Cantares 4:14 - Bible in Tzeltal Bachajón

¹⁴ nardo soc azafrán, jalal te sumet yic' soc canela, spisil ta chahp te'etic yu'un pom, yu'un mirra soc áloe; soc spisil ta chahp te bintic sumet yic'.

Bible in Tzeltal de Oxchuc y Tenejapa

¹⁴ te banti ay nardo soc azafrán, jalal bujts'an yic' soc canela, soc spisil te'etic yu'un pom, mirra soc áloe; spisil bitic mero t'ujbil sbujts' yic'.

Cantares 4:14 ပူးပေါင်းရင်းမြစ်များ

Génesis 43:11

Ha yu'un hich la sjac' te Israel te static: Teme hich ya sc'an pasele, pasahic hiche. Ich'ahic bahel ta acostalic te bin lec ya xloc' ta q'uinal, a'beyahic smahtanin te winic jtebuc bálsamo-te', jtebuc chab, te bintic sumet yic', mirra, nuez soc almendra.

1 Reyes 10:10

Hich la ya'be te ajwalil oxwinic (120) talento oro, bayel bin sumet yic' soc t'ujbil tonetic. Mayuc yan hich yipal te bintic sumet yic' te bin ut'il a'bot te ajwalil Salomón yu'un te ajwalil-ants yu'un Sabá.

2 Crónicas 9:9

Hich te ants la ya'be te ajwalil wacwinic (120) talento oro, bayel bintic sumet yic' soc t'ujbil tonetic. Mayuc yan hich yipal bintic sumet yic' te bin ut'il la yac' te ajwalil-ants yu'un Sabá ta stojol te ajwalil Salomón.

Salmos 45:8

Spisil te ac'u' apac' yich'ojic mirra, áloe soc canela; c'alal ta nahetic yu'un ajwaliletic te ch'albilic ta marfil ya ya'bat tse'el awo'tan ta scuenta instrumentohetic yu'un música te ay scuerdahil.

Éxodo 30:23

Ya me awich' te bin mero sumet yic': ho'winic scha'bahc' (500) siclo mero lequil mirra, lajuneb yoxlajunwinic (250) siclo canela te sumet yic', lajuneb yoxlajunwinic (250) siclo jalal te sumet yic',

Proverbios 7:17

Te jwayib la jca'beyix mirra, áloe soc canela.

Cantares 1:12

Te c'alal ay ta ti'mesa te ajwalil, puhc bahel sumet yic' te nardo cu'une.

Cantares 3:6

¿Mach'a a te yac ta talel ta jochol taquin q'uinal hich te bin ut'il xtomet ch'ahil, te yich'oj mirra soc sch'ahilel pom, soc spisil ta chahp perfumehetique?

Cantares 4:6

Ha to c'alal ya sacub q'uinal soc te ya x'ahn bahel te axinal, ya xbohon ta wits yu'un mirra, ta tsehl yu'un pom.

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Cantares 6:2

Te mach'a c'ux ta co'tan cohem bahel ta ts'umbil q'uinal yu'un, ta chohlochohl te bintic sumet yic', baht ta yaq'uel ta we'el ta ts'umbil q'uinal te tuminchijetic yu'un soc ta stsobel lirio-nichimetic.

Ezequiel 27:19

Te Dan soc Javán la sjelbat abiluc ta uhltesbil taq'uin, canela soc jalal te sumet yic'.

Números 24:6

Hich bin ut'il spamlejetic te spucoj sbahic, hich bin ut'il ts'unubiletic ta ti' muc'ul-ha', hich bin ut'il áloes ts'umbilic yu'un Jehová, hich bin ut'il cedrohetic ta ti'ti'ha'.

San Marcos 16:1

C'alal c'axix a te sc'ahc'alel cux-o'tan, te María Magdalena, te María snan Jacobo, soc te Salomé la smanic bintic sumet yic' scuenta yu'un ya xbaht yatintesbeyic sbaq'uetal a te Jesús.

San Juan 19:39

Ha nix hich te Nicodemo, ha te xtaluc sc'opon te Jesús ta ahc'abal, yich'oj tal mirra capal soc áloes, c'axem ta lajuneb scha'winic (30) kilo yalal.

Apocalipsis 18:13

canela, pimienta clavo, pom, mirra, perfume, vino, aceite, trigo soc lequil juch'bil trigo; wacaxetic, tuminchijetic, cawuhetic soc carretahetic; soc ants-winiquetic te ya yich'ic chonel yu'un mosohinel.