Daniel 2:10 - Bible in Tzeltal Bachajón

¹⁰ La sjaq'uic te mach'atic ay sp'ijilic: Mayuc jtuhluc ta bahlumilal te ya xhu' ya yal te bin yac sc'ambel te ajwalile. Soc mayuc jtuhluc ajwalil o príncipal te hich ya sc'ambe jtuhluc jpas-señahil, jmonaw o te mach'a ay sp'ijile.

Bible in Tzeltal de Oxchuc y Tenejapa

¹⁰ La sjaq'uic te mach'atic bayal bila sna'ojique, jich la yalic: —Ma'yuc mach'a ay ta balumilal te ya xju' ya yac'bat sujt'ib te bila ya ajojc'oe, muc' ajwalil cu'untic. Soc ma'yuc ni jtuluc muc' ajwalil te ya sc'an te bi ya ac'ane, ma'yuc, manchuc me mero muc' o mero bayal yip.

Daniel 2:10 ပူးပေါင်းရင်းမြစ်များ

Isaías 47:13

Luhbenat yu'un te bayel tojobtesel awich'oj. Ac'a tal scoltayat te mach'atic ya stsahtay yilic te ch'ulchan, te mach'atic ya yilulanic eq'uetic, ta jujun yach'il u ya yalic bin ya xc'oht ta pasel ta atojol.

Daniel 2:2

Hich te ajwalil la sticonlan ta iq'uel tal te jpas-señahetic, jna'ojeletic, jmonawetic soc te mach'atic ay sp'ijilic, yu'un ya yalbeyic sc'oblal te swayiche. Hich c'oht stehc'an sbahic ta stojol te ajwalile.

Daniel 2:27

La sjac' te Daniel: Mayuc ni jtuhluc p'ijil winic o te mach'a ay bin ya sna' ta scuenta te c'ahc'al, u, eq'uetic, mayuc jpas-senahil o jna'ojel te ya xhu' ya ya'be sna' te ajwalil te bin wocol ta na'ele.

Daniel 3:8

Ta hich ora ay caldeo-winiquetic te tal slehbeyic smul te judiohetique.

Daniel 4:7

Talic te jpas-señahetic, jmonawetic, caldeohetic soc jna'ojeletic, la jcalbe ya'iyic te jwayich, pero ma ba hu' yu'unic te ya yalbonic te sc'oblale.