Cantares 5:2 - Bible in Tzeltal Bachajón

² Wayon, pero ma ba way stuquel te co'tane. La jca'iy yac ta ic'aw ta puerta te mach'a c'ux ta co'tan: Jama, quihts'inat, jlecolat, stsuhmutat cu'un, te lecat cu'un. Ahch'em jol ta ts'ujul, te stsotsel jol ahch'em ta sts'ujulel ahc'abal, xchi.

Bible in Tzeltal de Oxchuc y Tenejapa

² Wayon, pero ma ba way stuquel te co'tane. La caiy yac ta ic'aw ta ti'nail te mach'a bayal mulanbil cu'une: “Jama te ti'nail, ja'at te bayal ya jmulanate; jch'ielat, mero ach'ix stsumutat cu'un. Te jole ach'em ta ts'ujul. Te ts'ujul ta ajc'ubale, yac ta oc ta stsotsil jol”, xi' la caiy.

Cantares 5:2 ပူးပေါင်းရင်းမြစ်များ

Génesis 29:20

Ha yu'un te Jacob huqueb ha'bil la yac' sba ta a'batinel ta scuenta Raquel. Cheb oxeb nax c'ahc'al c'oht la ya'iy ta scaj te c'ux ta yo'tan.

Salmos 119:1

Bayel me yutsil te mach'atic toj ya xbehenic, te st'unojic te ley yu'un Jehová.

Salmos 81:10

Ho'on Jehovahon, te Dioson awu'un, te la jloq'uesat tal ta sq'uinal Egipto. Jama awe, ya jnojesbat.

Proverbios 23:26

Jnich'an, a'bon awo'tan, ilbon te behetic cu'une.

Cantares 1:16

¡Mero t'ujbilat! ha'at te c'uxultaybilat cu'un, ¡mero lecat! Ha nichimetic te jwayibtique;

Cantares 2:10

Te mach'a c'ux ta co'tan hich la yalbon: Hahchan, ha'at te c'uxultaybilat cu'un, te t'ujbilat cu'un, conic;

Cantares 2:14

Tsumut cu'un te ayat ta banti sc'ub tonetic, ta nac'ombahiletic ta witsiltic, a'bon quilbat asit awelaw, a'bon ca'iybat ac'op; como t'ujbil te ac'ope soc t'ujbil te asit awelaw, xchi.

Cantares 2:8

¡Ha sc'op te mach'a c'ux ta co'tan! ¡Ilawil, yac ta talel, yac ta wihlel tal ta baba witsiltic, yac ta wihlel tal ta sba tsehletic!

Cantares 3:1

Ta ahc'abal la jle ta jwayib te mach'a c'ux ta co'tan; la jle, pero ma ba la jta.

Cantares 4:7

¡C'ax t'ujbilat, ha'at te c'uxultaybilat cu'un! mayuc banti jihnem awu'un.

Cantares 4:9

La awu'untaybon te co'tan, ha'at quihts'inat, jlecolat; la awu'untaybon co'tan te junax buelta la awilon, ta jlihc nax awu ta anuc'.

Cantares 5:11

puro oro yilel te sjole; morotic te stsotsel sjol soc buen ihc' hich te bin ut'il joj-mut.

Cantares 5:6

La jambe te puerta te mach'a c'ux ta co'tan, pero loq'uemix bahel a te mach'a c'ux ta co'tane; c'alal c'opoj, la yic'bon co'tan. La jle, pero ma ba la jta; la jcawtay, pero ma ba la sjac'bon jc'op.

Cantares 6:9

pero te stsuhmut cu'un stuquel ay soc c'ax lec, ha nax stuquel te yantsil-al te snan, te tsahbil yu'un te mach'a alatayot yu'un. C'alal ilot yu'un te ach'ixetic, halbot yutsil sc'oblal yu'unic; te ajwalil-antsetic soc te yantic antsetic halbot yutsil sc'oblal yu'unic.

