Cantares 2:9 - Bible in Tzeltal Bachajón

⁹ Te mach'a c'ux ta co'tan hich c'ohem te bin ut'il gacela-chij, o te bin ut'il jcolel tat chij. Ilawil, ay ta pat ts'ahc, yac ta yilel tal ta ventana, yac shu'sitaybel ta banti jamajtic.

Bible in Tzeltal de Oxchuc y Tenejapa

⁹ Te mach'a bayal ya jmulane, jich c'oem ya caiy te bit'il ja'mal chij, soc jich c'oem te bit'il ch'in chije. Li' ayix to, ayix ta spat ti'nail, chicnajix tel ta ventana, yaquix sju'sitaybelon ta bay jamal.

Cantares 2:9 ပူးပေါင်းရင်းမြစ်များ

2 Samuel 2:18

Tey ayic a te oxeb yalatac Sarvia: ha te Joab, Abisai soc Asael. Te Asael mero ya xhu' yahnimal hich te bin ut'il ha'mal chij.

Proverbios 5:19

ha antsil chij te buen c'uxultaybil, ha t'ujbil gacela-chij! Spisiluc me ora yac amulambe stahn, spisiluc me ora ac'a yu'untayat te sc'uxul yo'tan.

Proverbios 6:5

ahnan loq'uel, hich te bin ut'il gacela-chij ta stojol jnutsojel, hich te bin ut'il mut ya xcol loq'uel ta sc'ab jyaquiwej.

Proverbios 7:6

La jquil ta sventanahul jna, te banti jamajtic;

Cantares 1:16

¡Mero t'ujbilat! ha'at te c'uxultaybilat cu'un, ¡mero lecat! Ha nichimetic te jwayibtique;

Cantares 2:17

C'alal yac ta sacubel q'uinal soc ya x'ahn bahel te axinale, suhtan talel, ha'at te c'uxat ta co'tan, hichucat te bin ut'il gacela-chij o te bin ut'il jcolel tat chij ta witsiltic yu'un Beter.

Cantares 2:7

¡Ach'ixetic yu'un Jerusalén, tulan ya calbeyex, ta scuenta te gacela-chijetic soc te chijetic ta ha'mal, ma me xatijbeyic swayel te c'uxul-o'tanil ha to c'alal ya sc'an stuquel!

Cantares 3:5

¡Ach'ixetic yu'un Jerusalén, tulan ya calbeyex, ta scuenta te gacela-chijetic soc te chijetic ta ha'mal, ma me xatijbeyic swayel te c'uxul-o'tanil ha to c'alal ya sc'an stuquel!

Cantares 8:14

¡Suja aba, ha'at te c'uxat ta co'tan! hichucat te bin ut'il gacela-chij o yal tsajal chij ta sba te witsiltic nojel ta sumet yic'.

San Lucas 24:35

Hich te cha'tuhlic hahch smelbe ya'iyic te bin c'oht ta pasel ta be, soc te tey la sna'beyic sba a te c'alal la xet' te pane.

San Juan 12:41

Hich la yal te Isaías te c'alal la yilbe yutsilal te Jesús soc te la yalbe sc'oblale.

San Juan 5:39

Yac anopilanic ta lec te Shun Dios yu'un yac awalic te tey yac awich' acuxlejalic sbahtel q'uinal a; tey nix halbil jc'oblal a,

San Juan 5:46

Teme ach'uhunejic te Moisés, yac ach'uhunonic te hichuque, como ho'on jc'oblal te la sts'ihbay.

1 Corintios 13:12

Ta ora ini yaxinal nax ya quiltic ta espejo; pero ta patil ya me quilbetic sit ta jsitic nix. Ta ora ini ma ba ts'acal jna'oj; pero ta patil ya me jna'be sba hich te bin ut'il ya sna'bon jba.

Colosenses 2:17

Ta spisil ini ha snohc'otal nax te bin ya xc'oht ta pasel ta patil; pero te bin smelelil, ha te Cristo.

Hebreos 10:1

Como te Ley, te bin ut'il ha yaxinal te bintic lec te talel yac, te ma ha'uc mero smelelil te bintic aye, ma xhu' yu'un ya slecubtes te mach'atic ya xnopojic ta scuenta te milbil mahtanil ya yich' aq'uel ta jujun ha'bil.

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)

Jueces 5:28

Te snan Sísara ya yil ta ventana, ta ventana hich ya x'awon: ¿Bin yu'un ma xtal ta ora te carreta yu'une? ¿Bin yu'un ma xchicnaj sc'op te carretahetic yu'un? xchi.