Daniel 12:3 - Bible in Tzeltal Bachajón

³ Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

Bible in Tzeltal de Oxchuc y Tenejapa

³ Te mach'atic ay sp'ijilique, te la yiq'uic ta beel tsobol ta jtul ta tojil bee, jich me xojobil ya xc'otic te bit'il xojobil te ch'ulchane. Xlemet me xojobil sbajt'el q'uinal, jich te bit'il xlemet xojobil te eq'uetique.

Daniel 12:3 ပူးပေါင်းရင်းမြစ်များ

Éxodo 34:35

Te snich'nab Israel c'alal ya yilic te sit yelaw Moisés, ya yilic te ay sts'anabul, hich ya scha'muc xan ta pac' te sit yelaw ha to c'alal ya xcha'och xan ta c'op soc te Diose.

Proverbios 11:30

Te sit ya yac' mach'a toj yo'tan ha te' yu'un cuxlejal, ha p'ij te mach'a ya x'ic'awan ta lequil be.

Proverbios 3:35

Te mach'atic p'ij yo'tanic ya x'ich'otic ta muc', yan te mach'atic ma sna'ic q'uinal ma x'ich'otic ta cuenta stuquel.

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Eclesiastés 12:9

Te jayeb ay sp'ijil yo'tan te Jp'ijubteswanej, hich la ya'be snop te ants-winiquetique. La ya'iy, la stsahtay yil soc la schahpan bayel tsahbil c'opetic.

Isaías 53:11

Ya me yil te bin ya xloc' yu'un a te swocol te sch'uhlel, lec me ya ya'iy yu'un; te ca'bat te toj yo'tan ya me yac' te toj ya xc'oht tsobolic ta scuenta te bintic sna'oj, soc ya me scuchbe te smulique.

Jeremías 23:22

Te ha'uc c'ohtic ta chahpajibal cu'un, la yalbonic jc'op ta stojol te pueblo cu'un soc la ya'be yihquitayic hilel te chopol be st'unojic soc te chopol ya'telic te hichuque.

Daniel 11:33

Te mach'atic yu'un te pueblo te ay sp'ijilic ya me snohpteslan tsobolic; pero mayuc bayel c'ahc'al ya xlajic ta espada soc ta c'ahc', ya xchucotic soc ya xpojbotic sbiluquic.

Daniel 11:35

Soc ay p'ijil winiquetic te ya xyahlic, scuenta yu'un ya yich'ic lecubtesel soc poquel, ha to c'alal ya xc'oht yorahil te chapale, como ay to sc'an ya xc'oht yorahil te halbile.

Daniel 12:10

Ay tsobolic te lecubtesbil soc pocbil ya xc'ohtic; yan te mach'atic chopolic stalel schopol ya xhilic, soc mayuc ni jtuhluc te mach'a chopol yo'tan te ya sna'be scuentahil, pero te mach'atic p'ij yo'tanic ya me sna'beyic scuentahil.

San Mateo 13:43

Te mach'atic toj yo'tanic hich me ya xtihlic te bin ut'il te c'ahc'al tey ta banti ay te cuentahinel yu'un te Statique. Te mach'a ay schiquin, ac'a me ya'iy.

San Mateo 19:28

Halbotic yu'un te Jesús: Jamal ya calbeyex, te c'alal ya yich' ach'ubtesel spisil, te c'alal ya xhuhcaj te Nich'anil ay ta scuenta winic ta smuc'ul-huctajib yu'un te yutsilal, ha'ex te at'unojonic ya me xhuhcajex ta lahchayeb (12) huctajibaletic yu'un yac achahpanic te lahchaychahp (12) sts'umbal Israel.

San Mateo 24:45

¿Mach'a yac awa'iy a te a'bat te jun yo'tan soc p'ij, te a'bot scuentahimbe sna te yajwal yu'un ya ya'iy mac'linwanej ta yorahil?

San Juan 4:36

Te mach'a ya stsob, ya yich' tojel soc ya stsobe sit scuenta cuxlejal sbahtel q'uinal, scuenta yu'un hich pajal tse'el yo'tan te mach'a la ya'iy awal soc te mach'a la stsobe sit.

San Juan 5:35

Te Juan ha c'ahc' te tihl soc te la sacubtes q'uinal; soc la ac'anic te che'oxeb c'ahc'al te tse'el awo'tanic ya x'ayinex ta sacal q'uinal yu'un.

Hechos 13:1

Ta iglesia ta Antioquía ay jalwanejetic soc maestrohetic, ha te Bernabé, Simón te a'bot sbihil Níger, Lucio te talem ta Cirene, Manaén te pajal coltesbil soc te ajwalil Herodes, soc te Saulo.

1 Corintios 3:10

Ta scuenta te bin a'bibilon yu'un Dios, ho'on, te bin ut'il ya jna' ta lec pas-na, la jca'be yich'o-ip, yan mach'a ya sts'ahcuy mohel; pero jujutuhl ac'a yil bin ut'il ya sts'ahcuy mohel.

Efesios 4:11

Ha nix te la yac' te ay jpuc-c'opetic, jalwanejetic, te mach'atic ya yalic te lec yach'il c'op, pastoretic soc p'ijubteswanejetic,

Hebreos 5:12

Ya sc'an te ha'uquex yac awa'iyiquix p'ijubteswanej te bin ut'il ayix ora te ach'uhunejique, pero ya sc'an te yac awich'ic xan p'ijubtesel a te bin ut'il ay te shahchibal ta nopel te sc'op Diose. Ya to xtuhun awu'unic chu'ul, ma ha'uc te tulan we'elil.

2 Pedro 3:15

Na'ahic me, te bin ut'il te Cajwaltic yac ta smahliyel, ha scuenta colel, hich te bin ut'il te quermanotic Pablo te c'ux ta co'tantic la sts'ihbabeyex ta scuenta sp'ijil yo'tan te a'bibile.

Apocalipsis 1:20

Hich ay te bin muquen sc'oblal te huqueb eq'uetic la awil ta jwa'el-c'ab soc te huqueb yawil c'ahc' pasticlambil ta oro: Te huqueb eq'uetic ha te huctuhl ch'ul a'batetic yu'un te huqueb iglesiahetic, soc te huqueb yawil c'ahc' ha te huqueb iglesiahetic, xchi.

Jueces 5:31

Hich me ac'a lajuc spisil acontratac, Jehová; yan te mach'atic c'uxat ta yo'tanic, hichuc me te bin ut'il te c'ahc'al c'alal ya xloc' tal soc yip, xchihic ta c'ayoj. Cha'winic (40) ha'bil lamal te q'uinale.