Cantares 2:17 - Bible in Tzeltal Bachajón

¹⁷ C'alal yac ta sacubel q'uinal soc ya x'ahn bahel te axinale, suhtan talel, ha'at te c'uxat ta co'tan, hichucat te bin ut'il gacela-chij o te bin ut'il jcolel tat chij ta witsiltic yu'un Beter.

Bible in Tzeltal de Oxchuc y Tenejapa

¹⁷ Ma to ba staoj te sc'aalelale, soc te ya x'an bael te axinale, ja'at te bayal c'uxat ta co'tane, la', sujt'an tel. Jich me xtalat te bit'il ja'mal chije, jich me xtalat te bit'il ch'in chij ta sba te chujc'ul witstiquile.

Cantares 2:17 ပူးပေါင်းရင်းမြစ်များ

Proverbios 5:19

ha antsil chij te buen c'uxultaybil, ha t'ujbil gacela-chij! Spisiluc me ora yac amulambe stahn, spisiluc me ora ac'a yu'untayat te sc'uxul yo'tan.

Cantares 2:7

¡Ach'ixetic yu'un Jerusalén, tulan ya calbeyex, ta scuenta te gacela-chijetic soc te chijetic ta ha'mal, ma me xatijbeyic swayel te c'uxul-o'tanil ha to c'alal ya sc'an stuquel!

Cantares 4:6

Ha to c'alal ya sacub q'uinal soc te ya x'ahn bahel te axinal, ya xbohon ta wits yu'un mirra, ta tsehl yu'un pom.

Cantares 8:14

¡Suja aba, ha'at te c'uxat ta co'tan! hichucat te bin ut'il gacela-chij o yal tsajal chij ta sba te witsiltic nojel ta sumet yic'.

San Lucas 1:78

ta scuenta yutsil sc'uxul yo'tan te Dios cu'untic, te la stahotic c'alal ta toyol ta scuenta te c'ahc'al te loq'uemix tal,

Romanos 13:12

C'uhbenix ahc'abal, nopol ya sacub te q'uinale. Ha yu'un ac'a jch'aytic hilel te bin scuenta te yihc'al q'uinal, ha ac'a jchahpan jbahtic soc te a'tejibaletic yu'un te sacal q'uinale.

Hebreos 10:1

Como te Ley, te bin ut'il ha yaxinal te bintic lec te talel yac, te ma ha'uc mero smelelil te bintic aye, ma xhu' yu'un ya slecubtes te mach'atic ya xnopojic ta scuenta te milbil mahtanil ya yich' aq'uel ta jujun ha'bil.

Hebreos 8:5

Te ya'telic ha seña soc ha yaxinal te bintic ay ta ch'ulchan, hich te bin ut'il a'bot sna' te Moisés c'alal hahch spas te nahilpac' templo, te hich halbot: Ilawil, pasa spisil hich te bin ut'il ay te seña la jca'bat awil ta wits, te xchihe.

2 Pedro 1:19

Ha yu'un chican xan ta lec te ha smelelil te sc'op te jalwanejetique. Lec te yac awich'ic ta cuenta, hich te bin ut'il c'ahc' te yac ta tihlel ta yihc'al q'uinal, ha to c'alal ya sacub q'uinal soc te ya yac' sts'anabul ta awo'tanic te jsacubel ec'.