Cantares 2:3 - Bible in Tzeltal Bachajón

³ Hich te bin ut'il ste'el manzana ta yohlil te te'etic, hich ay ta yohlil te queremetic te mach'a c'ux ta co'tan. Bayel ya jmulan te ya juhcan jba ta yaxinal, soc buen chi' ya ca'iy te site.

Bible in Tzeltal de Oxchuc y Tenejapa

³ Te winic bayal ya jmulane, c'ax jich st'ujbilal a te bit'il yantique, pajal soc ste'el manzana ya quil ta yolil ja'mal q'uinal. Mero bayal yutsil co'tan ya jnajc'an jba ta yaxinal. Buen chi' ya caiy te site.

Cantares 2:3 ပူးပေါင်းရင်းမြစ်များ

Salmos 45:2

Ha'at c'ax hich at'ujbilal a te bin ut'il yantic winiquetic; c'ax t'ujbil c'opetic ya xloc' ta awe, yu'un Dios la ya'bat bendición sbahtel q'uinal.

Salmos 45:3

Chuca ta ach'uht te espada awu'un, ha'at te ma xiwat, chuca aba soc awutsil soc muc' awutsilal.

Salmos 57:1

C'uxultayawon, Dios cu'un, c'uxultayawon, como snac'oj sba ta atojol te jch'uhlele; ya jnac' jba ta yaxinal axic' ha to c'alal c'axix bahel a te wocole.

Salmos 89:6

Como ¿mach'a ay ta ch'ulchan te pajal soc Jehová? ¿Mach'a a te pajal soc Jehová ta yohlil te mach'atic ay yipic?

Salmos 91:1

Te mach'a ya xnahin ta banti canantaybil yu'un te Mach'a toyol ay, ya me xnahin ta yaxinal te Mach'a spisil ya xhu' yu'une.

Cantares 1:16

¡Mero t'ujbilat! ha'at te c'uxultaybilat cu'un, ¡mero lecat! Ha nichimetic te jwayibtique;

Cantares 2:5

A'bon quich' quip ta pasas, a'bon xan yip co'tan ta manzanahetic, como ayon ta chamel ya ca'iy yu'un c'uxul-o'tanil.

Cantares 4:13

ha sts'unubil granado te ay spuhl, te ay slequil sit, ha snich alheña-nichim soc nardo,

Cantares 4:16

¡Hahchan, ic' ta stojol norte! ¡La', ic' ta stojol sur! Hu'xiya te ts'umbil q'uinal cu'un, pucbeyahic bahel yic' te perfume yu'une. ¡Ac'a taluc ta ts'umbil q'uinal te mach'a c'ux ta co'tan, ac'a slo'be sit te bin chi'e!

Cantares 5:16

Te spa'jaj, mero chi', ta scohtol mulantic sba. ¡Hich ay te mach'a c'ux ta co'tan, hich ay te mach'a jun co'tan soc, ach'ixetic yu'un Jerusalén!

Cantares 7:13

Te mandrágorahetic ya spuquic bahel sumet yic', soc ta sti'il jnatic ay spisil ta chahp lequil sit te'etic, ay yach'il soc ay pajuben te jq'uejojbat, ha'at te c'uxat ta co'tane.

Cantares 8:11

Te Salomón ay jun sts'usubil ta Baal-hamón; la yac' hilel ta canantayel. Jujutuhl ya sc'an ya yich' talel lajunwinic yoxbahc' (1,000) ta sehp plata te site.

Cantares 8:12

Te ts'usubil cu'un ay ta jtojol; te lajunwinic yoxbahc' (1,000) ta sehp plata, ha'at awu'un, Salomón, soc te lajunwinic (200) ta sehp plata yu'un te mach'atic ya scanantayic te site.

Cantares 8:5

¿Mach'a te yac ta talel ta jochol taquin q'uinal, te pacal ta snehquel te mach'a c'ux ta yo'tan? Ta ye'tal ste'el manzana la jtijbat awayel; ta banti hahch sc'uxul swocol ta alajel te anane, ta banti hahch sc'uxul te mach'a la yayintesat.

Isaías 25:4

Como ha'at ahnibalat yu'un te pobre, ahnibalat ta yorahil swocol te mach'a mayuc bin ay yu'un, ahnibalat yu'un te tulan ic'al ha'al soc axinalat yu'un te sq'uixinal c'ahc'al. Como te sahb ye te j'uts'inwanej hich c'ohem te bin ut'il tulan ic'al ha'al ta yorahil sic,

Isaías 32:2

Ta jujutuhl hich ya xc'oht te bin ut'il ahnibal yu'un te tulan ic' te ya smac te tulan yic'al ha'al; hich te bin ut'il be-ha'etic ta taquin q'uinal, hich te bin ut'il yaxinal muc'ul ton ta q'uixin q'uinal.

Isaías 4:2

Ta hich ora te spuhl te Jehová ha t'ujbil soc ay yutsilal ya xc'oht, soc te sit ya yac' te lumq'uinal ha toybeyel sc'oblal soc ich'el ta muc' ya xc'oht yu'un te mach'atic hilemic ta Israel.

Isaías 4:6

ha smahquil scuenta axinal yu'un te sq'uixinal te c'ahc'al, soc ha ahnibal soc snac'omba yu'un te tulan ic' soc te ha'ale.

Ezequiel 47:12

Ta jujujehch sti'il te muc'ul-ha' ya xcol spisil ta chahp te'etic te ya yac'ticlan sit. Ma ba ya xluhbaj ya'binal soc spisil ora ay sit. Ta jujun u ya yac'ticlan sit, como te ya'lel yac ta loq'uel tal ta ch'ul awilal. Te sit ya xtuhun yu'un we'elil soc te ya'binal ya xtuhun yu'un pox.

Joel 1:12

Taquijix te ts'usubil soc ch'ay te higuera; ha nix hich te granado, te xahn soc te manzana, spisil te te'etic ta q'uinal taquijemiquix. Hich laj te yutsil q'uinal ya ya'iyic te ants-winiquetique.

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

Jueces 9:15

Te ch'ix hich la sjac'be te te'etic: Teme melel yac awac'onic ta ajwalil awu'unic, la' me, ac'a abahic ta caxinal; teme ma'uque, ac'a loc'uc tal c'ahc' ta ch'ix, ac'a schic'ticlan te cedrohetic te ay ta Líbano, xchi.