Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Cantares 8:5 - Bible in Tzeltal Bachajón

5 ¿Mach'a te yac ta talel ta jochol taquin q'uinal, te pacal ta snehquel te mach'a c'ux ta yo'tan? Ta ye'tal ste'el manzana la jtijbat awayel; ta banti hahch sc'uxul swocol ta alajel te anane, ta banti hahch sc'uxul te mach'a la yayintesat.

အခန်းကိုကြည့်ပါ။ ကော်ပီ

Bible in Tzeltal de Oxchuc y Tenejapa

5 ¿Mach'a a te yac ta talel ya quil ta jochol taquin q'uinal, te pacal ta snejq'uel te mach'a bayal smulaneje? Ta ye'tal ste'el manzana la jtijbat awayel; tey ta banti jajch' xc'uxul swocol ta alajel te ame'e; tey ta banti la yayintesate.

အခန်းကိုကြည့်ပါ။ ကော်ပီ




Cantares 8:5
29 ပူးပေါင်းရင်းမြစ်များ  

Ha nax joquimbilic yu'un ch'ich'-baq'uet, yan te ho'otic sjoquinejotic te Jehová te Dios cu'untic te ya scoltayotic soc te ya yac' guerra ta jcuentatic, xchi. Hich la sta smuc'ul yo'tanic te pueblo yu'un te bin la yal te Ezequías ajwalil yu'un Judá.


Te jch'uhlel jun ayat soc; atsacojon ta awa'el-c'ab.


Te mach'atic ya sc'an ya smilonic, ya me xyahlic cohel ta sc'ubulil q'uinal.


Hich te bin ut'il ste'el manzana ta yohlil te te'etic, hich ay ta yohlil te queremetic te mach'a c'ux ta co'tan. Bayel ya jmulan te ya juhcan jba ta yaxinal, soc buen chi' ya ca'iy te site.


¡Loc'anic talel, ach'ixetic yu'un Sión! ilawilic te ajwalil Salomón soc te corona ta sjol te a'bot yu'un te snan te c'alal nuhpun, te bin ora tse'el yo'tan a.


Lajel to quihquitaybelic a, la jta te mach'a c'ux ta co'tan. La jtsac, ma ba la jcoltay ha to c'alal la jcotses ta sna jnan, ta stsalul sna te mach'a la yayinteson.


¿Mach'a a te yac ta talel ta jochol taquin q'uinal hich te bin ut'il xtomet ch'ahil, te yich'oj mirra soc sch'ahilel pom, soc spisil ta chahp perfumehetique?


Joquinawon cohel ta Líbano, jlecolat, joquinawon cohel ta Líbano. Ilawil c'alal ta sba te wits Amana, c'alal ta sba wits Senir soc Hermón; c'alal ta ch'entiquil yu'un chojetic, c'alal ta wits yu'un c'an bo'olay choj.


¿Mach'a a ini te hich yilel te bin ut'il te sacubel q'uinal, te t'ujbil hich te bin ut'il te u, te hich sts'anabul te bin ut'il te c'ahc'al, te hich smuc'ul yutsilal te bin ut'il soldadohetic ayic ta marcha?


¡Te ha'uc jbanquilat, te la achu'umbe schu' te jnane! C'alal ya jtahat ta calle ya cuhts'uyat, mayuc mach'a ya sp'ajon yu'un.


Ilawil, ha smuc'ulinej awo'tan te Egipto, te waq'uem nahbate'el; teme ay mach'a ya yich' yip a, ya xlowbot sc'ab yu'un. Hich ay te faraón te ajwalil yu'un Egipto ta stojol spisil mach'atic ha smuc'ulinej yo'tanic.


Ay mach'a yac ta aw: ¡Ta jochol taquin q'uinal chahpambeyahic be yu'un Jehová, ta jochol q'uinal tojobtesbeyahic muc'ul be yu'un te Dios cu'untique!


Ilawil, ay bin yach'il ya jpas, ora ya xloc' tal ta sacal q'uinal, ¿ma bal ana'ojic? Ya jam be ta jochol taquin q'uinal soc muc'ul-ha'etic ta jochol q'uinal.


Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.


La stsac sba soc jtuhl ch'ul a'bat, soc la stsal; oc' soc la sc'an te ya xna'bot yo'bolil sba yu'une. Dios la sta ta Bet-el, tey c'opoj soc a;


Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.


Ay jtuhl jnopojel yu'un, te c'ux ta yo'tan Jesús, metsel ta sts'ehl te Jesús.


Ha nix hichex, quermanotac, chamenex ta stojol te Ley ta scuenta te sbaq'uetal te Cristo, scuenta yu'un yan mach'a yu'un ya xc'ohex, ha te Mach'a cha'cuxaj tal ta yohlil mach'atic chamenic, scuenta yu'un ya sitinotic ta stojol Dios.


Cal-jnich'nabex, te yac ta c'axel xan jwocol yu'un yac calataybelex ha to c'alal ya xchicnaj te stalel Cristo ta awo'tanic,


Ha nix ta scuenta te yac ach'uhunic Dios, ha te mach'a la scha'cuxajtes ta yohlil mach'atic chamenic soc la ya'be yutsilal, ha scuentahil te awac'oj sch'uhunel awo'tanic soc smuc'ul awo'tanic ta stojol te Diose.


Te ants ahn bahel ta jochol taquin q'uinal ta banti chahpambil yawil yu'un Dios, yu'un tey ya yich' mac'linel oxbahc' soc oxwinic (1,260) c'ahc'al a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