Daniel 1:1 - Bible in Tzeltal Bachajón

¹ Ta yoxebal ha'bil yochel ta ajwalil a te Joacim ajwalil yu'un Judá, tal ta Jerusalén te Nabucodonosor ajwalil yu'un Babilonia, la sjoytay ta ya'beyel guerra.

Bible in Tzeltal de Oxchuc y Tenejapa

¹ Ta yoxebal ja'wil yochel ta muc' ajwalil a te Joacim, ja' te muc' ajwalil yu'un Judá, te Nabucodonosor te muc' ajwalil yu'un Babilonia, c'ot ta Jerusalén. C'alal c'ot la sjoyintayic soc soldadoetic te lume.

Daniel 1:1 ပူးပေါင်းရင်းမြစ်များ

2 Reyes 23:36

Te Joacim ay ho'eb scha'winic (25) ya'bilal a te och ta ajwalil; bulucheb (11) ha'bil ay ta ajwalil ta Jerusalén. Zebuda sbihil te snane, yantsil-nich'an Pedaías te talem ta Ruma.

2 Reyes 24:13

Te Nabucodonosor la sloq'ues spisil te c'ulejalil ta sna Jehová soc ta sna ajwalil, hich te bin ut'il la yal te Jehová, soc la swuyticlan spisil te biluquetic pasticlambil ta oro te ay ta sna Jehová te pasticlambil yu'un Salomón ajwalil yu'un Israel.

Isaías 39:7

Ay ats'umbal te ya x'ic'otic bahel, ya xpasotic ta eunuco-winic ta sna te ajwalil yu'un Babilonia, xchi.

Jeremías 25:1

Tal sc'op Jehová ta stojol Jeremías sc'oblal spisil te pueblo yu'un Judá ta schanebal ha'bil ay ta ajwalil yu'un Judá a te Joacim snich'an Josías, ha te shahchibal ha'bil ay ta ajwalil yu'un Babilonia a te Nabucodonosor.

Jeremías 35:1

Te sc'op Jehová te tal ta stojol Jeremías ta yorahil Joacim snich'an Josías, ajwalil yu'un Judá, hich la yal:

Jeremías 35:11

Pero c'alal la yochintay te q'uinal te Nabucodonosor ajwalil yu'un Babilonia, hich la jcalcotic: La'ic, ya jnac' jbahcotic ta Jerusalén ta stojol te soldadohetic yu'un te caldeohetic soc yu'un te siriahetic, xchihotcotic. Ha yu'un te nahinemotcotic ta Jerusalén, xchihic.

Jeremías 36:1

Ta schanebal ha'bil yochel ta ajwalil yu'un Judá a te Joacim snich'an Josías, tal te sc'op Jehová ta stojol Jeremías, hich la yal:

Jeremías 45:1

Hich ay te bin halbot yu'un Jeremías te Baruc snich'an Nerías c'alal la sts'ihbay ta balbil hun te bin la yal te Jeremías ta schanebal ha'bil yochel ta ajwalil a te Joacim snich'an Josías, ajwalil yu'un Judá, hich la yal:

Jeremías 50:1

Te sc'op Jehová te la yal ta scuenta te jalwanej Jeremías te la yalbe sc'oblal te Babilonia, te sq'uinal te caldeohetique:

Jeremías 52:12

Ta slajunebal c'ahc'al yu'un te yo'ebal u ta sbalunlajunebal (19) ha'bil yochel ta ajwalil a te Nabucodonosor ajwalil yu'un Babilonia, tal ta Jerusalén te Nabuzaradán, capitán yu'un te soldadohetic te ya scanantayic ajwalil, soc ha a'bat yu'un te ajwalil yu'un Babilonia.

Jeremías 52:28

Te jayeb te la yic' bahel te Nabucodonosor hich ay: ta shuquebal ha'bil, lajunwinic swaxacbahc' soc oxeb scha'winic (3,023) ta tuhl winiquetic yu'un Judá;

Daniel 5:13

Ha yu'un la yiq'uic tal ta stojol ajwalil te Daniel. Hich halbot yu'un te ajwalil: ¿Ha'at bal te Daniel te ic'otat loq'uel tal ta Judea yu'un te jtate?