Cantares 3:11 - Bible in Tzeltal Bachajón

¹¹ ¡Loc'anic talel, ach'ixetic yu'un Sión! ilawilic te ajwalil Salomón soc te corona ta sjol te a'bot yu'un te snan te c'alal nuhpun, te bin ora tse'el yo'tan a.

Bible in Tzeltal de Oxchuc y Tenejapa

¹¹ Antsetic ta Sión, loc'anic tel ta yilel te muc' ajwalil Salomón. Yich'oj ta sjol scorona, ja' te pasbot yu'un sme' te ya xtuun yu'un te c'alal ya xnujbine, te ja' jun c'aal bayal yutsil ya yaiy te jayeb c'aal ya xcuxine.

Cantares 3:11 ပူးပေါင်းရင်းမြစ်များ

Salmos 48:11

Tse'el yo'tan te wits yu'un Sión, tse'el yo'tanic te yantsil-nich'nab Judá ta scaj te chahpanel awu'une.

Salmos 9:14

scuenta yu'un ya cal spisil te yutsil ac'oblal ta puertahetic yu'un Sión, soc te tse'el co'tan yu'un te colel awu'une.

Cantares 1:5

Yantsil-nich'nabex Jerusalén, ihc'al antson, pero t'ujbilon hich te bin ut'il te nahilpaq'uetic yu'un Cedar, hich te bin ut'il spac'al snahilpac' Salomón.

Cantares 2:7

¡Ach'ixetic yu'un Jerusalén, tulan ya calbeyex, ta scuenta te gacela-chijetic soc te chijetic ta ha'mal, ma me xatijbeyic swayel te c'uxul-o'tanil ha to c'alal ya sc'an stuquel!

Cantares 7:11

La', ha'at te c'uxat ta co'tan, conic ta aquiltic, c'axuc ahc'abal cu'untic ta tut pueblohetic.

Cantares 8:5

¿Mach'a te yac ta talel ta jochol taquin q'uinal, te pacal ta snehquel te mach'a c'ux ta yo'tan? Ta ye'tal ste'el manzana la jtijbat awayel; ta banti hahch sc'uxul swocol ta alajel te anane, ta banti hahch sc'uxul te mach'a la yayintesat.

Isaías 4:4

c'alal te Jehová ya spocbe loq'uel sbohlil te antsetic yu'un Sión, soc te ch'ich' la yich' malel ta Jerusalén ya spocbe loq'uel ta scuenta te espíritu yu'un castigo soc te espíritu yu'un c'ahc'.

Isaías 53:11

Ya me yil te bin ya xloc' yu'un a te swocol te sch'uhlel, lec me ya ya'iy yu'un; te ca'bat te toj yo'tan ya me yac' te toj ya xc'oht tsobolic ta scuenta te bintic sna'oj, soc ya me scuchbe te smulique.

Isaías 62:5

Hich te bin ut'il jtuhl querem ya xnuhpun soc ach'ix, hich te aquerem-nich'nab ya me yic' yihnaminat; hich te bin ut'il ay yutsil yo'tan te querem ta stojol te slecol, hich ay yutsil yo'tan Dios ta atojol.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Jeremías 32:41

Bayel yutsil co'tan te ya ca'be te bintic lec, soc ta spisil co'tan soc ta spisil jch'uhlel ya cac' te ya xnahinic li' ta q'uinal ini, xchi.

Sofonías 3:17

Te Jehová te Dios awu'un, ay ta awohlil; ¡ay yu'el, ya scoltayat! Bayel yutsil yo'tan ta atojol; ta scuenta sc'uxul yo'tan ya yach'ubtesbat acuxlejal, soc stse'elil yo'tan ya xc'ayojin ta atojol.

Zacarías 6:11

Ich'a te plata soc te oro, pasa corona a, a'beya ta sjol te muc'ul sacerdote Josué snich'an Josadac.

San Mateo 12:42

Te ajwalil-ants ta stojol Sur pajal me ya stehc'an sba ta yorahil ich'el ta c'op soc te jcaj ts'umbalil ini, ya xhalbot smulic yu'un, como c'alal ta sti'il bahlumilal hahch tal ya'iybe sp'ijil-c'op te Salomón, pero ha toyol yu'un Salomón te mach'a li' aye.

San Lucas 15:32

Pero ya sc'an te tse'el co'tantic ya jpastic q'uin, como te awihts'ine chamenix a, pero cha'cuxajix tal; ch'ayem, pero la jtahix, xchi.

San Juan 15:11

Ha la jcalbeyex ini scuenta yu'un hich yac awich'bonic te yutsil co'tan, soc ts'acal ya xc'oht a te yutsil awo'tanic.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

Colosenses 1:18

Ha jolal yu'un te iglesia, te ha sbaq'uetal; ha shahchibal, ha nahil cha'cuxaj ta yohlil te mach'atic chamenic, scuenta yu'un ha toyol ya xc'oht yu'un spisil bintic ay stuquel,

Hebreos 13:13

Ha yu'un ac'a loc'ucotic bahel ta stahel ta sti'il te campamento, pajal ac'a cuhchuc cu'untic te p'ajel yu'une,

Hebreos 2:9

Pero ya quiltic te Jesús, te peq'uel xan ac'ot jtebuc yu'un te ch'ul a'batetic, te a'botix yutsilal soc ich'el ta muc' ta scaj te c'ax swocol ta lajel, scuenta yu'un ya ya'iy lajel yu'un jpisiltic ta scuenta yutsil yo'tan Dios.

Apocalipsis 1:7

¡Ilawil! yac ta talel ta tocal; spisilic ya me yilic, soc nix te mach'atic la slowique; soc spisil ta chahp ants-winiquetic ta bahlumilal ya me yoq'uetay sbahic ta scuenta. Lec ay. Hichuc.

Apocalipsis 19:12

Hich yilel sit te bin ut'il yat c'ahc', soc ay bayel coronahetic ta sjol soc ts'ihbabil sbihil te mayuc mach'a yan ya sna', ha nax ya sna' stuquel.

Apocalipsis 19:7

Bayeluc me yutsil co'tantic, tse'eluc me co'tanic soc ac'a calbetic yutsil sc'oblal, como c'ohtix yorahil te ya xnuhpun te Jcolel Tuminchij, soc la schahpanix sba te mach'a ya xnuhpun soque.