Cantares 2:8 - Bible in Tzeltal Bachajón

⁸ ¡Ha sc'op te mach'a c'ux ta co'tan! ¡Ilawil, yac ta talel, yac ta wihlel tal ta baba witsiltic, yac ta wihlel tal ta sba tsehletic!

Bible in Tzeltal de Oxchuc y Tenejapa

⁸ Talix te mach'a bayal jmulaneje. Chicanix ya caiy te sc'ope. Talix ta wilawetel ta baba witstiquil, Talix ta wilawetel ta sba tseletic.

Cantares 2:8 ပူးပေါင်းရင်းမြစ်များ

2 Samuel 6:16

Te c'alal c'oht te scaxahul te chapbil-c'op yu'un Jehová ta Pueblo yu'un David, te Mical yantsil-nich'an Saúl la yil ta ventana. C'alal la yil te ajwalil David te yac ta wihlel soc yac wihlawetel ta stojol Jehová, la sp'aj ta yo'tan.

Cantares 2:17

C'alal yac ta sacubel q'uinal soc ya x'ahn bahel te axinale, suhtan talel, ha'at te c'uxat ta co'tan, hichucat te bin ut'il gacela-chij o te bin ut'il jcolel tat chij ta witsiltic yu'un Beter.

Cantares 4:16

¡Hahchan, ic' ta stojol norte! ¡La', ic' ta stojol sur! Hu'xiya te ts'umbil q'uinal cu'un, pucbeyahic bahel yic' te perfume yu'une. ¡Ac'a taluc ta ts'umbil q'uinal te mach'a c'ux ta co'tan, ac'a slo'be sit te bin chi'e!

Cantares 5:2

Wayon, pero ma ba way stuquel te co'tane. La jca'iy yac ta ic'aw ta puerta te mach'a c'ux ta co'tan: Jama, quihts'inat, jlecolat, stsuhmutat cu'un, te lecat cu'un. Ahch'em jol ta ts'ujul, te stsotsel jol ahch'em ta sts'ujulel ahc'abal, xchi.

Isaías 35:6

Hich ya xwihl te coxo' te bin ut'il ha'mal chij, soc te yac' uma' ya x'awon yu'un yutsil q'uinal ya ya'iy. Ya xt'ohm loq'uel ha' ta jochol taquin q'uinal, snojel ha' ta taquin lum.

Isaías 44:23

Ha'at ch'ulchan, c'ayojinan soc yutsil q'uinal yac awa'iy, yu'un hich spasoj te Jehová; awonanic, sc'ubulil bahlumilal. Hahchanic ta c'ayoj, ha'ex witsetic, tohyem te'etic soc spisil te'etic ayic tey a, como te Jehová la yac' ta libre Jacob, soc ya xchicnaj yutsilal ta scuenta Israel.

Isaías 52:7

¡Buen t'ujbil ta witsiltic te yoc te mach'a ya yich' tal lec yach'il c'op, te ya spucbe sc'oblal lamal q'uinal, te ya yich' talel lequil c'op, te ya spucbe sc'oblal colel, te hich ya yalbe te Sión: ¡Te Dios awu'un ay ta Ajwalil! te xchihe!

Jeremías 48:27

Moab, ¿ma bal lajuc alaban te Israel, hich te bin ut'il tahbil ta yohlil j'eleq'uetic? Como te c'alal la awalbe sc'oblal, la ajimulan ajol ta slabanel.

San Lucas 6:23

Bayeluc me yutsil awo'tanic yu'un ta hich ora soc tse'eluc me awo'tanic yu'un, como muc' te mahtanil awu'unic ta ch'ulchan; como hich la spasbeyic te jalwanejetic te sme'statique.

San Juan 10:27

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

Hechos 14:10

ha yu'un la yal ta aw: Hahchan, toj xatehc'an hahchel aba ta awoc, xchi. Hich wihl hahchel, hahch ta behel.

Hechos 3:8

xijluj hahchel, la stehc'an sba soc hahch ta behel; la sjoquin ochel ta Templo, yac ta behel, yac ta wihlel soc yac ta yalbeyel yutsilal te Diose.

Apocalipsis 3:20

Ilawil, teq'uelon ta ti'nahil, yacon ta c'op; teme ay mach'a ya ya'iybon jc'op soc ya sjambon te ti'nahil, ya x'ochon, ya joquin ta we'el soc ya sjoquinon ta we'el.