Daniel 10:6 - Bible in Tzeltal Bachajón

⁶ Te sbaq'uetal hich te bin ut'il yaxcancan ton, te sit yelaw hich yilel te bin ut'il tsantsehwal, te sit hich yilel te bin ut'il tsumbil c'ahc', te sc'ab soc te yoc hich yilel te bin ut'il ch'ulbil bronce, soc te sc'op pajal soc sc'op tsobol ants-winiquetic.

Bible in Tzeltal de Oxchuc y Tenejapa

⁶ Te sbaq'uetal mero xlemet jichuc buen t'ujbil c'anal topacio. Te yelaw mero xlemlon jichuc tsantsewal. Te sit, jich yilel te bit'il c'ajc' yich'oj tsumele. Te sc'abe soc te yacane, mero sts'ayet jichuc bronce. Te sc'ope, pajal sc'op soc mach'atic mero tsobolic.

Daniel 10:6 ပူးပေါင်းရင်းမြစ်များ

Éxodo 28:20

ta schanchohlol: yaxcancan, sacliplip, soc sts'aylajan-ton. Spisilic ipajemic ta yawil pasbil ta oro.

Cantares 5:14

Te sc'ab, ha xotbil oro ch'albil ta c'anal topacio; te sbaq'uetal pajal soc huxbil marfil te yich'oj ch'alel ta zafiro.

Ezequiel 1:14

Te bintic cuxajtic ahnimal ya xtal ya xbahtic, pajal soc tsantsehwal.

Ezequiel 1:16

Te bin yilel te yoquic soc te bin ut'il pasbilic, hich yilelic te bin ut'il yax-el'el ton. Pajal yilel schanebal; hich yilelic te bin ut'il ay yoc ta yutil yan yoc.

Ezequiel 1:24

La jca'iybe sc'op te xiq'uic te c'alal ya xhahchic bahel, pajal soc sc'op bayel ha'etic, pajal soc sc'op te Mach'a spisil ya xhu' yu'un, pajal soc xjuyet bayel soldadohetic. Te c'alal ya stehc'an sbahic, ya scohtesic te xiq'uique.

Ezequiel 1:7

Toj ay te yoquic, soc te stahn yoquic hich te bin ut'il slots' tut toro te xlipet hich te bin ut'il ch'ulbil bronce.

Ezequiel 10:9

Ta sts'ehl te querubinetic la jquil ay chaneb yoc carretahetic, jun yoc carreta ta sts'ehl te jujun querubín. Hich yilel te yoc carretahetic te bin ut'il yax-el'el ton.

Ezequiel 40:3

Tey la yic'on bahel a, la jquil jtuhl winic te pajal soc bronce yilel. Teq'uel ta sti'il ochibal, yich'oj ta sc'ab jun p'is pasbil ta lino soc ay jalal-p'is.

Ezequiel 8:2

La jquil te bin pajal soc winic yilel. Ta sch'uyomba cohel hich yilel te bin ut'il c'ahc', ta sch'uyomba mohel hich yilel te bin ut'il sts'anabul te sch'ulet bronce.

San Mateo 17:2

Tey c'atp'uj ta stojolic, hich c'oht sit yelaw te bin ut'il sts'anabul c'ahc'al, soc xlipet sacal baht te sc'u' spaq'ue.

San Mateo 28:3

Hich yilel te bin ut'il tsantsehwal, soc sac sc'u' spac' hich te bin ut'il me'sic.

San Lucas 9:29

C'alal yac ta sc'oponel Dios a, c'atp'uj sit yelaw, soc xlipet sacal baht te sc'u' spaq'ue.

Apocalipsis 10:1

La jquil co tal ta ch'ulchan yan ch'ul a'bat te bayel yip, potsol ta tocal, soc ay xojob ta yahc'olal te sjole. Hich sit yelaw te bin ut'il c'ahc'al, soc hich yacan te bin ut'il bahlal c'ahc'.

Apocalipsis 19:12

Hich yilel sit te bin ut'il yat c'ahc', soc ay bayel coronahetic ta sjol soc ts'ihbabil sbihil te mayuc mach'a yan ya sna', ha nax ya sna' stuquel.

Apocalipsis 2:18

Ts'ihbabeya te ch'ul a'bat yu'un te iglesia ta Tiatira: Hich ya yal te Snich'an Dios, te sjel ta yat c'ahc' te sit soc hich yilel yoc te bin ut'il xlipet huxbil bronce:

Apocalipsis 21:20

te yo'ebal sacliplip, te swaquebal chicmulmul, te shuquebal yax-el'el, te swaxaquebal yaxcancan, te sbalunebal c'anmulmul, te slajunebal yaxjaljal, te sbuluchebal c'anch'abch'ab ta tsaj, te slahchayebal xlup'lon ta sac.