Daniel 10:16 - Bible in Tzeltal Bachajón

¹⁶ Pero te mach'a pajal yilel soc snich'an winic la spicbon sti'il que, hich la jam que soc c'opojon, hich la jcalbe te mach'a ay ta jtojol: Tatil, hahch jwocol yu'un te nahalsitil soc mayuc quip ya ca'iy.

Bible in Tzeltal de Oxchuc y Tenejapa

¹⁶ Ora nax ay mach'a chicnaj, pajal soc Nich'anil yilel, c'o spicbon te sti'il quee. Jich la calbey te mach'a ay ta jtojole: —Cajwal, te bila la quil la yac'bon bayal jwocol soc la slajinbon quip ya caiy.

Daniel 10:16 ပူးပေါင်းရင်းမြစ်များ

Éxodo 4:10

Pero te Moisés la yalbe te Jehová: ¡Ay, Cajwal! Mayuc bin ora hu'em cu'un c'op ta lec, ni ta nahil to, ni ta ora ini te yacat ta c'op ta jtojol te awa'batone. Wocol ya xloc' jc'op soc ya schuc sba te cac', xchi.

Éxodo 4:13

Te Moisés hich la yal: ¡Ay, Cajwal! awocoluc, ticona bahel yan, xchi.

Eclesiastés 1:18

Como te banti ay bayel p'ijil-o'tanil ay bayel wocol; teme ya xp'ohl te bintic ay ta na'el, ya xp'ohl te wocole.

Isaías 6:7

La stahbon que a, hich la yal: Ilawil, la stahbat awe ini; la yich'ix loq'uesel te bintic chopol apasoj soc pocbilix amul, xchi.

Jeremías 1:9

Hich te Jehová la yac' tal sc'ab, la spicbon que soc hich la yalbon: La jca'bat te jc'op ta awe.

Ezequiel 1:26

Ta sba te bin limbil ta yahc'olal te sjolic ay bin chican te hich yilel te bin ut'il muc'ul huctajibal pasbil ta t'ujbil yaxal ton; soc ay mach'a te pajal soc winic yilel hucul ta bin pajal soc muc'ul huctajibal yilele.

Ezequiel 3:27

Pero teme ay bin ya calbat, ya jambat awe soc hich me xawalbe: Hich yaloj te Jehová, te Ajwalile. Te mach'a ya sc'an ya ya'iy, ac'a ya'iy; te mach'a ma sc'an ya ya'iy, manchuc, como ha jun pueblo te stoyoj sba, xchi te Jehová.

Ezequiel 33:22

C'ohem ta jtojol te sc'ab Jehová ta tibiltic te ma to ba c'ohem ta jtojol a te j'ahnel winique; la sjambonix que a te c'alal tal te winique; jamalix te que, hich ma uma'ubonix.

Daniel 12:8

La jca'iy, pero ma ba la jna'be scuentahil. Ha yu'un hich la joc'obe: Tatil, ¿bin yilel ya xc'oht te slajibal te bintic ay ini? xchihon.

Daniel 4:19

Hich te Daniel, te Beltsasar yan sbihil, xch'ayet yo'tan, a'bot xiwel yu'un te bin la snope. Ha yu'un la yal te ajwalil: Beltsasar, ma me xiwat yu'un te wayichil o te sc'oblale, xchihon. La sjac' te Beltsasar: Ajwalil cu'un, te ha'uc yu'un acontratac te wayich, soc te ha'uc ya xc'oht te sc'oblal ta stojol te mach'atic ya scontrahinate.

Daniel 7:15

Ho'on, Daniel, c'ax bayel c'opoj co'tan yu'un, soc bayel la ya'bon xiwel te nahalsitiletic te c'ax ta jpensare.

Daniel 7:28

Ha slajibal ta halel te sc'op ini. Ho'on Daniel, bayel c'opoj co'tan soc sacub quelaw yu'un, pero la jq'uej ta co'tan bin ut'il ay spisil ini.

Daniel 8:15

Ho'on, Daniel, c'alal yacon ta sna'ulanel a te nahalsitil soc bin ut'il ay sc'oblal, la stehc'an sba ta jtojol mach'a hich yilel te bin ut'il winic.

Daniel 8:17

Hich nohpoj tal ta banti ayon; c'alal tal, bayel xiwon, la jpahcan jba c'alal ta lum. Pero hich la yalbon: Snich'anat winic, na'a me te ha sc'oblal te slajibal c'ahc'al te nahalsit, xchi.

Daniel 8:18

C'alal yac sc'opombelon a, c'ub jwayel yu'un, pacalon ta lum. Ha la spicon, la yac' tehc'ajucon.

Daniel 8:27

Ho'on, Daniel, laj quip la jca'iy yu'un, bayel c'ahc'al ayon ta chamel. Patil hahchon, cha'ochon xan ta spasel te a'tel yu'un te ajwalil. Pero ay xiwel ta co'tan ta scaj te nahalsit, ma ba la jna'be scuentahil.

Daniel 9:21

c'alal yacon to ta sc'oponel Dios a, te Gabriel, te winic te la jquil ta nahalsit ta nahil, ahnimal tal ta wihlel ta banti ayon ta yorahil aq'uel te milbil mahtanil ta tibiltic.

San Lucas 1:64

Ora jahm ye soc tojob yac' te Zacarías, hahch yalbe bayel yutsil te Diose.

San Lucas 21:15

como ho'on ya ca'beyex sp'ijil awo'tanic ta c'op, te ma xhu' yu'un ya scomex soc te ya scontrac'optayex spisil te acontrataque.

San Juan 20:28

La sjac' te Tomás: ¡Cajwal, Dios cu'un! xchi.

Josué 5:14

La sjac': Ma'uc, ha talemon scuenta jtsobaw yu'un te soldadohetic yu'un Jehová, xchi. Ha yu'un te Josué la spahcan sba ta lum, la sch'uhuntay soc hich la yalbe: ¿Bin yac awalbe te a'bat awu'un, Cajwal? xchi.

Apocalipsis 1:13

soc ta yohlil te yawil c'ahc' ay mach'a hich yilel te bin ut'il snich'an winic, slapoj snahtil-c'u' te c'ohem c'alal ta yoc soc ay sbehch'il stahn pasbil ta oro.

Jueces 13:8

Ha yu'un te Manoa la sc'opon te Jehová, hich la yalbe: Ay, Cajwal, te winic te la aticon tal, awocoluc ac'a taluc yan buelta ta jtojolcotic soc ac'a yac' jna'cotic bin ya sc'an ya jpascotic soc te alal te ya x'ayine, xchi.

Jueces 6:13

La sjac' te Gedeón: Ay, cajwal, teme sjoquinejotcotic te Jehová, ¿bin yu'un te hich yac ta c'ohel ta pasel ta jtojolcotic spisil ini? ¿Banti ay spisil te jchahp a'teliletic te la yalbotcotic sc'oblal te jme'jtatcotic, te hich la yalic: Ha la sloq'uesotic tal ta Egipto te Jehová, te xchihique? Pero te Jehová la yihquitayotiquix hilel soc la yac'otiquix ta sc'ab te madianetique, xchi.

Jueces 6:15

La sjac' xan te Gedeón: Ay, cajwal, ¿bin ut'il ya xhu' ya jcoltay Israel te ho'one? Melel te mach'atic ay cu'un c'ax hich pobre a te bin ut'il te yantic ta Manasés, soc te ho'one mero xuton yu'un te mach'atic ayic ta sna te jtat, xchi.