Cantares 2:14 - Bible in Tzeltal Bachajón

¹⁴ Tsumut cu'un te ayat ta banti sc'ub tonetic, ta nac'ombahiletic ta witsiltic, a'bon quilbat asit awelaw, a'bon ca'iybat ac'op; como t'ujbil te ac'ope soc t'ujbil te asit awelaw, xchi.

Bible in Tzeltal de Oxchuc y Tenejapa

¹⁴ “Stsumut cu'un, te ya anac' aba ta muc'ul tontiquile, ta toyol chujc'ul nac'jibaletic, ac'bon quilbat asit-awelaw, ac'bon caiybat ac'op. Mero t'ujbil ya caiy te ya quilate. Ay sbujts' ta aiyel te ac'ope”, xi' ta jtojol.

Cantares 2:14 ပူးပေါင်းရင်းမြစ်များ

Job 9:16

Aunque ya jc'opon soc ha ya sjac'bon te jc'ope, ma ba ya jch'uhun teme ya ya'iybon te jc'ope.

Salmos 110:3

Te pueblo awu'un jun yo'tan ya yac' sba ta acuenta te bin c'ahc'alil yac awa'iy cuentahinwanej, ta scuenta ch'ultesel te ha t'ujbil. C'alal ta shahchibal te sacubel q'uinal yac awich' te sts'ujulel te aqueremil.

Salmos 22:3

Pero ha'at Ch'ul Diosat, ha'at te nahinemat ta yohlil banti ay ta halel yutsil ac'oblal yu'un Israel.

Salmos 45:11

Te ajwalil ya smulambat at'ujbilal; nijana aba ta stojol como ha ajwalil awu'un.

Salmos 45:12

Te yantsil-nich'nab Tiro ya me yich'ic tal mahtaniletic, te jc'ulejaletic ta pueblo ya me sc'anic te lecuc sc'oblalic ta atojol.

Salmos 50:23

Te mach'a ya yalbon wocol te ha jmahtan yu'un, ha ya yich'on ta muc'; te mach'a toj ya xbehen, ya ca'be yil te colel yu'un Dios, xchi te Jehová.

Salmos 68:13

La amehtsan abahic ta yohlil banti q'uejbil tuminchijetic, hich ya xc'ohex te bin ut'il xic' stsuhmut potsbil ta plata, soc te sc'uc'umal potsbil ta oro.

Salmos 74:19

¡Ma me xawac' lajuc ta ti'awal chambahlametic te xpuliwoc awu'un! ¡Ma me jc'axeluc ya xch'ay ta awo'tan te mach'atic awu'un te pich'il yo'tanique!

Éxodo 3:6

Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Cantares 1:15

¡Mero t'ujbilat! ha'at te c'uxultaybilat cu'un, ¡c'ax t'ujbilat! Te asit pajal soc stsuhmutetic.

Cantares 1:5

Yantsil-nich'nabex Jerusalén, ihc'al antson, pero t'ujbilon hich te bin ut'il te nahilpaq'uetic yu'un Cedar, hich te bin ut'il spac'al snahilpac' Salomón.

Cantares 1:8

Teme ma ba yac ana', ha'at te c'ax t'ujbilat ta yohlil yantic antsetic, t'una bahel te yoc ta schahpal te chambahlametic, ac'a ta we'el te tut tentsunetic awu'un ta sts'ehl te nahilpaq'uetic yu'un te jcanan-tuminchijetique.

Cantares 5:2

Wayon, pero ma ba way stuquel te co'tane. La jca'iy yac ta ic'aw ta puerta te mach'a c'ux ta co'tan: Jama, quihts'inat, jlecolat, stsuhmutat cu'un, te lecat cu'un. Ahch'em jol ta ts'ujul, te stsotsel jol ahch'em ta sts'ujulel ahc'abal, xchi.

Cantares 8:13

Ha'at, te ya xnahinat ta ts'umbil q'uinal, te mach'atic sjoquinejonic yac smahliybel ya'iyic te ac'ope. ¡Halbon ca'iy!

