Cantares 4:6 - Bible in Tzeltal Bachajón

⁶ Ha to c'alal ya sacub q'uinal soc te ya x'ahn bahel te axinal, ya xbohon ta wits yu'un mirra, ta tsehl yu'un pom.

Bible in Tzeltal de Oxchuc y Tenejapa

⁶ C'alal ya sacub te q'uinale asta ja' to teme ya x'an bael te ijc' q'uinale, ya me xboon ta wits yu'un mirra, tey me ayon ta ch'in wits yu'un pom.

Cantares 4:6 ပူးပေါင်းရင်းမြစ်များ

Salmos 66:15

Ya ca'bat buen juhp'en chambahlametic scuenta scohtol chic'bil mahtanil, soc ya ca'bat tat tentsunetic; ya ca'bat torohetic soc tentsunetic scuenta chic'bil mahtanil. Selah

Éxodo 20:24

Ya me apasbon ta puro lum te scajtajib ta chiq'uel mahtanil, tey yac awac' a te scohtol chic'bil mahtaniletic, te mahtaniletic scuenta lamal q'uinal, te tuminchijetic soc wacaxetic awu'unique. Ta spisil lugar banti ya cac' te sna'ojibal te jbihile, tey ya xtalon ta atojol soc tey ya ca'bat bendición a.

Éxodo 30:8

Te c'alal ya stsun te c'ahc' ta yihc'ubel q'uinal te Aarón ha nix hich ya me schic' te pom. Spisil ora ya me yich' pasel ta stojol Jehová yu'un te patil al-nich'anetique.

Éxodo 37:29

La spas te ch'ultesbil aceite yu'un ch'ultesel soc te lequil pom te buen sumet yic', hich te bin ut'il ya spas te mach'a ya spas perfume.

Cantares 2:17

C'alal yac ta sacubel q'uinal soc ya x'ahn bahel te axinale, suhtan talel, ha'at te c'uxat ta co'tan, hichucat te bin ut'il gacela-chij o te bin ut'il jcolel tat chij ta witsiltic yu'un Beter.

Cantares 3:6

¿Mach'a a te yac ta talel ta jochol taquin q'uinal hich te bin ut'il xtomet ch'ahil, te yich'oj mirra soc sch'ahilel pom, soc spisil ta chahp perfumehetique?

Cantares 4:14

nardo soc azafrán, jalal te sumet yic' soc canela, spisil ta chahp te'etic yu'un pom, yu'un mirra soc áloe; soc spisil ta chahp te bintic sumet yic'.

Cantares 8:14

¡Suja aba, ha'at te c'uxat ta co'tan! hichucat te bin ut'il gacela-chij o yal tsajal chij ta sba te witsiltic nojel ta sumet yic'.

Isaías 2:2

Ta nopol slajibal c'ahc'al ha jolal ya xc'oht yu'un spisil witsetic te wits yu'un te sna Jehová; ha toyol ya xc'oht yu'un te tsehletic, soc spisil te nacionetic ya me xtal syom sbahic ta stojol.

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

San Lucas 1:78

ta scuenta yutsil sc'uxul yo'tan te Dios cu'untic, te la stahotic c'alal ta toyol ta scuenta te c'ahc'al te loq'uemix tal,

2 Pedro 1:19

Ha yu'un chican xan ta lec te ha smelelil te sc'op te jalwanejetique. Lec te yac awich'ic ta cuenta, hich te bin ut'il c'ahc' te yac ta tihlel ta yihc'al q'uinal, ha to c'alal ya sacub q'uinal soc te ya yac' sts'anabul ta awo'tanic te jsacubel ec'.

1 Juan 2:8

Pero ya jts'ihbabeyex yach'il mandaril, te chican ta stojol Cristo soc ta atojolic te ha smelelil, como yac ta c'axel bahel te yihc'al q'uinal soc chicanix te smelelil sacal q'uinale.

Apocalipsis 22:16

Ho'on Jesuson, jticonej tal te ch'ul a'bat cu'un scuenta yu'un ya yalbe te iglesiahetic ha'i testigo-c'op ini. Ho'on slohp'on soc sts'umbalon David, ho'on te jsacubel ec', xchi.

Apocalipsis 5:8

C'alal la yich' te hun, te chaneb bintic cuxajtic soc te chaneb scha'winic (24) ta tuhl mamaletic la spahcan sbahic ta stojol te Jcolel Tuminchij. Spisilic ay arpa yu'unic soc yich'ojic taza pasbil ta oro nojelic ta pom, ha te bin ya yalic ta sc'oponel Dios te mach'atic ch'ultesbilique.