Cantares 2:2 - Bible in Tzeltal Bachajón

² Hich te bin ut'il lirio-nichim ta yohlil ch'ixetic, hich ay ta yohlil te ach'ixetic te mach'a c'ux ta co'tan.

Bible in Tzeltal de Oxchuc y Tenejapa

² Te ants bayal ya jmulane, c'ax jich st'ujbilal a te bit'il yantique, pajal soc rosa-nichim ta yolil ch'ixtiquil.

Cantares 2:2 ပူးပေါင်းရင်းမြစ်များ

Cantares 2:1

Ho'on rosa-nichimon yu'un Sarón, lirio-nichim yu'un te spamlejetique.

Cantares 2:3

Hich te bin ut'il ste'el manzana ta yohlil te te'etic, hich ay ta yohlil te queremetic te mach'a c'ux ta co'tan. Bayel ya jmulan te ya juhcan jba ta yaxinal, soc buen chi' ya ca'iy te site.

Isaías 55:13

Ta banti ay jpeht ch'ix, ya xcol tal ciprés, ta banti ay ch'ixetic, ya xcol tal mirto-te'; ha ya ya'be bayel yutsil te sbihil Jehová, jun seña te sbahtel q'uinal ma xjihn.

San Mateo 10:16

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

1 Pedro 2:12

Lecuc me bin yac apasic ta stojol mach'atic ma ba sch'uhunejic Dios, aunque ya yalbeyex ac'oblalic te ha chopol bintic yac apasic, ya me yilbeyex te lec awa'telic, hich ya yalbe yutsil sc'oblal te Dios te bin c'ahc'alil ya xtale.