Isaías 2:21

Ya x'ochic ta ch'entiquil soc ta banti jamajtic tontiquil ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Isaías 51:3

Te Jehová ya me smuc'ubtesbe q'uinal ya'iy te Sión, ya smuc'ubtesbe q'uinal ya'iy spisil te bintic jihnem yu'un. Ya me yac' te hich ya xc'oht te bin ut'il Edén te jochol taquin q'uinal yu'un, te hich ya xc'oht te bin ut'il t'ujbil ts'umbil q'uinal yu'un Jehová te jochol q'uinal yu'un. Tey ay yutsil q'uinal a soc tse'el-o'tanil, yalel wocol soc c'ayoj.

Isaías 6:5

Ha yu'un hich la jcal: ¡Ay jwocol, ya xchamon! como ho'on winicon te bohloben sc'oblal que soc nahinemon ta yohlil te pueblo te bohloben sc'oblal yehic, la jquil ta jsit te Ajwalil, te Jehová te scuentahinej spisil, xchihon.

Isaías 60:8

¿Mach'atic a ini te ya xwihlic bahel hich te bin ut'il tocal, hich te bin ut'il stsuhmutetic ta snahique?

Jeremías 48:28

¡Ihquitayahic te pueblohetic awu'unic, nahinanic ta ch'entiquil, ha'ex te nahinemex ta Moab! ¡Hich ac'a c'ohucat te bin ut'il stsuhmut te ya spas spechech ta sc'uhb tontiquil!

Jeremías 49:16

Ha la slo'loyat te atoybahil soc te stoybahil te awo'tane. Ha'at te nahinemat ta c'ubul tontiquil, te ha awu'un te stoyolil te witsiltic, aunque toyol yac apas apechech hich te bin ut'il muc'ul jxic, tey ya jcohtesat a, xchi te Jehová.

Ezequiel 7:16

Te mach'atic cuxul ya xhilic hich ya xloq'uic ta ahnel ta witsiltic te bin ut'il stsuhmutetic yu'un te spamlejetic, spisilic ya x'ahcanajic ta scaj te smulique.

Daniel 9:7

Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.

Abdías 1:3

Ha la slo'loyat te stoybahil awo'tan, ha'at te nahinemat ta jamajtic tontiquil, te nahinemat ta toyol, te hich yac awal ta awo'tan: ¿Mach'a ya sjinon cohel ta lum? xchihat.

San Mateo 10:16

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

San Mateo 3:16

Laj nax yich'bel ha' a te Jesús, loc' tal ta ha', jahm te ch'ulchan, soc la yil te Espíritu yu'un Dios yac ta cohel tal hich te bin ut'il stsuhmut soc luhtsaj ta stojol.

Efesios 5:27

scuenta yu'un ya stehc'an te iglesia ta stojol, ha jun iglesia te ay yutsilal, te mayuc yabaquil, mayuc bin jihnem o yan bin ma lecuc, ha ch'ultesbil soc mayuc bin chopol ay ta stojol.

Colosenses 1:22

pero ta ora ini, la scha'lecubtesbeyex awo'tanic soc ta scuenta te sbaq'uetal Cristo te laje, scuenta yu'un ch'ultesbilex soc mayuc banti jihnem awu'unic soc mayuc bin quechel ta acuentahic a ya stehc'anex ta stojol.

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

Hebreos 4:16

Ha yu'un junuc co'tantic ac'a nopojucotic bahel ta stojol te muc'ul-huctajibal yu'un Dios banti ay yutsil-o'tanil, scuenta yu'un ya jtahtic c'uxultayel soc yu'el te ya scoltayotic ta yorahil te jwocoltique.

1 Pedro 3:4

ha'uc me ach'ahlelic te bin ay ta awo'tanic, te sch'ahlel te ma xlaj sc'oblal, ha te yutsil awo'tanic soc lamal awo'tanic, te ha lec yo'tan yu'un te Diose.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

Apocalipsis 5:8

C'alal la yich' te hun, te chaneb bintic cuxajtic soc te chaneb scha'winic (24) ta tuhl mamaletic la spahcan sbahic ta stojol te Jcolel Tuminchij. Spisilic ay arpa yu'unic soc yich'ojic taza pasbil ta oro nojelic ta pom, ha te bin ya yalic ta sc'oponel Dios te mach'atic ch'ultesbilique.