminchijetique.

Daniel 2:23

Ha'at Diosat yu'un te jme'jtat, ya calbat wocol soc ya calbat yutsil ac'oblal, como la awa'bon sp'ijil co'tan soc quip, yo'tic la awa'bonix jna' te bin la jc'ambatcotic, la awa'botcotic jna'cotic te swayich te ajwalile, xchi.

Daniel 3:17

Te Dios cu'uncotic, te cac'oj jbahcotic ta a'batinel yu'une, ya xhu' ya scoltayotcotic loq'uel ta horno banti yac ta tihlel c'ahc', soc ya xhu' ya scoltayotcotic loq'uel ta ac'ab, ajwalil.

Daniel 4:26

Te mandar te ya yich' ihquitayel hilel ta lum te schumante'el soc slohp' te te', ha ya yac' ta na'el te ya to xcha'ochat xan ta ajwalil te c'alal yac ana' te ha ya xcuentahinwan te ch'ulchane.

Jonás 1:9

La sjac' te Jonás: Te ho'one hebreohon, quich'oj ta muc' te Jehová te Dios ta ch'ulchan, te la spas te mar soc te lumq'uinal, xchi.

Malaquías 3:18

Ha yu'un ya me ana'ic yan buelta te yan yilel te mach'a lec yo'tan soc te mach'a chopol yo'tan, te mach'a ya yac' sba ta a'batinel yu'un Dios soc te mach'a ma ba ya yac' sba ta a'batinel yu'une.

San Mateo 18:12

¿Bin xchihex yu'un? Teme ay mach'a ay ho'winic (100) ta coht stuminchij, teme ay jcoht ya xhowiy bahel, ¿ma bal yacuc yihquitay hilel ta wits te balunlajuneb yo'winic (99) ta coht, ya xbaht sle te jcoht ch'ayem hilel?

San Mateo 18:19

Yan buelta ya calbeyex, teme chebex yac achap ac'opic ta bahlumilal yu'un te biluc yac ac'anic, hich ya xpasbotex yu'un te Jtat ay ta ch'ulchan,

Hechos 12:4

Hich la stsac te Pedro, la yotses ta cárcel, la yac' ta sc'ab chanchahp soldadohetic te ayic chantuhl ta jujuchahp yu'un ya scanantayic. Te Herodes ay ta yo'tan te ya yic' loq'uel stehc'ambe ta stojol te pueblo te c'alal ya xc'ax te Q'uin Pascua.

Romanos 15:30

Quermanotac, ya calbeyex wocol ta scuenta te Cajwaltic Jesucristo soc ta scuenta sc'uxul yo'tan te Espíritu, te yacuc acoltayonic ta sc'oponel Dios

2 Pedro 2:9

Te Cajwaltic ya sna' scoltayel loq'uel ta sujel te mach'atic jun yo'tanic ta stojol Dios, soc ya sna' sq'uejel te mach'atic ma tojuc bin ya spasic yu'un ya yich'ic castigo c'alal ya sta yorahil ich'el ta c'op;

1 Samuel 17:37

Te Jehová te la scoltayon loq'uel ta yehch'ac choj soc ta yehch'ac oso, ha nix hich ya scoltayon loq'uel ta sc'ab te filisteo ini, xchi. Te Saúl la yalbe te David: Bahan, soc ac'a sjoquinat te Jehová, xchi.