Daniel 12:1 - Bible in Tzeltal Bachajón

¹ Ta hich ora ya xhahch te Miguel, te muc'ul príncipal te ya scanantay te pueblo awu'une. Ha yorahil bayel wocol, mayuc hich c'ohem ta pasel c'alal hahchemic nacionetic c'alal ta hich ora. Pero ta hich ora ya x'ac'ot ta libre te pueblo awu'un, spisil te mach'atic ts'ihbabil sbihilic ta libro.

Bible in Tzeltal de Oxchuc y Tenejapa

¹ “Ja' me yorail ya xchicnaj te Miguel, ja' te muc'ul jcanantaywanej ch'ul abat te ya scoltay te lum awu'une. Ja' yorail a te ay me bayal wocol, ma'yuc yan wocol jich c'oem ta pasel a te jayebix c'aal ay te nacionetique. Te c'alal ya sta yorail te jich ya xc'ot ta pasele, ya xcolic spisil te alumale, ja' te ts'ibubil sbiilic ta libro.

Daniel 12:1 ပူးပေါင်းရင်းမြစ်များ

Salmos 56:8

Ahtaybil awu'un te jayeb buelta ahnemon, tsoba ta yawil awu'un te ya'lel jsit; ¿Ma bal ts'ihbabiluc ta libro awu'un?

Salmos 69:28

¡Ac'a yich'ic tup'beyel sbihilic ta libro yu'un mach'atic cuxajtic, ma me x'ochic ta lista yu'un te mach'atic toj yo'tanique!

Isaías 4:3

Te mach'atic cuxul ya xhilic ta Sión, te mach'atic hilemic ta Jerusalén, ch'uhltesbilic, xchi sbihilic ya xc'oht, spisil te mach'atic ts'ihbabil hilel sbihilic ta yohlil te mach'atic cuxulic ta Jerusalén,

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Jeremías 30:10

Ha'at, Jacob, a'batat cu'un, ma me xiwat, xchi te Jehová, ma me xnihc awo'tan, Israel, como ilawil, ho'on ya jcoltayat tal ta namal q'uinal, ha'at soc ats'umbal ta q'uinal banti chuculex. Ya suht tal te Jacob, lamal q'uinal soc jun yo'tan ya x'ayin, mayuc mach'a ya xiwtesot yu'un.

Jeremías 30:7

¡C'ax wocol ya xc'oht te sc'ahc'alel; mayuc yan pajal soc! Ha yorahil wocol yu'un Jacob; pero ya xcol ta libre ta stojol.

Ezequiel 13:9

Ya jach jc'ab ta scontrahinel te jalwanejetic te ma meleluc bin ya yilic soc te slotic bin ya yalic ta jna'ojel; ma ba ya xhilic ta tsoblej yu'un te pueblo cu'un, soc ma ba ya yich' ts'ihbabeyel sbihilic ta libro yu'un te sna Israel, soc ma ba ya suhtic bahel ta sq'uinal Israel. Ya me ana'ic te ho'on Jehovahon, Ajwalilon.

Ezequiel 34:24

Ho'on Jehovahon, Dioson yu'unic ya xc'ohon, soc te ca'bat David ha jcuentahinwanej ya xc'oht yu'unic. Ho'on Jehovahon, c'opojonix.

Ezequiel 5:9

Ya jpas ta atojol te mayuc hich jpasoj soc mayuc bin ora ya jpas yan buelta, ta scaj spisil te bintic ilobtic sba awu'une.

Daniel 10:13

Pero te príncipal yu'un ban c'alal scuentahinej Persia la scomon jun scha'winic (21) c'ahc'al. Pero te Miguel, jtuhl jtsobaw yu'un te príncipaletic, tal scoltayon, tey hilon soc a te ajwaliletic yu'un Persia.

Daniel 10:21

Pero ya calbat te bin ts'ihbabil ta libro yu'un te bin smelelile. Mayuc mach'a ya scoltayon ta ya'beyel guerra, ha nax te Miguel, te príncipal awu'une, xchi.

Daniel 11:45

Ya spas te nahilpaq'uetic yu'un ajwalil ta ohlil yu'un te mar soc te ch'ul wits te ay yutsilal; pero tey ya xlaj a, mayuc mach'a ya xcoltayot yu'un.

Daniel 7:10

Ay muc'ul-ha' yu'un c'ahc' yac ta oc loq'uel tal ta stojol; bayel ta mil ta mil ta tuhl ya yac' sbahic ta a'batinel yu'un, soc bayel ta millón ta millón tec'ajtic ta stojol. La shuhcan sba te Jchahpanwanej, soc la yich' jamticlanel te librohetique.

