Daniel 12:4 - Bible in Tzeltal Bachajón

⁴ Pero ha'at, Daniel, maca te c'opetic, a'beya sello te libro ha to c'alal yorahil slajibal. Ay tsobolic te ya xtal xbahtic ta bayuc, soc ya xp'ohl te bintic ay ta na'el, xchi te Gabriel.

Bible in Tzeltal de Oxchuc y Tenejapa

⁴ “Pero te ja'ate, Daniel, muca me ta awo'tan spisil te bitic la awile; maca, ac'beya selloil te libro, ja' to teme c'ot yorail te slajibale. Ay bayal ants-winiquetic ya xtalic ya xbajt'ic ta bayuc, yacalic me ta sleel te bitic yacuc sna'bey swentaile”, xi' te Gabriele.

Daniel 12:4 ပူးပေါင်းရင်းမြစ်များ

Isaías 11:9

Ma ba ya x'uts'inwan soc ma ba ya xlajinwan ta spisil te ch'ul wits cu'un, como hich te bin ut'il nojel ta ha' te mar, hich ya xna'bot sba te Jehová ta spahmal q'uinal.

Isaías 29:11

Spisil te nahalsitil ini hich ya xc'oht awu'unic te bin ut'il c'opetic ta balbil hun te yich'oj sello. Teme ay yac awa'be yil te mach'a ya sna' yilel hun, te hich yac awalbe: Ilawil ini, teme xchihate, hich ya sjac': Ma xhu' cu'un, como yich'oj sello, xchi.

Isaías 30:26

Te sc'ahc'al te u hich ya xc'oht te bin ut'il sc'ahc'al te c'ahc'ale, soc te sc'ahc'al te c'ahc'al huqueb buelta ya xtohy xan yip, hich te bin ut'il sc'ahc'al huqueb c'ahc'al, te bin ora te Jehová ya spoxtaybe yehchen te pueblo yu'un soc te ya spoxtaybe te sc'a'el te a'botic yu'une.

Isaías 32:3

Hich ma ba ya xmahc sitic te mach'atic ya yilic, soc te mach'atic ay schiquinic ya me slahman sbahic ta ya'iyel.

Isaías 8:16

Chuca te testigo-c'op, a'beya sellohil te ley ta yohlil te jnopojeletic cu'une.

Jeremías 5:1

Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.

Daniel 10:1

Ta yoxebal ha'bil yochel ta ajwalil yu'un Persia a te Ciro, ay bin a'bot sna' te Daniel, te Beltsasar yan sbihile. Melel te bin la yal soc ha sc'oblal muc'ul guerra, pero te Daniel la sna'be scuentahil te c'op soc la sna' bin la yal te nahalsitile.

Daniel 10:14

Talemon yu'un ya ca'bat ana' bin ya xc'oht ta pasel ta stojol alumal ta patil bahel, como te nahalsitil ha sc'oblal te yorahil ta patil bahel, xchi.

Daniel 10:21

Pero ya calbat te bin ts'ihbabil ta libro yu'un te bin smelelile. Mayuc mach'a ya scoltayon ta ya'beyel guerra, ha nax te Miguel, te príncipal awu'une, xchi.

Daniel 11:33

Te mach'atic yu'un te pueblo te ay sp'ijilic ya me snohpteslan tsobolic; pero mayuc bayel c'ahc'al ya xlajic ta espada soc ta c'ahc', ya xchucotic soc ya xpojbotic sbiluquic.

Daniel 11:40

C'alal ya xc'oht yorahil te slajibale, te ajwalil ta sur ya me ya'be guerra te ajwalil ta norte; pero ha ya xloc' tal ta stojol hich te bin ut'il chahwuquil ha'al, ya xtal soc carretahetic yu'un guerra, soldadohetic mohemic ta cawu soc bayel barcohetic; ya yochintay bayel q'uinaletic, soc ya xc'ax xan bahel.

Daniel 12:13

Pero te ha'ate, ya xbahat c'alal ta slajibal acuxlejal, yac acux awo'tan, soc ta slajibal c'ahc'al ya xhahchat yu'un yac awich' te bin ya xc'oht ta acuenta, xchi.

Daniel 12:5

Ho'on te Daniel la jquil ay cha'tuhl yantic te tec'ajtic, jtuhl ta jehch muc'ul-ha', jtuhl ta yan jehch.

Daniel 12:9

Hich la sjac': Bahan, Daniel, como spisil te c'opetic ini macalix soc yich'ojic sello ha to c'alal yorahil slajibal.

Daniel 8:17

Hich nohpoj tal ta banti ayon; c'alal tal, bayel xiwon, la jpahcan jba c'alal ta lum. Pero hich la yalbon: Snich'anat winic, na'a me te ha sc'oblal te slajibal c'ahc'al te nahalsit, xchi.

Daniel 8:19

Hich la yalbon: Ya calbat awa'iy te bin ya xc'oht ta pasel te c'alal c'axix a te ilimba; como ha sc'oblal te slajibal c'ahc'al.

Daniel 8:26

Te nahalsitil yu'un te tibiltic soc te sahb te ac'ot ta ilel, mero smelelil. Pero macal me ya xhil awu'un te nahalsit, como ha sc'oblal bayel c'ahc'al ta patil, xchi.

San Mateo 24:14

Ya me xpuhc ta halel ta swohlol bahlumilal sc'oblal te lec yach'il c'op yu'un te cuentahinel yu'un Dios, scuenta testigo-c'op ta stojol spisil nacionetic, ha to me ya xtal a te slajibal c'ahc'ale.

Romanos 10:18

Pero ya cal: ¿Yu'un bal ma ba la ya'iyic? xchihon. Ya'iyejic ta melel: Puhquem ta spahmal bahlumilal te c'op yu'unic, c'alal ta sti'il bahlumilal c'oht te sc'opique, xchi.

Apocalipsis 10:4

C'alal t'ohm te huqueb chahwuc, c'an jts'ihbay; pero la jca'iy te ay mach'a c'opoj ta ch'ulchan te hich la yalbon: Maca te bin la yalic te huqueb chahwuquetic, ma me xats'ihbay, xchi.

Apocalipsis 22:10

Soc la yalbon xan: Ma me xamac te sc'op-jalwanej te ay ta libro ini, como nopolix yorahil.

Apocalipsis 5:1

La jquil ay balbil hun ta swa'el-c'ab te Mach'a hucul ta muc'ul-huctajibal, ts'ihbabil ta yutil soc ta spat soc macbil ta huqueb sello.