Cantares 7:13 - Bible in Tzeltal Bachajón

¹³ Te mandrágorahetic ya spuquic bahel sumet yic', soc ta sti'il jnatic ay spisil ta chahp lequil sit te'etic, ay yach'il soc ay pajuben te jq'uejojbat, ha'at te c'uxat ta co'tane.

Bible in Tzeltal de Oxchuc y Tenejapa

¹³ Te mandrágoraetic ya spuc bael sbujts'. Ta sti'il jnatic, ay spisil ta jchajp sit te'etic te lequic ta lo'ele; ay taquinix soc ay jtulel to nax, te parte cac'ojix yu'un ja'at awu'un te buen mulanbilat cu'une.

Cantares 7:13 ပူးပေါင်းရင်းမြစ်များ

Génesis 30:14

Ta yorahil te ya yich' tsobel trigo, te Rubén la sta mandrágoras ta aquiltic, la yich'be tal te Lea te snane. Te Raquel la yalbe te Lea: Awocoluc, a'bon te mandrágoras te la sta te awale, xchi.

Cantares 2:3

Hich te bin ut'il ste'el manzana ta yohlil te te'etic, hich ay ta yohlil te queremetic te mach'a c'ux ta co'tan. Bayel ya jmulan te ya juhcan jba ta yaxinal, soc buen chi' ya ca'iy te site.

Cantares 4:13

ha sts'unubil granado te ay spuhl, te ay slequil sit, ha snich alheña-nichim soc nardo,

Cantares 4:16

¡Hahchan, ic' ta stojol norte! ¡La', ic' ta stojol sur! Hu'xiya te ts'umbil q'uinal cu'un, pucbeyahic bahel yic' te perfume yu'une. ¡Ac'a taluc ta ts'umbil q'uinal te mach'a c'ux ta co'tan, ac'a slo'be sit te bin chi'e!

Cantares 6:11

Cohon bahel ta ts'umbil nogal te'etic ta yilel te bintic puhlinem ta spamlej, ta yilel teme pulinemic te ts'usubiletic, teme nichinemiquix te granadahetique.

Cantares 8:1

¡Te ha'uc jbanquilat, te la achu'umbe schu' te jnane! C'alal ya jtahat ta calle ya cuhts'uyat, mayuc mach'a ya sp'ajon yu'un.

Isaías 23:18

Pero te stojol ya'tel ya x'ac'ot ta stojol Jehová. Ma ba ya yich' q'uejel, ma ba ya yich' tsobel, como te stojol ya'tel ha yu'un ya xc'oht te mach'atic ayic ta stojol Jehová, scuenta yu'un ya xnoj sch'uhtic soc ya slap t'ujbil sc'u' spaq'uic a.

San Mateo 13:52

Ha yu'un spisil escribano te snopbeyej sc'oblal te cuentahinel yu'un te ch'ulchan hich c'ohem te bin ut'il jtuhl yajwal na te ya stsa loq'uel tal ta yawil te bin yach'il soc te bin poco'ix, xchi te Jesús.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Juan 15:8

Ha ya x'ich'ot ta muc' Jtat yu'un teme bayel ya sitinex, hich ya xchicnaj a te ha jnopojelex cu'un.

1 Corintios 16:2

Ta jujun sba c'ahc'alil semana, ta tuhlutuhl parte me xawaq'uic jtebuc, ha chican jayeb la atahic, q'uejahic, scuenta yu'un ma ha'uc to yac atsobic a te c'alal ya xtalone.

1 Corintios 2:9

Hich te bin ut'il ts'ihbabil: Mayuc sitil yiloj, mayuc chiquinil ya'iyej, mayuc mach'a sna'oj ta yo'tan te bintic chahpambil yu'un Dios te ya ya'be te mach'atic c'ux ta yo'tanic te Diose, xchi.

Efesios 5:9

(como te sit ya yac' te Espíritu, ha te lec-o'tanil, spasel bin toj, soc smelelil c'op)

Filipenses 1:11

te nojelex ta sit yu'un te bintic stojil ta pasel te ya xtal ta scuenta Jesucristo, scuenta yutsilal soc yalbeyel yutsil sc'oblal te Diose.

Colosenses 3:17

Spisil te bintic yac apasic, teme ta ac'opic o te bin yac apasic, pasahic spisil ta scuenta sbihil te Cajwaltic Jesús, soc halbeyahic wocol te Jtatic Dios ta scuenta.

1 Pedro 4:11

Teme ay mach'a ya xc'opoj, hich ac'a c'opojuc te bin ut'il mach'a yac ta yalel te bintic yaloj te Diose; teme ay mach'a ya yac' sba ta a'batinel, ac'a me spas ta scuenta te yip te ya x'a'bot yu'un Dios, scuenta yu'un ta spisil ya xhalot yutsilal Dios ta scuenta te Jesucristo, te ha yu'un te utsilal soc te yu'el scuenta sbahtel q'uinal. Hichuc.