Daniel 10:19 - Bible in Tzeltal Bachajón

¹⁹ hich la yalbon: Ma me xiwat, ha'at te c'uxat ta o'tanil, lamaluc me q'uinal xawa'iy; ac'a xan fuersa, ayuc me yip awo'tan, xchi. C'alal yac sc'opombelon a, la jquich' quip, hich la jcalbe: C'opojan, tatil, como la awa'bon xan quip, xchihon.

Bible in Tzeltal de Oxchuc y Tenejapa

¹⁹ Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

Daniel 10:19 ပူးပေါင်းရင်းမြစ်များ

Salmos 138:3

Te c'alal la jcawtayat, la ajac'bon jc'op; la awa'bon xan yip co'tan.

Isaías 35:4

Hich xawalbeyic te mach'atic ya xiw yo'tanic: ¡Ayuc me yip awo'tanic, ma me xiwex! Te Dios awu'unic ya xtal ya'be spacol; ha nix Dios ya xtal scoltayex, xchihan me.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Daniel 10:18

Hich te mach'a pajal yilel soc snich'an winic la scha'picon, la ya'bon quip,

Daniel 9:23

Te c'alal hahchat ta yalbeyel wocol Dios chicnaj te suhtib, hich tal calbat awa'iy, como ha'at c'uxat ta o'tanil. Ha yu'un na'beya scuentahil te suhtib soc na'beya scuentahil te nahalsitile.

Hageo 2:4

Pero ayuc me yip awo'tan, Zorobabel, xchi te Jehová; soc ayuc me yip awo'tan, Josué snich'an Josadac, muc'ul sacerdotehat; ayuc me yip awo'tanic apisilic, ants-winiquetic ta q'uinal, xchi te Jehová. A'tejanic, como joquinejex, xchi te Jehová te scuentahinej spisil.

Zacarías 8:13

Hich te bin ut'il bohloben c'oblalil c'ohemex ta yohlil te nacionetic, pueblohex Judá soc pueblohex Israel, ha nix hich ya jcoltayex soc ha bendición ya xc'ohex. ¡Ma me xiwex! ¡A'beyahic yip ac'abic! xchi.

Zacarías 8:9

Hich yaloj te Jehová te scuentahinej spisil: A'beyahic yip ac'abic, ha'ex te yac awa'iybelic te c'opetic ini te yac yalbelic te jalwanejetic, te hich yac yalbelic a c'alal ta bin ora la yich' a'beyel te yich'o-ip c'alal ora ta cha'pasel te sna Jehová te scuentahinej spisil.

San Juan 11:3

Ha yu'un te antsetic la sticonic ta halbeyel te Jesús: Cajwal, ay ta chamel te mach'a c'ux ta awo'tan, xchi c'ohel.

San Juan 11:36

Ha yu'un hich la yalic te judíohetique: Ilawilic, mero bayel c'ux ta yo'tan, xchihic.

San Juan 11:5

C'uxic ta o'tanil yu'un Jesús te Marta soc te yihts'in soc te Lázaro.

San Juan 14:27

Ya ca'beyex hilel lamal q'uinal; ya ca'beyex te lamal q'uinal cu'un; ma hichuc ya ca'beyex te bin ut'il ya yaq'uic te mach'atic ayic ta bahlumilal. Ma me xamel awo'tanic soc ma me xiwex.

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

San Juan 19:26

C'alal Jesús la yil te snan soc te jnopojel te c'ux ta yo'tan te tey ay a, hich la yalbe te snane: Ants, tey ay te awale, xchi;

San Juan 21:20

La sut sba te Pedro, la yil t'umbil yu'un te jnopojel te c'ux ta yo'tan Jesús, ha nix te mach'a ay ta nopol stahn Jesús te c'alal we'ic, soc te la sjoc'oy: ¿Mach'a a te ya yac'at ta c'abal, Cajwal? te xchihe.

1 Corintios 16:13

Wihc'a me asitic, ayuc me yip sch'uhunel awo'tanic, pasahic me lec winiquil, ac'ahic me fuersa.

2 Corintios 12:9

Pero la yalbon: Tic'at a yu'un te cu'ele, como tey ya xchicnaj xan a te cu'el te banti mayuc awip, xchi. Ha yu'un tse'el co'tan ya jtoy jba yu'un te mayuc quip, scuenta yu'un ya xchicnaj te yu'el Cristo ta jcuenta.

Efesios 6:10

Scuenta slajibal, ich'a me yip awo'tanic ta scuenta te Cajwaltic soc te yu'ele.

2 Timoteo 2:1

Ha'at, jnich'an, ayuc me yip awo'tan ta scuenta te yutsil-o'tanil te ay ta scuenta te Cristo Jesús.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Apocalipsis 1:17

Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,

Jueces 6:23

Pero te Jehová la yalbe: Lamaluc me q'uinal xawa'iy. Ma me xiwat, ma ba ya xchamat, xchi.