Daniel 11:34 - Bible in Tzeltal Bachajón

³⁴ Te c'alal ya xyahlic ya xtal jtebuc coltayel yu'unic, soc ya xjoquinotic yu'un tsobol jchebal-o'tanetic.

Bible in Tzeltal de Oxchuc y Tenejapa

³⁴ Te c'alal ya xc'ot yorail te uts'inele, ay banti ya xtal jtebuc coltayel ta stojolic, manchuc me ay bayal ya yac' sbaic soc, swenta nax ayuc bi ya staic a.

Daniel 11:34 ပူးပေါင်းရင်းမြစ်များ

Daniel 11:21

Ya xchicnaj sjelol jtuhl winic te p'ajbil, te ma ba ac'ot ta ich'el ta muc' hich te bin ut'il ya sc'an ajwalil. Repente nax ya xtal soc ya yich' ya'tel ta ajwalil ta scuenta lo'loywanej.

Daniel 11:32

Ta scuenta lo'loywanej ya stsal te mach'atic ya sc'axuntayic te chapbil-c'op; pero te pueblo te ya sna'be sba te Dios yu'un ya me yac' yip yo'tanic soc ay bin ya spasic yu'un.

San Mateo 7:15

Tsahtaya me abahic ta stojol te lotil jalwanejetic te sc'u'inejic snuhculel tuminchijetic, pero ta yutil ha ti'awal chojetic.

Romanos 16:18

como te mach'atic hich ya spasic, ma ha'uc yac'oj sbahic ta a'batinel yu'un te Cajwaltic Jesucristo, ha nax ya spasic te bin ya sc'an yo'tanic stuquel. Ta scuenta t'ujbil c'opetic soc te bintic lec ta a'iyel ya slo'loybe yo'tanic te mach'atic ma sna'ic stsahtayel.

Gálatas 2:4

aunque muquen ochic ta cohlilcotic yu'un ya yotsesotic ta mosohil te mach'atic sp'isoj sbahic te ha quermanotactic yu'un ya stsahtayic bin ut'il ay te libre ayotic ta scuenta Cristo Jesús.

2 Timoteo 4:3

como ya sta yorahil te ma ba ya sc'an ya ya'iyiquix te lequil nohptesel, ya sac'ub schiquinic, hich ya stsob bayel maestrohetic yu'unic te ya xnoptesotic yu'un te bin ya smulanic,

Tito 1:11

Ya sc'an ya yich' macbeyel yehic, como yac sjimbel nahetic, yu'un ta scaj sbic'sitayel taq'uin ya yaq'uic ta nopel te bin ma xtuhune.

1 Juan 4:1

Ha'ex te c'uxex ta co'tan, ma me xach'uhunic spisil espírituhetic, nahil me xatsahtayic teme ha yu'un Dios, como ay bayel lotil jalwanejetic te puhquemic bahel ta bahlumilal.

1 Juan 4:5

Te lotil jalwanejetic ayic ta scuenta te bahlumilal, ha scuentahil te ya yalic te bin scuenta bahlumilal, soc ya x'a'iybot sc'opic yu'un te bahlumilale.

2 Juan 1:7

Tsobol jlo'loywanejetic hahchemic ta behel ta bahlumilal te ma ba ya yalic te tal soc sbaq'uetal te Jesucristo. Te mach'a hich ya yal, ha me jlo'loywanej soc ha te anticristo.

Judas 1:4

Como ay winiquetic te muquen ochemic, te chapalix sc'oblalic te ch'ayel ya xbahtique. Ha chopol winiquetic te ya sjelic ta chijil-o'tanil te yutsil yo'tan Dios soc smucoj ta yo'tanic te Dios te stuquel ay ta ch'uhumbeyel smandar, soc te Cajwaltic Jesucristo.

Apocalipsis 12:13

C'alal la yil te dragón te ch'ojotix cohel ta bahlumilal, hahch snuts te ants te la yayintes te squerem-al.

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.