Cantares 6:9 - Bible in Tzeltal Bachajón

⁹ pero te stsuhmut cu'un stuquel ay soc c'ax lec, ha nax stuquel te yantsil-al te snan, te tsahbil yu'un te mach'a alatayot yu'un. C'alal ilot yu'un te ach'ixetic, halbot yutsil sc'oblal yu'unic; te ajwalil-antsetic soc te yantic antsetic halbot yutsil sc'oblal yu'unic.

Bible in Tzeltal de Oxchuc y Tenejapa

⁹ pero te ch'in ach'ix stsumut cu'un, jun nax stuquel; ma'yuc yan ach'ix mero bayal sc'oplal yu'un sme' te alatayot yu'une. C'alal ilot yu'un te ach'ixetique, albot yutsil sc'oplal yu'unic; te antsil-ajwaliletic soc te yantic antsetic albot yutsil sc'oplal yu'unic.

Cantares 6:9 ပူးပေါင်းရင်းမြစ်များ

Génesis 30:13

La yal te Lea: C'ax bayel yutsil q'uinal ya ca'iy; como te antsetic ya me yalic te bayel cutsilal, xchi. Ha yu'un la ya'be sbihilin Aser.

1 Reyes 11:3

Ay ho'lajunwinic scha'bahc' (700) ta tuhl te la yihnamin, te ha yantsil-nich'anic ajwaliletic, soc ho'lajunwinic (300) ta tuhl yantic antsetic yu'un. Te antsetic yu'un la showiytesbeyic yo'tan te Salomón.

Salmos 126:2

Bayel tse'ejinotic yu'un, soc te quetic noj ta c'ayojetic yu'un yalbeyel yutsil sc'oblal. Hich la yich' halel ta yohlil te nacionetic: ¡Te Jehová mero muc' bintic spasoj ta stojolic! xchihic.

Salmos 45:9

Ay yantsil-nich'nab ajwaliletic ta yohlil te antsetic te ich'bilic ta cuenta awu'un; ay ta awa'el te ajwalil-ants ch'albil ta oro yu'un Ofir.

Cantares 2:14

Tsumut cu'un te ayat ta banti sc'ub tonetic, ta nac'ombahiletic ta witsiltic, a'bon quilbat asit awelaw, a'bon ca'iybat ac'op; como t'ujbil te ac'ope soc t'ujbil te asit awelaw, xchi.

Cantares 5:2

Wayon, pero ma ba way stuquel te co'tane. La jca'iy yac ta ic'aw ta puerta te mach'a c'ux ta co'tan: Jama, quihts'inat, jlecolat, stsuhmutat cu'un, te lecat cu'un. Ahch'em jol ta ts'ujul, te stsotsel jol ahch'em ta sts'ujulel ahc'abal, xchi.

Números 23:9

C'alal ta sba tontiquil ya quil, c'alal ta tsehltsehltic ya xchicnaj cu'un: ha jun pueblo te parte nahinem, te ma ba jun ayic soc te yantic nacionetique.

Gálatas 4:26

Yan te Jerusalén ta toyol, libre ay stuquel, ha jnantic te ho'otique,

Deuteronomio 33:29

¡Bayel me awutsil, ha'at Israel! ¿Mach'a pajalat soc, ha'at pueblohat te coltaybilat yu'un Jehová? Te Dios ha amahquil te ya xcoltaywan, ha espada te yac awa'iy tsalaw yu'un. Hich peq'uel ya xc'oht te acontratac, ha'at yac atec'be te toyol q'uinal yu'unic, xchi te Moisés.

2 Tesalonicenses 1:10

c'alal ya sta sc'ahc'alel te ya xtal yu'un ya xhalbot yutsil sc'oblal ta scuenta te mach'atic yu'un te ch'uhltesbilic soc ya x'ich'ot ta muc' yu'un spisil te mach'atic sch'uhunejic. Te ha'ex la ach'uhunic te bin la jcalcotic ta testigo c'op ta awohlilique.