Daniel 10:1 - Bible in Tzeltal Bachajón

¹ Ta yoxebal ha'bil yochel ta ajwalil yu'un Persia a te Ciro, ay bin a'bot sna' te Daniel, te Beltsasar yan sbihile. Melel te bin la yal soc ha sc'oblal muc'ul guerra, pero te Daniel la sna'be scuentahil te c'op soc la sna' bin la yal te nahalsitile.

Bible in Tzeltal de Oxchuc y Tenejapa

¹ Ta yoxebal ja'wil yat'el ta muc' ajwalil yu'un Persia te Ciroe, te Daniel, te Beltsasar yan sbiile, ay bila ac'bot yil ta mero melel, pero chujc'ul ta na'beyel swentail. Te Daniel la yac' yo'tan ta sna'el, jich ju' yu'un sna'beyel swentail te bila ac'bot yile.

Daniel 10:1 ပူးပေါင်းရင်းမြစ်များ

Génesis 41:32

Te bin ut'il cheb buelta la ya'iy wayich te faraón, ha ya yal te Dios me ya yac' c'ohtuc ta pasel, soc nopol ya xc'ohtix ta pasel yu'un.

2 Crónicas 36:22

Ta shahchibal ha'bil yochel ta ajwalil te Ciro ajwalil yu'un Persia, scuenta yu'un ya xc'oht ta pasel te sc'op Jehová te la yal ta scuenta te Jeremías, te Jehová la stijbe yo'tan te Ciro ajwalil yu'un te persiahetic te hich ya yal soc hich ya sts'ihbay ta carta ta stojol spisil ban c'alal smacoj ta ajwalil:

Esdras 3:7

La ya'beyic taq'uin te albañiletic soc te carpinterohetic, soc la ya'beyic we'el-uch'elil soc aceite te mach'atic yu'un Sidón soc Tiro scuenta yu'un ya yich'ic tal cedrohetic ta mar c'alal Líbano c'alal ta Jope, hich te bin ut'il la yal ta mandar te Ciro ajwalil yu'un Persia.

Esdras 4:3

Pero te Zorobabel, te Jesúa soc te yantic jtsobawetic yu'un jujuchahp sna sme'static ta Israel hich la yalic: Ma spas te ya joquin jbahtic ta spasel te sna te Dios cu'uncotic. Ta jtuquelcotic ya jpascotic te sna Jehová te Dios yu'un Israel, hich te bin ut'il la spasotcotic ta mandar te Ciro ajwalil yu'un Persia, xchihic.

Esdras 4:5

La stojic j'ac'-o'taniletic ta scontrahinel te manchuc ya spasic te bin ay ta yo'tanic spasel, te jayeb tiempo ay ta ajwalil ta Persia te Ciro ha to te c'alal ay ta ajwalil ta Persia te Darío.

Esdras 6:14

Hich te mamaletic yu'un te judiohetic la spasic te a'tel soc lec c'ohtic, hich te bin ut'il halbotic yu'un te jalwanejetic Hageo soc Zacarías snich'an Ido. Hu' yu'unic scha'pasel te Templo ta scuenta smandar te Dios yu'un Israel, soc ta scuenta smandar te Ciro, te Darío soc te Artajerjes, ajwaliletic yu'un Persia.

Esdras 6:3

Ta shahchibal ha'bil ya'tel ta ajwalil te Ciro, ha nix te ajwalil Ciro la yal ta mandar sc'oblal te sna Dios te ay ta Jerusalén te ac'a yich' cha'pasel te Na te banti ya yich' a'beyel milbil mahtaniletic, soc ac'a yich' pasel te yich'o-ip; ha oxwinic (60) xuhc'ubil stoyolil soc oxwinic xuhc'ubil sjamalil;

Isaías 44:28

Ho'on me te ya calbe sc'oblal te Ciro: Ha jcanan-tuminchij cu'un, ya spas spisil te bintic ya sc'an co'tan, hich ya yalbe te Jerusalén: Ya me awich' xan pasel, xchi, soc hich ya yalbe te templo: Ya me yich' pasel awich'o-ip, xchi.