Daniel 9:12

Ha la sc'ohtes ta pasel te bin la yal ta jtojolcotic soc ta stojol te jcuentahinwanejetic cu'uncotic, ha te la yac' tal ta jtojolcotic bayel wocol; mayuc hich c'ohem ta pasel ta ye'tal ch'ulchan te bin ut'il c'oht ta stojol Jerusalén.

Joel 2:2

Ha sc'ahc'alel yihc'al q'uinal soc ahc'abal, sc'ahc'alel tocal soc spimil yihc'al q'uinal. Hich te bin ut'il ya slim bahel ta witsiltic te sacubel q'uinal, hich ya xtal jchahp soldadohetic te c'ax bayelic soc ay yipic; mayuc hich chicnajem ta ilel soc mayuc hich ya xchicnaj ta patil ta bayel ha'bil ta cajalcaj ts'umbalil.

Malaquías 3:16

Ha yu'un te mach'atic yich'ojic ta muc' te Jehová talel c'axel la yalbe sbahic; te Jehová la ya'iy ta lec bin la yalic. Ha yu'un ta stojol Jehová la yich' ts'ihbayel libro yu'un sna'ojibal yu'un te mach'atic xi'ojic te Jehová soc te ya yich'ic ta muc' te sbihile.

San Mateo 24:21

como ya me xtal tulan wocol ta hich ora, te mayuc hich c'ohem ta pasel ta shachel to tal bahlumilal c'alal ora, soc mayuc hich ya xc'oht xan ta patil.

San Marcos 13:19

como mayuc hich wocol c'ohem ta pasel yalel c'alal pastay yu'un Dios te bahlumilal c'alal ora, soc mayuc hich ya xc'oht xan ta pasel.

San Lucas 10:20

Pero ma me ha'uc tse'el awo'tanic yu'un te ac'ot ta acuentahic espírituhetic, ha'uc me tse'el awo'tanic yu'un te ts'ihbabil ta ch'ulchan te abihilique, xchi sc'oblalic.

Romanos 11:15

como teme ta scuenta te ihquitaybilic hilel te hich junax yo'tanic soc Dios c'oht te bahlumilal, ¿bin yilel ya xc'oht te c'alal ya xcha'ic'otic xan te Israel? ha me cuxlejal ya xc'oht ta yohlil mach'atic chamenic.

Romanos 11:26

Hich ya xcol spisil Israel, hich te bin ut'il ts'ihbabil: Ta Sión ya xhahch tal te Mach'a ya x'ac'awan ta libre; ya me sloq'ues ta stojol Jacob te mayuc sch'uhunel yo'tanic ta stojol Dios.

Efesios 1:21

te ha toyol c'oht yu'un spisil ajwaliletic, te mach'atic ay ya'telic, te ay yu'elic soc jpasawetic ta mandar, soc ha toyol c'oht yu'un spisil bihililetic te ya yich'ic a'beyel, ma ha'uc nax ta ora ini, soc ta patil bahel.

Filipenses 4:3

Ha nix hich ya calbat wocol, ha'at te jmohlol jbahtic te jun awo'tan, te yacuc acoltaybon te cheb antsetic ini, ha'ic te la sjoquinlanonic ta a'tel ta scuenta te lec yach'il c'op, soc nix te Clemente soc te yantic jmohloltac ta a'tel te ay sbihilic ta libro yu'un cuxlejal.

Judas 1:9

Pero te Miguel, te jtsobaw yu'un te ch'ul a'batetic, te c'alal la stij sba ta c'op soc te pucuj yu'un te sbaq'uetal te Moisés, la xi' te la yalbe chopol sc'oblal, hich la yal: Ha me ac'a yutat ta c'op te Cajwal, xchi.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 12:7

Hahch guerra ta ch'ulchan: te Miguel soc te ch'ul a'batetic yu'un la stsal sbahic soc te dragón. Te dragón soc te a'batetic yu'un la ya'beyic guerra,

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 20:12

Soc la jquil te mach'atic chamenic, muc' biq'uitetic, tec'ajtic ta stojol te muc'ul-huctajibal. La yich' jamel te librohetic, soc ay yan libro la yich' jamel, ha te libro scuenta cuxlejal. La yich'ic ich'el ta c'op te mach'atic chamenic, ha chican te bintic ts'ihbalambil ta hunetic, ha chican bin la spasic.

Apocalipsis 20:15

Te mach'a ma ba ts'ihbabil sbihil ta libro scuenta cuxlejal, ch'ojotic ochel ta banti yac ta tihlel pamal c'ahc'.

Apocalipsis 3:5

Te mach'a ya ya'iy tsalaw, sac sc'u' spac' ya x'a'bot slap, soc ma ba ya jtup'be sbihil ta libro scuenta cuxlejal, soc jamal ya calbe sbihil ta stojol te Jtat soc te ch'ul a'batetic yu'une.

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.