Cantares 5:1 - Bible in Tzeltal Bachajón

¹ Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Bible in Tzeltal de Oxchuc y Tenejapa

¹ Ochonix tel ta nichimaltic cu'un, ja'at jch'ielat, te quinamate. La quich'ix te mirra cu'un soc te perfumeetic cu'une, la jpasix prueba te chab cu'une, la cuch'ix te vino soc te leche cu'une. Ja'ex te jun co'tantique, we'anic soc uch'aic, uch'aic spisil te bi ya ac'anique.

Cantares 5:1 ပူးပေါင်းရင်းမြစ်များ

Génesis 37:25

Patil la shuhcan sbahic ta we'el. La yilic yacalic ta talel ismaeletic hahchemic tal ta Galaad, te scamellohic scuchojic bin sumet yic', bálsamo-te', soc mirra, te yac yich'belic bahel ta Egipto.

Salmos 147:11

te Jehová ya smulan te mach'atic ya x'ich'ot ta muc' yu'unic, te mach'atic smuc'ulinej yo'tanic te sc'uxul yo'tane.

Salmos 16:3

Te mach'atic ch'uhltesbilic te ayic ta q'uinal, te mach'atic ay yutsil yo'tanic ha te ya smulan te co'tane.

Proverbios 24:13

Jnich'an, lo'an te chab como lec; te schabul te chab buhts'an yac awa'iy.

Proverbios 9:5

La'ic, we'anic te pan cu'un soc uch'anic te vino chapal cu'une.

Eclesiastés 2:5

La jpasticlan yawil awal-ts'unubiletic soc nichimetic, soc la jts'unticlan bayel ta chahp te'etic tey a te ya yac' sit.

Cantares 1:13

Te mach'a c'ux ta co'tan hich c'ohem cu'un te bin ut'il jtohm mirra te jipil ta yohlil schebal jchu'.

Cantares 4:16

¡Hahchan, ic' ta stojol norte! ¡La', ic' ta stojol sur! Hu'xiya te ts'umbil q'uinal cu'un, pucbeyahic bahel yic' te perfume yu'une. ¡Ac'a taluc ta ts'umbil q'uinal te mach'a c'ux ta co'tan, ac'a slo'be sit te bin chi'e!

Cantares 4:8

Joquinawon cohel ta Líbano, jlecolat, joquinawon cohel ta Líbano. Ilawil c'alal ta sba te wits Amana, c'alal ta sba wits Senir soc Hermón; c'alal ta ch'entiquil yu'un chojetic, c'alal ta wits yu'un c'an bo'olay choj.

Cantares 6:11

Cohon bahel ta ts'umbil nogal te'etic ta yilel te bintic puhlinem ta spamlej, ta yilel teme pulinemic te ts'usubiletic, teme nichinemiquix te granadahetique.

Cantares 6:2

Te mach'a c'ux ta co'tan cohem bahel ta ts'umbil q'uinal yu'un, ta chohlochohl te bintic sumet yic', baht ta yaq'uel ta we'el ta ts'umbil q'uinal te tuminchijetic yu'un soc ta stsobel lirio-nichimetic.

Cantares 8:1

¡Te ha'uc jbanquilat, te la achu'umbe schu' te jnane! C'alal ya jtahat ta calle ya cuhts'uyat, mayuc mach'a ya sp'ajon yu'un.

Cantares 8:13

Ha'at, te ya xnahinat ta ts'umbil q'uinal, te mach'atic sjoquinejonic yac smahliybel ya'iyic te ac'ope. ¡Halbon ca'iy!

Isaías 23:18

Pero te stojol ya'tel ya x'ac'ot ta stojol Jehová. Ma ba ya yich' q'uejel, ma ba ya yich' tsobel, como te stojol ya'tel ha yu'un ya xc'oht te mach'atic ayic ta stojol Jehová, scuenta yu'un ya xnoj sch'uhtic soc ya slap t'ujbil sc'u' spaq'uic a.

Isaías 5:1

Ya jc'ayojtaybe c'ayoj te mach'a c'ux ta co'tan, ha c'ayoj sc'oblal te sts'usubile: Te mach'a c'ux ta co'tan ay ts'usubil yu'un ta lequil q'uinal ta ch'uht wits.

Isaías 51:3

Te Jehová ya me smuc'ubtesbe q'uinal ya'iy te Sión, ya smuc'ubtesbe q'uinal ya'iy spisil te bintic jihnem yu'un. Ya me yac' te hich ya xc'oht te bin ut'il Edén te jochol taquin q'uinal yu'un, te hich ya xc'oht te bin ut'il t'ujbil ts'umbil q'uinal yu'un Jehová te jochol q'uinal yu'un. Tey ay yutsil q'uinal a soc tse'el-o'tanil, yalel wocol soc c'ayoj.

Isaías 53:11

Ya me yil te bin ya xloc' yu'un a te swocol te sch'uhlel, lec me ya ya'iy yu'un; te ca'bat te toj yo'tan ya me yac' te toj ya xc'oht tsobolic ta scuenta te bintic sna'oj, soc ya me scuchbe te smulique.

Isaías 58:11

Te Jehová ya stojobtesat bahel spisil ora, ta taquin q'uinal ya ya'bat bin ya xtuhun awu'un, soc ya ya'be yip te abaquele. Hich ya xc'ohat te bin ut'il ts'umbil nichimetic te a'bibil ya'lel, hich te bin ut'il sloq'uib-ha' te jc'axel ma xtup'.

Isaías 61:11

Hich te bin ut'il te lumq'uinal ya yac' loc'uc spuhl, soc te ts'umbil q'uinal ya yac' ch'ihyuc te bin ts'umbile, ha nix hich te Cajwaltic Jehová ya yac' puhlinuc te bin stojil ta pasel soc te yutsil c'oblalil ta stojol spisil te nacionetique.

Isaías 65:13

Ha yu'un hich ya yal te Cajwaltic Jehová: Te a'batetic cu'un ya me xwe'ic, yan te ha'exe ay awocolic ta wi'nal; te a'batetic cu'un ya me x'uch'ic, yan te ha'exe ayex ta taquinti'il; te a'batetic cu'un tse'el yo'tanic, yan te ha'exe ya xhilex ta q'uexlal;

Isaías 66:14

Te c'alal yac awilic ini, tse'el awo'tanic yu'un, soc te abaq'uetalic hich ya x'ach'ub te bin ut'il te ha'male. Ya x'a'bot yilic te sc'ab Jehová te a'batetic yu'une, soc ya x'a'bot yilic te yilimba te scontrataque.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Lucas 12:4

Ya calbeyex, camigotac, ma me xaxi'ic te mach'a ya smilbeyex abaq'uetalic, te mayuc bin ya xhu' ya spasbeyix xan ta patil.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

Hechos 11:29

Ha yu'un te jnopojeletic la snopic te ya sticombeyic scoltayel te yermanotac te nahinemic ta Judea, ha chican jayeb ay yu'un jujutuhl;

Efesios 5:18

Ma me xyacubex yu'un vino, te ha ya xbohlobteswan; ha'uc me nojel ta awo'tanic te Ch'ul Espíritu.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

Jueces 14:11

Pero te filisteohetic, c'alal la yilic, la yiq'uic tal lajuneb scha'winic (30) ta tuhl winiquetic te ya sjoquin sbahic soc.

Jueces 14:20

Pero te yihnam Sansón ha a'bot yic' bahel te mach'a la sjoquin te Sansón ta q'uin.