Daniel 1:17

Ta schanebalic te queremetic Dios la ya'be snopojibal soc te ya xhu' yu'unic sna'el spisil te hunetic soc bintic ay ta na'el. Te Daniel la sna' yalbeyel sc'oblal spisil ta chahp nahalsitil soc wayichiletic.

Daniel 1:21

Tey hil a te Daniel ha to c'alal ta shahchibal ha'bil ay ta ajwalil te Ciro.

Daniel 1:7

Jeltaybot sbihilic yu'un te jtsobaw yu'un te eunucohetic: te Daniel, ha Beltsasar sbihil c'oht; te Ananías, ha Sadrac sbihil c'oht; te Misael, ha Mesac sbihil c'oht; te Azarías, ha Abed-nego sbihil c'oht.

Daniel 10:14

Talemon yu'un ya ca'bat ana' bin ya xc'oht ta pasel ta stojol alumal ta patil bahel, como te nahalsitil ha sc'oblal te yorahil ta patil bahel, xchi.

Daniel 11:2

Yo'tic ya ca'bat ana' te bin smelelil. Ya to xchicnaj oxeb ajwaliletic ta Persia, te schanebal c'ax hich jc'ulej ya xc'oht a te bin ut'il spisil te yantique. Te c'alal ya sta yip ta scuenta sc'ulejal, ya shachbe yo'tan spisilic ta scontrahinel te nación Grecia.

Daniel 12:4

Pero ha'at, Daniel, maca te c'opetic, a'beya sello te libro ha to c'alal yorahil slajibal. Ay tsobolic te ya xtal xbahtic ta bayuc, soc ya xp'ohl te bintic ay ta na'el, xchi te Gabriel.

Daniel 12:9

Hich la sjac': Bahan, Daniel, como spisil te c'opetic ini macalix soc yich'ojic sello ha to c'alal yorahil slajibal.

Daniel 2:21

Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

Daniel 4:8

Ta slajibal tal ta jtojol te Daniel, te Beltsasar yan sbihil, te hich sbihil te dios cu'une, ay ta yo'tan te espíritu yu'un te ch'ul diosetic. La jcalbe ya'iy te jwayich, hich la jcal:

Daniel 5:12

como c'ax lec xan te espíritu yich'oj, bayel xan ya sna' bintic ay ta na'el, soc ya xhu' yu'un sna'beyel scuentahil wayichiletic, yalbeyel sc'oblal chuhcul c'opetic soc schahpanel te bintic wocol ta chahpanel; ha te Daniel, te a'bot yan sbihil Beltsasar yu'un te ajwalile. Ticona ta iq'uel tal te Daniel, ha ya ya'bat ana' te bin ya yal te bin ts'ihbabil, xchi.

Daniel 5:17

Hich te Daniel la sjac'be te ajwalil: Hilan soc te mahtaniletic awu'un, a'beya yantic. Ya quil te bin ts'ihbabil soc ya ca'bat ana' te sc'oblale.

Daniel 6:28

Te Daniel lec c'oht te c'alal ay ta ajwalil te Darío soc te c'alal ay ta ajwalil te Ciro te persa-winique.

Daniel 8:16

Soc la jca'iy sc'op winic ta ti' muc'ul-ha' Ulai te hich la yal ta aw: Gabriel, halbeya sc'oblal te nahalsit ini, xchi.

Daniel 8:26

Te nahalsitil yu'un te tibiltic soc te sahb te ac'ot ta ilel, mero smelelil. Pero macal me ya xhil awu'un te nahalsit, como ha sc'oblal bayel c'ahc'al ta patil, xchi.

San Lucas 1:20

Yo'tic uma' ya xhilat, ma xhu' ya xc'opojatix ha to c'alal ya xc'oht ta pasel bin la jcalbat, como ma ba la ach'uhumbon te jc'op te ya xc'oht ta pasel ta mero yorahil, xchi sc'oblal.

Apocalipsis 19:9

Soc hich la yalbon te ch'ul a'bat: Ts'ihbaya ini: Bayel me yutsilic te mach'atic ic'bilic ta we'el ta nuhpunel yu'un te Jcolel Tuminchij, xchi. Soc hich la yalbon xan: Ha smelelil c'op yu'un Dios ini, xchi.