Cantares 3:1 - Bible in Tzeltal Bachajón

¹ Ta ahc'abal la jle ta jwayib te mach'a c'ux ta co'tan; la jle, pero ma ba la jta.

Bible in Tzeltal de Oxchuc y Tenejapa

¹ Ta jujun ajc'ubal la jle ta jwayib te mach'a jmulanej ta co'tane. La jle, pero ma la jta.

Cantares 3:1 ပူးပေါင်းရင်းမြစ်များ

Salmos 22:2

Dios cu'un, ya cawtayat ta c'ahc'alel, pero ma ba yac ajac'bon jc'op; soc ta ahc'abal mayuc cux-o'tan cu'un.

Salmos 4:4

¡Nihcanic me soc ma xata amulic! Na'a me awa'iyic ta awo'tanic te c'alal ayex ta awayibic, soc ch'abanic. Selah

Salmos 6:6

Lubenonix yu'un ahcan; jujun ahc'abal ya xnoj ta ya'lel jsit te jwayib, ya xt'ux jwayib yu'un.

Cantares 1:7

Halbon ca'iy, ha'at te c'uxat ta co'tan, banti yac acanantay te tuminchijetic awu'un, banti yac awa'be scux yo'tanic ta ohlil c'ahc'al. ¿Bin yu'un te hich ayon te bin ut'il jbehyom ta sts'ehl te jtsohb chambahlametic yu'un amohloltac?

Cantares 5:6

La jambe te puerta te mach'a c'ux ta co'tan, pero loq'uemix bahel a te mach'a c'ux ta co'tane; c'alal c'opoj, la yic'bon co'tan. La jle, pero ma ba la jta; la jcawtay, pero ma ba la sjac'bon jc'op.

Cantares 5:8

Ach'ixetic yu'un Jerusalén, tulan ya calbeyex, teme yac atahbonic te mach'a c'ux ta co'tan, halbeyahic te ayon ta chamel yu'un sc'uxul-o'tanil.

Isaías 26:9

Ta ahc'abal ya sc'anat te jch'uhlele, ta spisil jch'uhlel ya jlehat ta sab. Te c'alal yac awa'iy chahpanwanej ta bahlumilal, te mach'atic nahinemic ta bahlumilal ya snopic te bin stojil ta pasele.

Isaías 55:6

¡Lehahic te Jehová te ya to xhu' ta tahel, c'oponahic te bin ut'il nopol to ay!

San Lucas 13:24

Ac'ahic fuersa ta ochel bahel ta banti tut nax sjamalil te ti'nahile, como ya calbeyex te ay tsobol mach'atic ya sc'an ya x'ochic tey a, pero ma ba ya xhu' yu'unic.

San Juan 11:29

C'alal hich la ya'iy te María, ora la stehc'an sba, baht sjuc ta c'op te Jesús.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

1 Pedro 1:8

Aunque ma ba awilojic, c'ux yac awa'iy ta awo'tanic; aunque ma ba yac awilic ta ora ini, yac ach'uhunic soc ay bayel yutsil te stse'elil awo'tanic te ma xhu' ta halbeyel sc'oblal,