Daniel 2:14 - Bible in Tzeltal Bachajón

¹⁴ Te Daniel la yutsil c'opon soc sp'ijil yo'tan te Arioc, te capitán yu'un soldadohetic te ya scanantayic te ajwalil, te loq'uemic bahel ta smilticlanel te p'ijil winiquetic yu'un Babilonia.

Bible in Tzeltal de Oxchuc y Tenejapa

¹⁴ Te Daniel ba yutsil-c'opon soc sp'ijil yo'tan te Arioc, ja' capitán yu'un te soldadoetic ayic ta scanantayel te muc' ajwalile, te ja'ic te chapaliquix yu'un ya smilic te mach'atic bayal bila sna'ojique.

Daniel 2:14 ပူးပေါင်းရင်းမြစ်များ

Génesis 37:36

Te madianetic c'oht schonic te José ta Egipto ta sc'ab Potifar te ay ya'tel ta stojol faraón, ha capitán yu'un te soldadohetic te ya scanantayic ajwalil.

Jeremías 39:9

Te Nabuzaradán, capitán yu'un te soldadohetic te ya scanantayic ajwalil, la yic'ticlan bahel ta chuquel ta Babilonia te mach'atic hilemic ta pueblo soc te mach'atic c'axemiquix bahel ta stojol, soc spisil te yantic te hilemique.

Jeremías 52:12

Ta slajunebal c'ahc'al yu'un te yo'ebal u ta sbalunlajunebal (19) ha'bil yochel ta ajwalil a te Nabucodonosor ajwalil yu'un Babilonia, tal ta Jerusalén te Nabuzaradán, capitán yu'un te soldadohetic te ya scanantayic ajwalil, soc ha a'bat yu'un te ajwalil yu'un Babilonia.

Jeremías 52:14

Spisil te caldeo soldado te sjoquinejic tal soc te capitán la sjinic spisil te ts'ahquetic ayic ta sjoyobal te Jerusalén.

Daniel 2:15

Hich la yalbe te Arioc te capitán yu'un te ajwalil: ¿Bin scuentahil te tulan mandar la yal te ajwalil? xchi. Hich te Arioc la ya'be sna' te Daniel te bin scuentahile.

Daniel 2:24

Hich te Daniel baht ta stojol te Arioc, te ha pasbil ta mandar yu'un te ajwalil te ya smilticlan te p'ijil winiquetic yu'un Babilonia, hich la yalbe: Ma xamilticlan te p'ijil winiquetic yu'un Babilonia. Ic'awon bahel ta stojol te ajwalil, ya calbe te bin scuentahil te swayiche, xchi.