Cantares 5:6 - Bible in Tzeltal Bachajón

⁶ La jambe te puerta te mach'a c'ux ta co'tan, pero loq'uemix bahel a te mach'a c'ux ta co'tane; c'alal c'opoj, la yic'bon co'tan. La jle, pero ma ba la jta; la jcawtay, pero ma ba la sjac'bon jc'op.

Cantares 5:6 ပူးပေါင်းရင်းမြစ်များ

Génesis 42:28

Hich la yalbe te yermanotac: La suhtbon tal te jtaq'uine, la jta li' ta yutil te jcostal, xchi. Toj ch'ayel yo'tanic yu'un, soc xiwel talel c'axel la yalbe sbahic: ¿Bin a te la spasbotic te Diose? xchihic.

2 Samuel 16:10

Pero la sjac' te ajwalil: ¿Bin cochelex a te ha'ex, yalatac Sarvia? Teme hich yac ta bohlc'optaywanej, yu'un hich halbot yu'un Jehová te ya sbohlc'optay te David. ¿Mach'a ya xhu' ya yalbe: Bin yu'un te hich yac apas? xchi.

Salmos 28:1

Ya cawtayat, Jehová. ¡Muc'ul tonat cu'un, ma me xamac achiquin ta jtojol; yu'un teme mayuc bin yac apas, pajal ya xc'ohon soc te mach'atic ya xcohic bahel ta muquenal!

Salmos 30:7

Ha'at Jehová, te c'alal lec awo'tan ta jtojol la awa'bon quip hich te bin ut'il tulan wits; te c'alal la anac' asit awelaw, ma ba la jna' bin ya jpas.

Salmos 69:3

Luhbenonix ta sc'anel coltayel; mahquemix coq'uib yu'un. Luhbix jsit ta smahliyel te Dios cu'une.

Salmos 77:3

La jna' te Diose, oc'on yu'un; la jna'ulan ta co'tan, pehc'aj co'tan yu'un. Selah

Salmos 80:4

Jehová, Diosat te acuentahinej spisil, ¿jayeb xan ora te yac awilintay te bin ya yalbat te pueblo awu'une?

Proverbios 1:28

Ta hich ora ya sc'opononic, pero ma ba ya jac'be; ya me slehonic, pero ma ba ya stahonic;

Cantares 5:2

Wayon, pero ma ba way stuquel te co'tane. La jca'iy yac ta ic'aw ta puerta te mach'a c'ux ta co'tan: Jama, quihts'inat, jlecolat, stsuhmutat cu'un, te lecat cu'un. Ahch'em jol ta ts'ujul, te stsotsel jol ahch'em ta sts'ujulel ahc'abal, xchi.

Cantares 5:4

Te mach'a c'ux ta co'tan la yotses sc'ab ta ban jamal te puerta, la snihc sba co'tan yu'un.

Cantares 6:1

Ha'at te c'ax t'ujbil antsat ta yohlil te antsetic, ¿banti bahem te mach'a c'ux ta awo'tan? ¿Banti baht te mach'a c'ux ta awo'tan yu'un ya joquinatcotic ta slehel?

Isaías 12:1

Ta hich ora hich me yac awal: Ya jc'ayojtayat, Jehová; aunque ilinat ta jtojol, lahmaj te awilimba, soc la amuc'ubtesbon q'uinal ca'iy.

Isaías 50:2

¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

Isaías 57:16

Como ma spisiluc ora ya jtij ta c'op, ma spisiluc ora ya x'ilinon, yu'un ya xlaj yip yo'tanic ta jtojol te hichuque, te sch'uhlelic te jpasoje.

Isaías 58:2

Jujun c'ahc'al ya slehonic, yo'tanuc yilel te ya sna'be sba te behetic cu'un, hich c'ohemic te bin ut'il jun pueblo te ya spas te bin stojil ta pasel soc te ma ba hilem yu'unic te ley yu'un te Dios yu'unique. Ya sc'ambonic stojil chahpanel, soc ya sc'anic yilel te ya xnohpojic ta stojol Dios.

Isaías 8:17

Ya jmahliy te Jehová te la snac' sit yelaw ta stojol te sna Jacob; ha ya smuc'ulin co'tan stuquel.

Lamentaciones 3:8

Aunque ya x'awonon ta sc'anel coltayel, ma ba ya ya'iybon te jc'ope.

Oseas 5:15

Ya suhton bahel ta banti cawil, ha to c'alal ya sna'ic te smulic soc ya slehbonic jsit quelaw. ¡Te c'alal ay swocolic a ya me slehonic! xchi.

Oseas 5:6

Ya xbahtic soc te tuminchijetic soc wacaxetic yu'unic ta slehel te Jehová, pero ma ba ya stahic, ¡como ihquitayotic yu'un!

Zacarías 7:13

Hich la yal: Hich te bin ut'il c'alal la jcawtay, ma ba la ya'iyic, ha nix hich c'alal la yawtayon ma ba la jca'iy, xchi te Jehová te scuentahinej spisil,

San Mateo 26:75

Ha yu'un te Pedro hul ta yo'tan te bin la yal te Jesús: Ma to x'oc' tat mut a te yac amucon ta awo'tan oxeb buelta, te xchihe. Hich loc' bahel soc bayel la yoq'uetay sba yu'un.

San Marcos 14:72

Cha'oc' te tat mut. Tey la sna' a te Pedro te bin halbot yu'un te Jesús: C'alal ma to x'oc' cheb buelta a te tat mut, oxeb buelta yac amucon ta awo'tan, te xchi sc'oblale. Hich hahch ta oq'uel.

Apocalipsis 3:19

Ya jtsits soc ya ca'be castigo scuenta tojobtesel spisil mach'atic c'ux ta co'tan; ha yu'un pasa tulan, suhtesa awo'tan.

1 Samuel 28:6

Te Saúl la sjoc'obe te Jehová, pero te Jehová ma ba la sjac' ta scuenta swayich o ta Urim o jalwanejetic.