Cantares 7:9

te apa'jaj pajaluc soc lequil vino te ya xc'oht ta stojol te mach'a c'ux ta co'tan soc c'un ya xmahl bahel ta sti'il ye te mamaletique.

Cantares 8:7

Bayel ha'etic ma xhu' ya stup' te sc'uxul-o'tanil, ma xhu' ya xmulot yu'un muc'ul-ha'etic. Te ayuc mach'a ya yac' spisil bintic ay ta sna scuenta stahel te sc'uxul-o'tanil, ya xp'ajot yu'un te hichuque.

Isaías 50:6

La jca'be smajbonic jpat te mach'atic ya xmajawanic, soc la jca'be jcho te mach'atic la sbulbonic te quisime; ma ba la jnac' jsit quelaw ta stojol labanel soc stuhbatayel.

Isaías 52:14

Hich te bin ut'il tsobol xiw yo'tanic yu'un te la yilique, (yu'un c'ax hich yanij te sit yelaw te ma hichuc yilel te bin ut'il sit yelaw winic),

Daniel 8:18

C'alal yac sc'opombelon a, c'ub jwayel yu'un, pacalon ta lum. Ha la spicon, la yac' tehc'ajucon.

Zacarías 4:1

Cha'tal te ch'ul a'bat te yac sc'opombelon, la stijon hahchel hich te bin ut'il ya yich' tijel hahchel te mach'a wayele.

San Mateo 7:8

Como spisil te mach'atic ya sc'anic, ya me x'a'botic; te mach'a ya sle, ya me sta ta lehel; te mach'a ya stij puerta, ya me xjambot.

San Mateo 8:17

Hich c'oht ta pasel te bin yaloj te jalwanej Isaías: Ha la yich'botic te chamel cu'untic soc la scuchbotic te bin c'ux ya ca'iytic, te xchihe.

San Marcos 1:35

Hahch ta buen sab, ihc' to a te q'uinal, loc' bahel te Jesús ta banti jochol te q'uinale, tey baht sc'opon Dios a.

San Lucas 22:44

Te bin ut'il bayel yac ta wocol, la yac' xan fuersa ta sc'oponel Dios, sjel ta ch'ich' xt'uhlajan cohel schic' ta lum.

San Lucas 6:12

Ta hich ora baht ta wits ta sc'oponel Dios te Jesús, sjunal ahc'abal la sc'opon Dios tey a.

San Lucas 9:32

Ay swayelic te Pedro soc te mach'atic sjoquinej, pero te c'alal wihc' sitic ta lec, la yilbeyic yutsilal te Jesús soc te cheb winiquetic te sjoc sba soque.

San Juan 10:4

Te c'alal ya sloq'ues spisil te tuminchijetic yu'un, ha ya xnahilij bahel; soc ya xt'unot bahel yu'un te tuminchijetic como ya sna'beyic sc'op.

Gálatas 2:20

Pajal lajon ta cruz soc Cristo, hich ma ba cuxulonix te ho'one, ha cuxulix Cristo ta co'tan; soc te jcuxlejal ta ora ini ta scuenta ch'ich'-baq'uet, ha ya xcuxajon ta scuenta sch'uhunel co'tan ta stojol te Snich'an Dios, te c'uxon ta yo'tan soc te la yac' sba ta jcuenta.

Efesios 5:14

Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

Apocalipsis 3:20

Ilawil, teq'uelon ta ti'nahil, yacon ta c'op; teme ay mach'a ya ya'iybon jc'op soc ya sjambon te ti'nahil, ya x'ochon, ya joquin ta we'el soc ya sjoquinon ta we'el.

Apocalipsis 3:4

Pero ay cha'oxtuhlic ta Sardis te ma ba ya'beyej yatin abac sc'u' spaq'uic, slapojic sac sc'u' spaq'uic a ya me sjoquinonic ta behel, como hich ya sc'an ta stojolic.