Cantares 4:9 - Bible in Tzeltal Bachajón

⁹ La awu'untaybon te co'tan, ha'at quihts'inat, jlecolat; la awu'untaybon co'tan te junax buelta la awilon, ta jlihc nax awu ta anuc'.

Bible in Tzeltal de Oxchuc y Tenejapa

⁹ La awu'uninbon te co'tane, ja'at te jch'ielat toe, te quinamate; la awu'uninbon co'tan ta scaj nax te la awilon la quile, ta scaj nax jlijc' awual.

Cantares 4:9 ပူးပေါင်းရင်းမြစ်များ

Génesis 20:12

Soc melel nix a te ha quihts'in, como ha yantsil-nich'an te jtat pero ma ha'uc yal te jnane; ha la jquic' quihnamin.

Génesis 41:42

Ha yu'un la sloq'ues te sch'ocow ay ta sc'ab, la ya'be ta sc'ab te José, la ya'be slap t'ujbil c'u'ul pasbil ta lino, la ya'be yuhan t'ujbil uhalil pasbil ta oro;

Salmos 45:9

Ay yantsil-nich'nab ajwaliletic ta yohlil te antsetic te ich'bilic ta cuenta awu'un; ay ta awa'el te ajwalil-ants ch'albil ta oro yu'un Ofir.

Proverbios 1:9

como yutsil sch'ahlel ajol ya xc'oht soc uhalil ta anuc'.

Proverbios 6:25

Ma me xbic'taj awo'tan yu'un te st'ujbilal, ma me xawac' yu'untayat te site,

Cantares 1:10

Buen t'ujbil te acho ta yohlil ach'ahlel, soc te anuc' ta yohlil te uhaliletic.

Cantares 1:15

¡Mero t'ujbilat! ha'at te c'uxultaybilat cu'un, ¡c'ax t'ujbilat! Te asit pajal soc stsuhmutetic.

Cantares 3:11

¡Loc'anic talel, ach'ixetic yu'un Sión! ilawilic te ajwalil Salomón soc te corona ta sjol te a'bot yu'un te snan te c'alal nuhpun, te bin ora tse'el yo'tan a.

Cantares 4:10

¡C'ax t'ujbil te sc'uxul awo'tan, ha'at quihts'inat, jlecolat! c'ax hich t'ujbil a te sc'uxul awo'tan te bin ut'il vino, soc te perfume awu'un, c'ax hich sumet yic' a te bin ut'il spisil yantic te sumet yiq'ue.

Cantares 4:12

Macbil nichimaltic c'ohemat, quihts'inat, jlecolat; macbil sloq'uib-ha' c'ohemat, sloq'uib-ha' te yich'oj sello;

Cantares 6:12

Mayuc bin yac jna'bel a, te mach'a jc'anoj la yac'on ta carretahetic yu'un Aminidab.

Cantares 6:5

¡Ma xawilonix, yu'un ya stsalon te asite! Te stsotsel ajol pajal soc jchahp tentsunetic te ya xco tal ta witsiltic yu'un Galaad.

Cantares 7:10

Ho'on yu'unon te mach'a c'ux ta co'tan, ha sc'anojon.

Isaías 54:5

Como ha amamalal te Jpaswanej awu'un, ha Jehová te scuentahinej spisil te sbihile; te J'ac'aw ta libre awu'un, ha te Ch'ul Dios yu'un Israel, te Dios yu'un spisil te q'uinal, xchi te sbihile.

Isaías 62:5

Hich te bin ut'il jtuhl querem ya xnuhpun soc ach'ix, hich te aquerem-nich'nab ya me yic' yihnaminat; hich te bin ut'il ay yutsil yo'tan te querem ta stojol te slecol, hich ay yutsil yo'tan Dios ta atojol.

Ezequiel 16:11

La jch'alat ta ch'ahlelaletic, la jca'bat sch'ahlel snuc' ac'ab soc uhalil ta anuc'.

Ezequiel 16:8

Cha'c'axon xan ta banti ayat, la jquilat, yorahilix te ya xc'anotat. La jlim bahel ta atojol te sti'il te jmuc'ul-c'u', la jmucbat aq'uexlal. La jcal jba ta jamal ta atojol soc la jchap jc'op soc ha'at, hich la jcu'untayat, xchi te Jehová, te Ajwalil.

Daniel 5:7

Tulan awon te ajwalil te ya me yiq'uic tal te jpas-señahetic, caldeohetic soc te jna'ojeletique; te ajwalil hich la yalbe te p'ijil winiquetic yu'un Babilonia: Te mach'a ya yil te bin ts'ihbabil ini soc ya ya'bon jna' te bin sc'oblale, ya x'a'bot slap chi'in-yaxal c'u'ul, ya x'a'bot yuhan cadena pasbil ta oro, soc ha yoxebal ajwalil ya xc'oht ta ban c'alal jcuentahinej, xchi.

Sofonías 3:17

Te Jehová te Dios awu'un, ay ta awohlil; ¡ay yu'el, ya scoltayat! Bayel yutsil yo'tan ta atojol; ta scuenta sc'uxul yo'tan ya yach'ubtesbat acuxlejal, soc stse'elil yo'tan ya xc'ayojin ta atojol.

San Mateo 12:50

Como spisil te mach'atic ya spasbeyic te bin ya sc'an yo'tan te Jtat ay ta ch'ulchan, ha quihts'inab soc ha jnan stuquel, xchi.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

1 Corintios 9:5

¿Yu'un bal ma xpas te ya quic'cotic ta behel quihnamcotic te sch'uhunejic Cajwaltic, hich te bin ut'il ya spasic te yantic jpuc-c'opetic soc te yihts'inab te Cajwaltic soc te Cefas?

2 Corintios 11:2

como xut'et co'tan ya ca'iy ta atojolic ta scuenta Dios. Jtuhl nax mach'a la jcac' yiq'uex, ha te Cristo, scuenta yu'un ya caq'uex ta stojol hich te bin ut'il ach'ix te mayuc mulil ta scuenta.

Apocalipsis 21:2

La jquil te ch'ul pueblo, te yach'il Jerusalén, yac ta cohel tal ta ch'ulchan ta stojol Dios, chahpambil hich te bin ut'il ya sch'ahl sba jtuhl ach'ix ta stojol te mach'a ya xnuhpun soque.