Cantares 5:9 - Bible in Tzeltal Bachajón

⁹ ¿Bin ut'il ay a te c'ax hich lec a te mach'a c'ux ta awo'tan te bin ut'il yan, ha'at te c'ax t'ujbil antsat yu'un spisil antsetic? ¿Bin ut'il ay a te c'ax hich lec a te mach'a c'ux ta awo'tan te bin ut'il yan, te hich yac awac' calcotic ta jamal?

Bible in Tzeltal de Oxchuc y Tenejapa

⁹ ¿Bi swentail awu'un te ma pajaluc soc yantic te mach'a mero bayal mulanbil awu'une, ja'at te c'axem at'ujbilale? ¿Bi swentail awu'un te mach'a bayal mulanbil awu'un te ya ac'an te ay bila ya caltic ta jamal ta atojol yu'une?

Cantares 5:9 ပူးပေါင်းရင်းမြစ်များ

Salmos 45:13

C'ax t'ujbil te yantsil-nich'an ajwalil te ay ta sna, capal ta jalel soc oro te sc'u'e.

Salmos 87:3

¡Buen t'ujbil yutsil te bintic halbil ac'oblal, ha'at pueblohat yu'un Dios! Selah

Cantares 1:8

Teme ma ba yac ana', ha'at te c'ax t'ujbilat ta yohlil yantic antsetic, t'una bahel te yoc ta schahpal te chambahlametic, ac'a ta we'el te tut tentsunetic awu'un ta sts'ehl te nahilpaq'uetic yu'un te jcanan-tuminchijetique.

Cantares 2:7

¡Ach'ixetic yu'un Jerusalén, tulan ya calbeyex, ta scuenta te gacela-chijetic soc te chijetic ta ha'mal, ma me xatijbeyic swayel te c'uxul-o'tanil ha to c'alal ya sc'an stuquel!

Cantares 6:1

Ha'at te c'ax t'ujbil antsat ta yohlil te antsetic, ¿banti bahem te mach'a c'ux ta awo'tan? ¿Banti baht te mach'a c'ux ta awo'tan yu'un ya joquinatcotic ta slehel?

Isaías 53:2

Te ya'bat ha uhnen spuhl te hich ya xmuc'ub bahel ta stojol te bin ut'il slohp' ta taquin q'uinal. Mayuc st'ujbilal o yutsilal yu'un ya jmulantic yilel, mayuc bin mulantic sba ta ilel cu'untic.

San Mateo 21:10

C'alal och bahel ta Jerusalén te Jesús, xjuyetic hahchel ta c'op yu'un spisil te pueblo, hich la yalic: ¿Mach'a a ini? xchihic yu'un.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.