Daniel 11:8 - Bible in Tzeltal Bachajón

⁸ Soc ya me yich'ic bahel ta Egipto te diosetic yu'unic, ha te loc'ombahetic yu'unic te pasbilic ta uhltesbil taquin, soc yantic biluquetic pasticlambil ta oro soc ta plata. Ay ha'bil te ma ba ya ya'be guerra te ajwalil ta norte.

Bible in Tzeltal de Oxchuc y Tenejapa

⁸ Soc ya me yich'ic bael ta Egipto te bitic cuybil ta diosetic yu'unique, ja' te loc'ombaetic yu'unic pasbilic ta ultesbil oro, soc yantic biluquetic pasbil ta oro soc ta plata. Te c'alal c'axix che'oxeb ja'wil a te ma'yuc guerra yu'unic ta xchebalic te nacionetique,

Daniel 11:8 ပူးပေါင်းရင်းမြစ်များ

Génesis 31:30

Ya suhtatix bahel yu'un awo'tanuc te ayatix ta sna te atate, pero ¿bin yu'un la awelc'ambon talel te diosetic cu'un? xchi.

2 Samuel 5:21

Te filisteohetic la yihquitayic hilel tey a te loc'ombahetic yu'unic, te David soc te winiquetic yu'un la schic'ticlanic.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Isaías 2:16

spisil barcohetic yu'un Tarsis soc spisil t'ujbil barcohetic.

Isaías 37:19

soc la sch'ojbeyic ta c'ahc' te diosetic yu'unic, como ma dioseticuc, ha ya'tel sc'ab winic te pasbilic ta te' soc ta ton; ha yu'un la sjinic.

Jeremías 46:25

Hich yaloj te Jehová te scuentahinej spisil, te Dios yu'un Israel: Ya ca'be castigo te Amón te dios yu'un Tebas, te faraón, Egipto soc te diosetic soc te ajwaliletic yu'un, soc te mach'atic smuc'ulinej yo'tanic te faraón.

Daniel 10:3

Ma ba la jwe' lequil we'elil, ma ba la jwe' ti'bal, ma ba la jcuch' vino, soc ma ba la jca'be jba perfume ha to c'alal ts'acay te oxeb semana.

Daniel 11:9

Hich te ajwalil ta norte ya me yochintay te ban c'alal scuentahinej te ajwalil ta sur, patil ya suht bahel ta sq'uinal.

Oseas 13:15

Aunque ya xp'ohl ta yohlil te yermanotac, ya xtal te ic' ta banti ya xloc' tal c'ahc'al, te ic' yu'un Jehová te ya xtal ta jochol taquin q'uinal, ya xtaquij te sloq'uib-ha' yu'un, ya xtup' banti ya xloc' te ha' yu'une. Ha ya spojbe spisil bintic ay ta yawil sc'ulejal te t'ujbilique.

Oseas 8:6

Como ha nix yu'un Israel te jcolel toro; pasbil yu'un mach'a ya sna' spasel, ma ha'uc Dios te toro. Ha yu'un ya me yich' wuyel te jcolel toro yu'un Samaria.

Números 33:4

te c'alal yac smucbelic a te ba-alaletic yu'unic te milotic yu'un Jehová. Te Jehová ha nix hich ya'beyej castigo te diosetic yu'unique.

Deuteronomio 12:3

Ya me ajimbeyic te scajtajib ta chiq'uel mahtaniletic yu'unic, ya me awuyticlambeyic te tehc'ambil tonetic yu'unic, ya me achiq'uic ta c'ahc' te sloc'omba Asera yu'unic, ya me awuyticlambeyic te sloc'ombahil te diosetic yu'unic, jc'axel me xatup'beyic sbihilic tey ta lugar.

Jueces 18:24

La sjac' te Micaías: Ha'ex la awich'bonic bahel te diosetic jpasoj soc te sacerdote cu'un, hich ya xloq'uex bahel. ¿Bin ya xhil xan cu'un? ¿Bin yu'un hich yac ajoc'obon: Bin la apas? xchi.