Daniel 12:10 - Bible in Tzeltal Bachajón

¹⁰ Ay tsobolic te lecubtesbil soc pocbil ya xc'ohtic; yan te mach'atic chopolic stalel schopol ya xhilic, soc mayuc ni jtuhluc te mach'a chopol yo'tan te ya sna'be scuentahil, pero te mach'atic p'ij yo'tanic ya me sna'beyic scuentahil.

Bible in Tzeltal de Oxchuc y Tenejapa

¹⁰ Ay me mach'atic bayal ya xc'ax yu'un te woclajel albil sc'oplale, pero buen lec me soc buen chapalic me ya xloq'uic yu'un. Te mach'atic amen yo'tanique, stalel me ya xjilic ta spasel xan te bitic amene, melel ma me xc'ot ta yo'tan stuquelic te bila ya xc'ot ta pasele. Yan te mach'atic ay sp'ijilique, ya me sna'ic spisil stuquelic.

Daniel 12:10 ပူးပေါင်းရင်းမြစ်များ

Salmos 107:43

Te mach'a ay sp'ijil yo'tan, ac'a yac' ta yo'tan ini, soc ac'a sna' te smuc'ul sc'uxul yo'tan te Jehová.

Salmos 51:7

Pocawon ta hisopo, hich pocbil ya xc'ohon a; pocawon, yu'un c'ax hich sac ya xc'ohon a te bin ut'il me'sic.

Proverbios 1:5

Ya me ya'iy te mach'a ay sp'ijil yo'tan, ay bin ya sna' xan yu'un, soc te mach'a ya sna'be scuentahil ya me yich' xan sp'ijil

Isaías 1:18

La'ic, xchi te Jehová, ya jchahpantic te c'op ini: aunque hich amulic te bin ut'il buen tsaj, buen sac ya xhilic hich te bin ut'il me'sic; aunque hich ayic te bin ut'il c'ax tsaj, hich sac ya xc'ohtic te bin ut'il sac stsotsel tuminchij.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Ezequiel 47:11

Pero te nicnic ahch'al soc te pampam ha'etic yu'un ma ba ya xlecubic, ha sloq'uesojibal ats'am ya xhilic.

Daniel 11:33

Te mach'atic yu'un te pueblo te ay sp'ijilic ya me snohpteslan tsobolic; pero mayuc bayel c'ahc'al ya xlajic ta espada soc ta c'ahc', ya xchucotic soc ya xpojbotic sbiluquic.

Daniel 11:35

Soc ay p'ijil winiquetic te ya xyahlic, scuenta yu'un ya yich'ic lecubtesel soc poquel, ha to c'alal ya xc'oht yorahil te chapale, como ay to sc'an ya xc'oht yorahil te halbile.

Daniel 12:3

Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

Oseas 14:9

¿Mach'a a te ay sp'ijil te ya sna'be scuentahil ini? ¿Mach'a ya sna' tsahtayel yu'un ya xc'oht ta yo'tan? Como toj te behetic yu'un Jehová, te mach'atic toj yo'tanic, ha ya st'unic, pero te jtoybahetic ya sc'ohchin sbahic tey a.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

Malaquías 3:3

Ya shuhcan sba yu'un ya yuhltes soc ya slecubtes te plata, ha ya slecubtes te sts'umbal Leví hich te bin ut'il oro soc plata, hich stojil ya ya'beyic smahtan te Jehová.

San Marcos 4:11

Hich halbotic yu'un te Jesús: Te ha'ex a'bibilex ana'ic te bin muquen ay yu'un te cuentahinel yu'un Dios; yan te mach'atic ayic ta fuera ha nax ta sloc'ombahil c'op ya xhalbot ya'iyic stuquelic,

San Lucas 24:25

Hich halbotic yu'un te Jesús: ¡Wocol ya xc'oht ta awo'tanic, soc wocol yac ach'uhunic spisil te bintic yalojic te jalwanejetique!

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

San Juan 8:47

Te mach'a yu'un Dios, ha ya ya'iybe sc'op te Diose; ha scuentahil te ma ba yac awa'iyic, como ma ba yu'unex te Diose, xchi.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Hebreos 12:10

Te jtatic cheb oxeb nax ch'ahc'al la stojobtesotic, ha chican bin lec la ya'iyic stuquelic, yan te tojobtesel yu'un Dios, scuenta jlequiltic, scuenta yu'un pajal ya quich'betic te sch'ul yutsilal.

1 Pedro 1:22

Te bin ut'il la alecubtesbeyex ach'uhlelic ta scuenta te la ach'uhunic te smelelil c'op, ta scuenta te Espíritu, te hich c'ux yac awa'iy abahic ta awo'tanic ta melel, talel c'axel c'ux me xawa'iy abahic ta spisil awo'tanic,

1 Pedro 1:7

scuenta yu'un teme la yich'ix tsajel te sch'uhunel awo'tanic, te c'ax hich yutsil a te bin ut'il oro, (aunque ya xlaj, pero ya xtsajot ta c'ahc'), lec me sc'oblal ya xc'oht, soc ay me yutsilal soc ich'bil ta muc' ya xc'oht te c'alal ya xchicnaj tal te Jesucristo.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

Apocalipsis 16:11

soc la sbohlc'optayic Dios te ay ta ch'ulchan ta scaj sc'uxul te swocolic soc te schacalique; ma ba la suhtes yo'tanic yu'un te bintic spasojique.

Apocalipsis 19:14

T'umbil yu'un te soldadohetic ta ch'ulchan, cajajtic ta saquil cawuhetic soc slapojic lequil lino-pac' te buen sac soc mayuc yabaquil.

Apocalipsis 19:8

A'botix slap lequil lino-pac' te buen xlipet sacal soc mayuc yabaquil, xchihic. (Te lino-pac', ha seña te stojil ya'telic te mach'atic ch'ultesbilique.)

Apocalipsis 22:11

Te mach'a ma tojuc, ac'a spas xan te bin ma tojuque; te mach'a bohloben, bohloben ac'a hiluc; te mach'a toj yo'tan, ac'a spas xan te bin toj ta pasel; soc te mach'a ch'ultesbil, ch'ultesbil ac'a hiluc.

Apocalipsis 3:18

Ha yu'un ya calbat te yacuc amambon oro te lecubtesbil ta c'ahc', scuenta yu'un jc'uhlej ya xc'ohat a; soc yacuc amambon sac ac'u' apac' te yac alap, scuenta yu'un ma ba ya xchicnaj te aq'uexlal te bin ut'il watalat; soc yacuc amambon spoxil asit scuenta yu'un yac awil q'uinal a.

1 Samuel 24:13

Ay antiguo c'op te hich ya yal: Ya xloc' tal te bin chopol ta yo'tan mach'atic chopolic, te xchihe; pero te ho'one ma ba ya hach jc'ab ta atojol.