Cantares 7:4 - Bible in Tzeltal Bachajón

⁴ Te anuc' pajal soc bahlal ts'ahc pasbil ta marfil; te asit pajal soc te estanquehetic yu'un ha' ta Hesbón ta nopol te yochibal Bat-rabim; te ani' pajal soc bahlal ts'ahc yu'un Líbano te yiloj sba soc Damasco.

Bible in Tzeltal de Oxchuc y Tenejapa

⁴ Te anuc', pajal soc balal ts'ajc' ch'albil ta marfil. Te asite, pajal soc cheb estanque yu'un ja' te ay ta lum Hesbón, te ay ta sts'eel yochibal Bat-rabim. Te ani', pajal soc balal ts'ajc' yu'un Líbano te jich ay bael ta stojol lum Damasco.

Cantares 7:4 ပူးပေါင်းရင်းမြစ်များ

Génesis 15:2

La sjac' te Abram: Cajwal Jehová, ¿bin yac awa'bon te bin ut'il mayuc jnich'an? Te mach'a ya yich'bon te bintic ay cu'un, ha te Eliezer te talem ta Damasco, xchi.

2 Samuel 8:6

Te David la yac' soldadohetic te la scanantayic te arameohetic cuentahimbilic yu'un Damasco. Te arameohetic ha a'batetic c'ohtic yu'un David, soc la stoj spatanic ta stojol. Te Jehová la yac' ta tsalaw te David bayuc banti baht.

1 Reyes 10:18

Soc la spas jun muc'ul huctajibal ta marfil soc la spots ta lequil oro.

1 Reyes 10:22

Te ajwalil ay barcohetic yu'un Tarsis ta mar, soc te barcohetic yu'un Hiram. Oxoxeb to ha'bil ya xtal te barcohetic, ya yich'ic tal oro, plata, marfil, maxetic soc pavo real.

1 Reyes 22:39

Te bintic xan sc'oblal te Acab soc spisil te bintic la spas, ha te na te ch'albil ta marfil te la spas soc spisil te pueblohetic la spas, ts'ihbabil ta libro yu'un te ya'tel ajwaliletic ta Israel.

1 Reyes 7:2

Soc la spas te na Bosque yu'un Líbano sbihil, ha ho'winic (100) xuhc'ubil snahtil, lajuneb yoxwinic (50) sjamalil, soc lajuneb scha'winic (30) xuhc'ubil stoyolil. Yich'oj yip ta chanchohl oyetic yu'un cedro, cajajtic ta sba ts'amte'etic yu'un cedro tey a.

1 Reyes 9:19

soc spisil te pueblohetic te banti la sq'uej we'elil, soc te pueblohetic yu'un te carretahetic yu'un guerra soc te jmoheletic ta cawu, soc spisil bintic la sc'an la spas ta Jerusalén, ta Líbano soc ta spisil te q'uinal banti scuentahinej.

2 Crónicas 8:6

la scha'pas xan te Baalat soc spisil te pueblohetic yu'un sq'uejojibal we'eliletic te ayic yu'un Salomón; soc spisil te pueblohetic yu'un carretahetic soc yu'un jmoheletic ta cawu, soc spisil bintic la sc'an la spas ta Jerusalén, ta Líbano soc ta spisil te q'uinal te scuentahinej.

Salmos 144:12

Te jquerem-nich'nabtic ta squeremilic hich ac'a coluc te bin ut'il ts'umbil nichimetic; te cantsil-nich'nabtic hich ac'a c'ohtuc te bin ut'il ch'albil oyetic ta sna ajwalil;

Salmos 45:8

Spisil te ac'u' apac' yich'ojic mirra, áloe soc canela; c'alal ta nahetic yu'un ajwaliletic te ch'albilic ta marfil ya ya'bat tse'el awo'tan ta scuenta instrumentohetic yu'un música te ay scuerdahil.

Cantares 1:10

Buen t'ujbil te acho ta yohlil ach'ahlel, soc te anuc' ta yohlil te uhaliletic.

Cantares 4:1

¡Buen t'ujbilat, ha'at te c'uxat ta co'tan, mero t'ujbilat! Te asit te macbil yu'un smahquil, hich te bin ut'il stsuhmut. Te stsotsel ajol hich te bin ut'il jchahp tentsunetic te ya xco tal ta witsiltic yu'un Galaad.

Cantares 4:4

Te anuc' pajal soc te bahlal ts'ahc yu'un David te pasbil scuenta yawil a'tejibal yu'un guerra; johc'ambil lajunwinic yoxbahc' (1,000) mahquilaletic tey a, spisilic ha smahquil soldadohetic te ay yip yo'tanic.

Cantares 4:5

Te schebal achu' pajal soc wats yal ha'mal chij, pajal soc wats yal ha'mal chij te yac ta we'el ta yohlil lirio-nichimetic.

Cantares 6:5

¡Ma xawilonix, yu'un ya stsalon te asite! Te stsotsel ajol pajal soc jchahp tentsunetic te ya xco tal ta witsiltic yu'un Galaad.

Isaías 54:4

Ma me xiwat, ma ba ya xhilat ta q'uexlal; ma me xaxi' q'uexlaltesel, como ma ba yac awich' pehc'anel; ya me xch'ay ta awo'tan te q'uexlal yu'un aqueremil soc ma ba yac ana'ix te ihlayel yu'un te ame'ba'al.

Hebreos 5:14

Yan te mach'atic muq'uiquix ha ya xtuhun yu'unic te tulan we'elil, ha te mach'atic ta scuenta spasulanel la snopic stsahtayel te bintic lec soc te bintic ma lecuque.