Daniel 11:30 - Bible in Tzeltal Bachajón

³⁰ Como ya xtalic ta contrahinel yu'un barcohetic talemic ta smahlib c'ahc'al, ya xpehc'aj yo'tan yu'un; hich ya suht bahel soc ya st'omtes bahel ta stojol te ch'ul chapbil-c'op te tulan yilimba, soc ya spas te bin ya sc'an te yo'tane. Ya suht xan bahel soc lec yo'tan ta stojol te mach'atic ya yihquitayic hilel te ch'ul chapbil-c'ope.

Bible in Tzeltal de Oxchuc y Tenejapa

³⁰ Te soldadoetic yu'un ya me x'ac'botic guerra yu'un soldadoetic te ya xtalic ta stojol smalib c'aal, ya me x'ic'otic tel ta barcoetic. Te c'alal ya x'u'uninot yu'un te xiwele, ya me sujt'ic bael. Te muc' ajwalil ta norte ya st'omes bael ta stojol te ch'ul trato te slab yo'tane. Jun yo'tan ya xc'ot soc te mach'atic la xch'ayic ta yo'tanic te trato swenta yu'un ya yac' sbaic ta abatinel yu'un a te muc' ajwalile.

Daniel 11:30 ပူးပေါင်းရင်းမြစ်များ

Génesis 10:4

Te snich'nab Javán: ha Elisa, Tarsis, Quitim soc Rodanim.

1 Crónicas 1:7

Te snich'nab Javán: Elisa, Tarsis, Quitim soc Rodanim.

Nehemías 6:12

La jna' te ma ba ticombil yu'un Dios, te hich la yalbon jc'oblal ta sc'op-jalwanej yu'un tojbil yu'un te Sanbalat soc te Tobías.

Isaías 23:1

Ha te sc'op jalwanej ta stojol te Tiro: ¡Awetan, barcohetic yu'un Tarsis! como jihnemix te Tiro, mayuquix na o yochibal barcohetic. C'alal ta sq'uinal Chipre halbotic sc'oblal.

Isaías 23:12

Hich la yal: Ma me ayuquix stse'elil awo'tan, uts'imbil ach'ixat, yantsil-alat Sidón. Hahchan, c'axan bahel ta Chipre, pero ma ba yac ata cux-o'tan tey a, xchi.

Jeremías 2:10

C'axanic bahel ta ti'mar yu'un Quitim soc ila awilic, ticonahic bahel ta Cedar soc tsahtaya awilic ta lec; ilawil teme ay hich c'ohem ta pasele.

Ezequiel 27:6

Te atijojibaletic awu'un la spasic ta jihte' yu'un Basán; te amahquil la spasic ta taj yu'un te ti'ti'mar yu'un Chipre, soc ch'albil ta marfil.

Daniel 11:28

Te ajwalil te talem ta norte ya suht bahel ta slumal soc bayel sc'ulejal, pero ta yo'tan ya scontrahin te ch'ul chapbil-c'ope; ya spas te bin ya sc'an yo'tan, patil ya suht bahel ta slumal.

Daniel 11:29

Ta yorahil te chapale ya scha'suht xan bahel ta stojol sur, pero ma hichuc ya xc'oht ta loq'uel te bin ut'il ta nahil to.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Números 24:24

Ya xloc' tal barcohetic ta sti'il mar ta Quitim, ya ya'be swocol te Asiria soc te Heber, pero ha'ic nix jc'axel me ya xlajic, xchi.

San Mateo 24:10

Ta hich ora ay tsobol mach'atic ya xchebaj yo'tanic, talel c'axel me ya yac' sbahic ta c'abal soc talel c'axel me ya yihlay sbahic.

Apocalipsis 12:12

Ha yu'un tse'eluc me awo'tan, ha'at ch'ulchan, soc ha'ex te nahinemex tey a. ¡Pero ay me swocolic te mach'atic nahinemic ta bahlumilal soc ta mar! Como te pucuje, soc bayel yilimba cohemix tal ta atojolic, yu'un ya sna' te nopol ya xlaj ora yu'un, xchi.