Cantares 4:8 - Bible in Tzeltal Bachajón

⁸ Joquinawon cohel ta Líbano, jlecolat, joquinawon cohel ta Líbano. Ilawil c'alal ta sba te wits Amana, c'alal ta sba wits Senir soc Hermón; c'alal ta ch'entiquil yu'un chojetic, c'alal ta wits yu'un c'an bo'olay choj.

Bible in Tzeltal de Oxchuc y Tenejapa

⁸ Joinawon coel ta Líbano, ja'at te mero ya jmulanate; joinawon coel ta Líbano. Mulana te muc'ul spamlej c'alal ta sba te wits Amana, c'alal ta sba wits Senir soc wits Hermón, c'alal ta xch'en te león-chojetic, c'alal ta wits yu'un leopardo-chojetic.

Cantares 4:8 ပူးပေါင်းရင်းမြစ်များ

1 Reyes 4:33

Soc la yalbe sc'oblal te'etic, c'alal ta cedro-te' ta Líbano ha to ta hisopo-te' ya xcol ta ts'ahc. Soc la yalbe sc'oblal chambahlametic, mutetic, chambahlametic te staslajan ta lum, soc chayetic.

2 Reyes 5:12

Te Abana soc Farfar, te muc'ul-ha'etic yu'un Damasco, ¿ma bal ha'uc c'ax hich lequic xan a te bin ut'il spisil te muc'ul-ha'etic yu'un Israel? Teme tey ya jpoc jba a ¿ma bal yacuc xlecubon yu'un? xchi. Ilinem a suht bahel.

1 Crónicas 5:23

Te j'ohlil sts'umbal Manasés mero bayelic, nahinic ta q'uinal c'alal Basán ha to ta Baal-hermón, Senir soc ta wits Hermón.

Salmos 45:10

A'iya awa'iy, cantsil-nich'an, ilawil, ts'ehana achiquin; ch'aya me ta awo'tan te pueblo awu'un soc te sna ame'atat.

Salmos 72:16

Ayuc me bayel trigo ta lumq'uinal, ta baba witsetic; ac'a yac' sit hich te bin ut'il ta Líbano; te mach'atic ayic ta pueblo hich ac'a nichinuc te bin ut'il ha'maletic ta lumq'uinal.

Salmos 76:1

Te Dios na'bil sba ta Judá; ha muc' sc'oblal te sbihil ta Israel.

Salmos 76:4

Ha'at ay awutsilal atuquel, c'ax hich smuc'ul awutsilal a te bin ut'il yutsilal te witsiltic yu'un nutsojel.

Salmos 89:12

Ha'at la apas te norte soc te sur; te Tabor soc te Hermón tse'el yo'tanic ya sc'ayojtaybat abihil.

Proverbios 9:6

Ihquitaya asonsohilic, hich me ya xcuxajex a; behenanic ta sbehlal te bintic ay ta na'el, xchi.

Cantares 2:13

Ayix sit te higuera, te jts'usubiltic te yac ta nich puhquix bahel te sumetal yic'. Hahchan, ha'at te c'uxultaybilat cu'un, te t'ujbilat cu'une, conic.

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Cantares 7:11

La', ha'at te c'uxat ta co'tan, conic ta aquiltic, c'axuc ahc'abal cu'untic ta tut pueblohetic.

Isaías 62:5

Hich te bin ut'il jtuhl querem ya xnuhpun soc ach'ix, hich te aquerem-nich'nab ya me yic' yihnaminat; hich te bin ut'il ay yutsil yo'tan te querem ta stojol te slecol, hich ay yutsil yo'tan Dios ta atojol.

Ezequiel 27:5

Spisil te atablahul la spasic ta ciprés yu'un te wits Senir; la yich'ic cedro yu'un Líbano scuenta snahtil te'el te apac'al.

San Juan 12:26

Teme ay mach'a ya yac' sba ta a'batinel cu'un, ac'a st'unon; te banti ayon, ha nix hich tey ay a te a'bat cu'une. Te mach'a ya yac' sba ta a'batinel cu'un, ya me x'ich'ot ta cuenta yu'un te Jtate.

Deuteronomio 3:25

Ya calbat wocol te yacuc awac'on sohlel ta yilel te lequil q'uinal ta jehch Jordán, ha te t'ujbil witsiltic soc te Líbano, xchihon.

Deuteronomio 3:9

(Te sidonetic, ha Sirión sbihil yu'unic te Hermón; te amorreohetic, Senir sbihil yu'unic stuquel.)

Josué 12:1

Hich ay te ajwaliletic yu'un te q'uinal te tsalotic yu'un te snich'nab Israel soc te u'untaybot sq'uinalic ta jehch Jordán ta stojol banti ya xloc' tal c'ahc'al, c'alal ta sjuclej Arnón ha to ta wits Hermón, spisil te Arabá te ay ta stojol banti ya xloc' tal c'ahc'al: