Daniel 10:12 - Bible in Tzeltal Bachajón

¹² Hich la yalbon: Ma xiwat, Daniel, como c'alal ta shahchibal te la anop ta awo'tan te yac ana'be scuentahil soc te la apehc'an aba ta stojol te Dios awu'un, la ya'iybat te ac'ope. Ha talon yu'un te ac'ope.

Bible in Tzeltal de Oxchuc y Tenejapa

¹² Jich la yalbon: —Ma xiwat, Daniel, melel ta sbabial c'aal te c'alal jajch'at ta sna'el te awo'tanuc ya ana'bey swentail te bitic chujc'ulic ta na'ele, soc la anop ta awo'tan te ya apejc'an aba ta stojol te Dios awu'une, jich la yaiybat te ac'ope. Ja' yu'un talon jo'on.

Daniel 10:12 ပူးပေါင်းရင်းမြစ်များ

Salmos 69:10

Te c'alal ya x'oc'on soc ya jcom jwe'el, ya quich' labanel yu'un;

Isaías 35:4

Hich xawalbeyic te mach'atic ya xiw yo'tanic: ¡Ayuc me yip awo'tanic, ma me xiwex! Te Dios awu'unic ya xtal ya'be spacol; ha nix Dios ya xtal scoltayex, xchihan me.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Isaías 58:9

Hich yac ac'opon Dios, ya me ya'iybat ac'op te Jehová; yac awawtay ta sc'anel coltayel, hich me ya yalbat: Li' ayoni, xchi. Teme yac aloq'ues ta atojol te yugo, te yal c'abal yu'un le-mulil soc te yalel bin chopol,

Isaías 65:24

Ma to x'awonic a te ya jac'be sc'opic; c'alal yaquic ta c'op a ya ca'iybe te sc'opique.

Daniel 10:11

Hich la yalbon: Daniel, te bayel c'uxat ta o'tanil, a'iya awa'iy te bin ya calbat. Hahchan, como ticombilon tal ta atojol, xchi. C'alal hich la yalbon, yacon ta nihquel a la jtehc'an jba.

Daniel 10:19

hich la yalbon: Ma me xiwat, ha'at te c'uxat ta o'tanil, lamaluc me q'uinal xawa'iy; ac'a xan fuersa, ayuc me yip awo'tan, xchi. C'alal yac sc'opombelon a, la jquich' quip, hich la jcalbe: C'opojan, tatil, como la awa'bon xan quip, xchihon.

Levítico 16:29

Ha mandaril awu'unic ini te ma xlaj sc'oblal: Ta lajuneb c'ahc'al yu'un te shuquebal u ya me acom abahic ta spasel te bin scuenta abaq'uetal, soc ma ba yac apas awa'telic a, te mach'a ha nix slumal soc te jyanlum nahinem ta awohlilique,

Levítico 16:31

Ha sc'ahc'alel cux-o'tan awu'unic soc te yac acom abahic ta spasel te bin scuenta abaq'uetal; ha mandaril te ma xlaj sc'oblal.

Números 29:7

Ta slajunebal c'ahc'al ta shuquebal u, ay me ch'ul tsoblej awu'unic; ya me acom awe'elic, soc ma me xapas awa'telic a.

San Mateo 28:10

Hich halbotic yu'un te Jesús: Ma xiwex. Bahanic, halbeyahic ya'iy te quermanotac te bin yach'il c'ohtix ta pasel. Ac'a bahticuc ta Galilea, tey ya xc'oht yilonic a, xchi.

San Mateo 28:5

Pero te ch'ul a'bat hich la yalbe te antsetic: Ma xiwex, jna'oj te yac alehic te Jesús te laj ta cruz.

San Marcos 16:6

Ma me xiwex, xchi; yac alebelic te Jesús talem ta Nazaret te laj ta cruz, cha'cuxajemix, ma ba li' ayixi; ilawilic te banti la yaq'uic hilel.

San Lucas 1:13

Pero hich halbot yu'un te ch'ul a'bat: Ma xiwat, Zacarías, yu'un a'iyotix ac'op ta stojol Dios; ya me x'ayin jtuhl squerem-al te awihnam Elisabet, Juan sbihil ya me xc'oht awu'un.

San Lucas 1:30

Ha yu'un hich halbot yu'un te ch'ul a'bat: Ma xiwat, María, bayel yutsil yo'tan awu'un te Diose.

San Lucas 2:10

Pero halbotic yu'un te ch'ul a'bat: Ma xiwex, ya calbeyex awa'iyic bin yach'il c'ohem ta pasel te bayel yutsil-o'tanil yu'un, te ha yu'un spisil ants-winiquetic:

San Lucas 24:38

Pero halbotic yu'un te Jesús: ¿Bin yu'un yaquex ta xiwel, soc bin yu'un te wocol ya sch'uhun awo'tanic?

Hechos 27:24

hich la yalbon: Pablo, ma me xiwat; ya me xc'oht atehc'an aba ta stojol César; soc Dios la ya'bat spisil te mach'atic sjoquinejat ta barco, xchi.

Apocalipsis 1:17

Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,