Daniel 11:4 - Bible in Tzeltal Bachajón

⁴ Pero te c'alal hahchemix a, ya me yich' jimbeyel te ban c'alal scuentahinej soc ya yich' puhquel ta schanchahpal te ic' yu'un te ch'ulchan; ma ba ya x'a'bot te sts'umbal soc ma ba ya stahbe c'ohel yip te bin ut'il te yu'une, como ya me yich' bulel loq'uel, ha ya x'a'bot ta scuenta yantic.

Bible in Tzeltal de Oxchuc y Tenejapa

⁴ Pero te c'alal chapalix yu'un a te bay c'alal yu'uninej, ya me yich' jinel, soc ya me yich' pasel ta chansejp. Te yip te muc' ajwalil ma xju' ya xc'ax ta stojol patil alnich'anetic yu'un, soc ma sta jich yip ya xc'ot te bit'il c'ot ta pasel ta neelal toe, melel ya me yich' xatel. Yantic meix mach'atic ya x'ochic ta ajwalil yu'un a te juju-jsejp q'uinale.

Daniel 11:4 ပူးပေါင်းရင်းမြစ်များ

Salmos 39:6

Melel te ants-winiquetic hich ayic te bin ut'il axinal te ya xc'ax bahel; tojol ya yac' swocolic ta tulan a'tel, ya stsob sc'ulejalic, pero ma na'biluc mach'a ya yich' hilel.

Eclesiastés 4:8

Ay jtuhl winic te stuquel ay, mayuc sjelol, mayuc snich'an o yermano; pero ma scom sba ta a'tel, ma xlaj yo'tan yilbel sc'ulejal; soc ma ba hich ya sjoc'oy: ¿Mach'a ya x'a'tejon yu'un, soc bin yu'un ma ba ya jpas te bin ya smulan te co'tane? ma xchihuc. Ha nix hich tojol nax soc tulan a'tel.

Jeremías 12:15

C'alal bulbilix loq'uel cu'un a, ya jcha'na'be xan yo'bolil sbahic, soc ya cac' suhtuc tal jujutuhl ta sq'uinalic, jujutuhl ta slumalic.

Jeremías 12:17

Pero te nación te ma ba ya ya'iyic, ya me jbul loq'uel soc slohp', ya me jlajin, xchi te Jehová.

Jeremías 18:7

Ta jts'ihn nax ya xc'opojon ta scontrahinel jun pueblo o nación yu'un ya yich' bulel, busq'uinel soc jinel.

Jeremías 31:40

Spisil te sjuclej yu'un chamen baq'uetetic soc yu'un tan, soc spisil te q'uinal c'alal ta sba be-ha' yu'un Cedrón, c'alal ta xuhc ta ochibal yu'un Cawuhetic ta stojol banti ya xloc' tal c'ahc'al, ha ch'ultesbil ta stojol Jehová. Mayuc bin ora ya yich'ix xan bulel soc jinel, xchi.

Jeremías 45:4

Hich me xawalbe: Hich yaloj te Jehová: Ya jin te bin la jpas, soc ya jbul loq'uel te bin la jts'un, ta spisil te q'uinale,

Jeremías 49:36

Ya cac' tal ta stojol Elam te schanxuhcul iq'uetic te ya xtal ta schanxuhcul te ch'ulchane; ya pucticlan bahel ta schanxuhcul te iq'uetique. Mayuc nación te banti ma ba ya xbaht ta ahnel te mach'atic yu'un Elam.

Ezequiel 37:9

Hich la yalbon te Jehová: Snich'anat winic, hala sc'op-jalwanej ta stojol te ic', hala sc'op-jalwanej, hich me xawalbe te ic': Hich yaloj te Jehová, te Ajwalil: ¡Ic', la' ta schanxuhcul q'uinal soc hu'xiya te baq'uetetic ini te lajemic, scuenta yu'un ya xcha'cuxajic! xchi.

Daniel 7:2

Hich la yal te Daniel: La jquil ta jnahalsit ta ahc'abal, te chanchahp ic' la stijbeyic te muc'ul mar.

Daniel 7:6

Patil la jquil yan chambahlam, pajal yilel soc c'anbo'olay choj te ay chaneb xic' ta spat soc ay chaneb sjol; a'bot ya'tel ta cuentahinwanej.

Daniel 7:8

Te c'alal yacon ta snopbeyel sc'oblal te xulubiletic, loc' talel yan tut xulubil ta yohlilic, soc la yich' bulel oxch'ix xulubil ta stojol te nahil ayique. Te xulub ay sit hich te bin ut'il sit winic soc ay ye te yac yalbel toyba-c'op.

Daniel 8:22

Te xulubil te wac', te loc' chaneb xulubiletic tey a, ha sc'oblal te ya xloc' chanchahp nacionetic tey a, pero ma pajaluc yipic soc te shahchibal ajwalile.

Daniel 8:8

Te tat tentsun c'ax muc' c'oht; pero c'alal bayelix yip a, wac' te smuc'ul xulube, tey loc' tal chanch'ix muc'ul xulubiletic a, te jujune yiloj bahel ta schanxuhcul te q'uinale.

Zacarías 2:6

¡Bahanic! loc'anic ta ahnel ta q'uinal te ay ta stojol norte, xchi te Jehová, como ho'on la jpuquex bahel ta schanebal ic' ta ch'ulchan, xchi te Jehová.

Zacarías 6:5

Hich la sjac'bon te ch'ul a'bat: Ha te chaneb iq'uetic yu'un te ch'ulchan, te yaquic ta loq'uel tal ta stojol te Ajwalil yu'un swohlol bahlumilal.

San Mateo 12:25

Na'bot yo'tanic yu'un te Jesús, hich halbotic: Spisil banti junax cuentahimbil te ya scontrahin sba, ya me xjihn, soc spisil pueblo o na te ya scontrahin sba, ma ba ya xhalaj.

San Lucas 12:20

Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

Apocalipsis 7:1

Patil la jquil chaneb ch'ul a'batetic tec'ajtic ta schanxuhcul bahlumilal, scomojic te chaneb ic' te ya xbehenic ta bahlumilal scuenta yu'un ma ba ya xbehen ic' ta q'uinal, ta mar o ta te'etic.