Daniel 11:24 - Bible in Tzeltal Bachajón

²⁴ Te c'alal lamal q'uinal ya ya'iy te jsehp q'uinal soc te ay sc'ulejal a, ya me yochintay soc ya me spas te bintic mayuc la spas te sme'stat o te smamuch. Ya spucbe te soldadohetic yu'un te biluquetic soc c'ulejaliletic la sta ta guerra. Ya snop bin ut'il ya stsal te tulan ahnibaletic, pero ma ba ya xhalaj te hich ya spase.

Bible in Tzeltal de Oxchuc y Tenejapa

²⁴ Te c'alal ma'yuc mach'a ya xmaliyot yu'une, ya me x'och bael ta q'uinal mero jc'ulej te ay ta jsejp q'uinale. Ya me spas te bitic ma'yuc la spas te antiguo sme'-state: Ya me spucbey soldadoetic yu'un te biluquetic soc c'ulejaliletic la sta ta guerra. Ya xchajban sba yu'un ya yac'bey guerra te lumetic ay sjoyob ts'ajc'ule, pero ma ba jal c'aal te jich ya spase.

Daniel 11:24 ပူးပေါင်းရင်းမြစ်များ

San Mateo 9:4

Na'bot yo'tanic yu'un te Jesús, hich la yalbe: ¿Bin yu'un chopol bin yac awalbel ta awo'tanic?

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Ezequiel 38:10

Hich yaloj te Jehová, te Ajwalil: Ta hich ora ay bin ya xtal ta awo'tan, yac anop te bin chopole.

Proverbios 23:7

como te bin snopoj ta yo'tan, hich ay te stalele. We'an, uch'an, xchi, pero ma ba ayat ta yo'tan.

Proverbios 19:6

Tsobol mach'atic ya slehic te ha lec yo'tan yu'un te mach'a bayel bin ya yac', soc spisilic ha yamigotac te mach'a ya xmahtanteswan.

Proverbios 17:8

Te mahtanil taq'uin sjel ta lequil ton te ay yip ya ya'iy te mach'a ya yaq'ue; bayuc ya xbaht, ay bin ya sta a.

Nehemías 9:25

Soc la yu'untayic pueblohetic te ay toyol ts'ahc yu'unic soc lequil q'uinal, soc la yich'ic nahetic nojelic ta lequil biluquetic, pozohetic, ts'usubiletic, ts'umbil olivohetic, soc yantic te'etic te ya yac'ticlan sit. We'ic, noj sch'uhtic soc juhp'ic, bayel la smulanic te yutsil awo'tan te c'ax muc'.

Jueces 9:4

Soc la ya'beyic lajuneb schanwinic (70) ta sehp plata te talem te templo yu'un Baal-berit, te ha la stoj a chopol ch'ajil winiquetic te Abimelec te la st'unic bahel.

Números 13:20

soc bin yilel te lumq'uinal, teme yaxal q'uinal o teme mayuc bin ya xcol tey a, teme ay te'etic o mayuc ste'el. Ayuc me yip awo'tanic, soc ich'ahic tal te sit ts'unub-awalil yu'un te q'uinale, xchi. Ha yorahil a te sba sit te ts'usube.

Ezequiel 34:14

Ya cac'ticlambe swe'elic ta lequil aquiltic, soc ta toyol witsetic yu'un Israel tey ya xc'oht a te lequil aquiltic yu'unique. Tey ya scux yo'tanic a ta lequil aquiltic, soc ya me swe'ic te mero lequil ac ta witsiltic yu'un Israel.

Daniel 11:23

Te c'alal schapojix sc'op soc a, ya xlo'loywan, soc ya yich' yip aunque mayuc tsobol mach'atic ay yu'un.