Cantares 8:9 - Bible in Tzeltal Bachajón

⁹ Te ha'uc ts'ahc, ya jtehc'antic tey a toyol bahlal ts'ahquetic pasbilic ta plata; te ha'uc puerta, ya jmactic ta tabla yu'un cedro te hichuque.

Bible in Tzeltal de Oxchuc y Tenejapa

⁹ Te joyob ts'ajc'uque, ya jpasbeytic smajq'uilic ta sba ts'ajc' pasbil ta plata te jichuque; te ti'nailetique, ya jmactic ta lequil tabla yu'un cedro te jichuque.

Cantares 8:9 ပူးပေါင်းရင်းမြစ်များ

1 Reyes 6:15

La smacbe ta tabla yu'un cedro te spahc'ul ta yutil, c'alal ta ye'tal c'alal ta smuhquil; soc la smac te piso ta tablahetic ta ciprés.

Cantares 1:11

Ya jpasbatcotic ch'ahlelaletic pasbilic ta oro, capalic ta plata.

Cantares 2:9

Te mach'a c'ux ta co'tan hich c'ohem te bin ut'il gacela-chij, o te bin ut'il jcolel tat chij. Ilawil, ay ta pat ts'ahc, yac ta yilel tal ta ventana, yac shu'sitaybel ta banti jamajtic.

Isaías 58:12

Te mach'atic ay awu'un ya me scha'pasic xan te namey jihnem ts'ahquetic, yac acha'hach xan te yich'o-ip te namey pasbile; soc ya ya'bat abihil: Jcha'pas ts'ahquetic, xchi, soc: Jcha'pas nahetic banti jimbilic, xchi ac'oblalic.

Isaías 60:17

Scuenta sjelol bronce ya quich'bat tal oro, scuenta sjelol hierro ya quich' tal plata; scuenta sjelol te' ya quich' tal bronce, scuenta sjelol ton ya quich' tal hierro. Ya cac' te ha jcuentahinwanej awu'un te lamal-o'tanil, soc ha jtojobteswanej awu'un te bin stojil ta pasele.

Isaías 61:4

Ya scha'pasic te ts'ahquetic te namey jihnemic, ya scha'hachic xan te bintic nameyix la yich'ic jinele; ya scha'pasic te pueblohetic te jihnemic, ha te jinel yu'un bayel ta caj ts'umbalil.

San Mateo 16:18

Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

Hechos 14:27

C'alal c'ohtic tey a, la stsobic te iglesia, la yalbe ya'iyic te bintic muc' spasticlanej Dios ta scuentahic soc bin ut'il la sjambe yo'tanic te jyanlumetic te ya sch'uhunique.

Hechos 15:16

Ta patil ya xcha'talon xan, ya jcha'pas xan te nahilpac' yu'un David te jihnemixe; ya jchahpan xan te bintic jihnem yu'un, soc ya jcha'tehc'an xan,

Deuteronomio 22:8

Te c'alal yac apas yach'il ana, ya me awa'be sts'ahcul ta sjoyobal ta sba, scuenta yu'un teme ay mach'a ya xch'ay cohel tey a, ma ba yac ata mulil yu'un ch'ich' a ha'at soc te mach'atic awu'un ta ana.