Daniel 11:40 - Bible in Tzeltal Bachajón

⁴⁰ C'alal ya xc'oht yorahil te slajibale, te ajwalil ta sur ya me ya'be guerra te ajwalil ta norte; pero ha ya xloc' tal ta stojol hich te bin ut'il chahwuquil ha'al, ya xtal soc carretahetic yu'un guerra, soldadohetic mohemic ta cawu soc bayel barcohetic; ya yochintay bayel q'uinaletic, soc ya xc'ax xan bahel.

Bible in Tzeltal de Oxchuc y Tenejapa

⁴⁰ “C'alal ya xc'ot yorail te slajibale, te muc' ajwalil ta sur ya me xba yac'bey guerra te muc' ajwalil ta norte. Pero ya me xloc' tel ta stojol jichuc chawuquil ja'al, spisil me yip ya xbajt' ta stojol te muc' ajwalil ta sur. Ya me snojes spisil q'uinal ta carretaetic yu'un guerra, soldadoetic moemic ta caballo, soc bayal barcoetic.

Daniel 11:40 ပူးပေါင်းရင်းမြစ်များ

Isaías 21:1

Ha te sc'op jalwanej ta stojol te jochol taquin q'uinal ta stojol mar: Hich te bin ut'il sutu-ic' te ya xc'ax ta Negev, hich ya xloc' tal ta jochol taquin q'uinal, ta q'uinal te xiweltic sba.

Isaías 5:28

Ay ye te ya'tejibalul st'ihmalte'ic, niticlambil spisil te st'ihmalte'ic; te slots' scawuhic hich te bin ut'il tulan ton, soc te yoc te carretahetic yu'unic hich te bin ut'il sutu-ic'.

Isaías 66:15

Como ilawil, te Jehová ya xtal soc c'ahc', te carretahetic yu'un hich ayic te bin ut'il sutu-ic', yu'un ya yac' tal sc'ahc'al te yilimba, soc ya xtal soc yat c'ahc' te utel yu'une.

Jeremías 4:13

Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Ezequiel 38:4

Ya cac' te ya suhtat ta apat, ya cotsesbat ganchohetic ta awe, ya jloq'uesat tal soc te soldadohetic awu'un, te cawuhetic soc te jmoheletic ta cawu te ts'acal chapalic soc a'tejibaletic yu'un guerra, c'ax bayelic te yich'ojic tut soc muc'ul mahquilaletic, soc spisilic yich'ojic espada.

Ezequiel 38:9

Ya xmohat bahel hich te bin ut'il ic'al-ha'al; hich te bin ut'il tocal te ya smac te q'uinal ya xc'ohat soc spisil te soldadohetic awu'un, soc te bayel pueblohetic sjoquinejat.

Daniel 11:10

Pero te snich'nab te ajwalil ta norte ya schahpan sbahic yu'un guerra, ya stsobic bayel soldadohetic. Ora ya xtal hich te bin ut'il snojel ha', ya xc'ax bahel; patil ya suht tal ta ya'beyel guerra c'alal ta ahnibal ts'ahc yu'un te ajwalil ta sur.

Daniel 11:11

Ha yu'un te ajwalil ta sur bayel ya x'ilin, ya xloc' tal ya'be guerra te ajwalil ta norte, te ha ya stsob bayel soldadohetic, pero ya stsalotic yu'un te ajwalil ta sur.

Daniel 11:13

Te ajwalil yu'un norte ya scha'tsob yan soldadohetic yu'un, c'ax hich yipal a te bin ut'il ta nahil to. C'alal ya xc'ax cheb oxeb ha'bil ya xcha'baht xan ya'be guerra soc bayel soldadohetic te chapalic ta leque.

Daniel 11:22

Bayel soldadohetic ya yich'ic mesel bahel ta stojol hich te bin ut'il snojel ha', pajal ya yich'ic lajinel soc te príncipal yu'un te chapbil-c'ope.

Daniel 11:25

Ta scuenta bayel soldadohetic ya shach yip soc ya yich' yip yo'tan ta scontrahinel te ajwalil ta sur. Te ajwalil ta sur ya me ya'be guerra soc tsobol soldadohetic, pero ma xhu' yu'un ta scaj te ya snopic te ya x'ac'ot ta c'abal.

Daniel 11:35

Soc ay p'ijil winiquetic te ya xyahlic, scuenta yu'un ya yich'ic lecubtesel soc poquel, ha to c'alal ya xc'oht yorahil te chapale, como ay to sc'an ya xc'oht yorahil te halbile.

Daniel 11:39

Ta scuenta te dios yu'un jyanlum ya scontrahin te ahnibaletic te c'ax tulanic. Ya me yac' ta ich'el ta muc' te mach'atic ya x'ich'ot ta cuenta yu'unic, ya ya'be scuentahinic tsobolic soc ya spucticlambe q'uinal scuenta stojolic.

Daniel 11:7

Pero ay jtuhl sts'umbal te ants te ya xhuhcaj ta shuctajib. Ya xtal soc soldadohetic yu'un ta ya'beyel guerra te ajwalil ta norte, ya x'och bahel ta ahnibal ts'ahc yu'un, ya ya'be guerra soc ya stsal.

Daniel 12:4

Pero ha'at, Daniel, maca te c'opetic, a'beya sello te libro ha to c'alal yorahil slajibal. Ay tsobolic te ya xtal xbahtic ta bayuc, soc ya xp'ohl te bintic ay ta na'el, xchi te Gabriel.

Daniel 12:9

Hich la sjac': Bahan, Daniel, como spisil te c'opetic ini macalix soc yich'ojic sello ha to c'alal yorahil slajibal.

Daniel 8:17

Hich nohpoj tal ta banti ayon; c'alal tal, bayel xiwon, la jpahcan jba c'alal ta lum. Pero hich la yalbon: Snich'anat winic, na'a me te ha sc'oblal te slajibal c'ahc'al te nahalsit, xchi.

Habacuc 3:14

Ha nix ta slanzahic la alowbe te jtsobawetic yu'un te soldadohetic yu'unic, te talic hich te bin ut'il yic'al-ha'al yu'un ya spucotcotic bahel, te tse'el yo'tanic hich te bin ut'il muquen ya slajin te pobrehe.

Zacarías 9:14

Te Jehová ya yac' sba ta ilel ta stojolic, hich ya xt'im bahel te ya'tejibal st'ihmalte' te bin ut'il tsantsehwal; Te Jehová, te Ajwalil, ya yoq'uesin te corneta, ya xbehen bahel ta guerra ta yohlil sutu-ic' ta stojol sur.

Apocalipsis 16:12

Te swaquebal ch'ul a'bat la smal te sbahl te copa yu'un ta muc'ul-ha' Éufrates, tup' ya'lel te muc'ul-ha' scuenta yu'un chapal ya xc'oht te be yu'un te ajwaliletic ya xtalic ta stojol banti ya xloc' tal c'ahc'al.

Apocalipsis 9:16

La jca'iy jaytuhl te soldadohetic te cajajtic ta cawu, ha lajunwinic millón (200,000,000) ta tuhl.